Düysenbi, 18 Qaraşa 2019
Qoğam 3715 0 pikir 27 Jeltoqsan, 2015 sağat 12:35

MEŞİN JILINDA «maymıl serialdardan» QWTILAMIZ BA?

«Nwr Otan» partiyası törağasınıñ birinşi orınbasarı Asqar Mırzahmetovtıñ törağalığımen partiya janın­dağı BAQ ökilderimen qarım-qatınas jönindegi keñestiñ alğaşqı otırısında Qazaqstan telearnaların jaulap alğan şeteldik serialdar mäselesi de söz boldı, dep habarlaydı «QazAqparat».

Osı orayda Qazaqstan­dağı telearnalar men olardıñ basşılığına tän ortaq oydı aytqan «Astana» telearna­sınıñ bas direktorı Läzzat Tanısbaydıñ pikiri eldegi ruhaniyatqa degen ji­ın­tıq közqarastı bildirse kerek. Öz pikirin aşıq äri batıl aytqan Läzzat hanımnıñ uäji memlekettik ideologiyanıñ twtqasın wstap otırğan me­ned­­jerlerdi oylandıruı tiis.

«Soñğı jıldarı zorlıq-zombılıq pen qılmıstı tek jeke menşik telearnalar nasihattaydı degen ürdis qa­lıptastı, – deydi «Astana» ar­nasınıñ bas direktorı. – Memlekettik telearnalardıñ äyteuir bağıt-bağdarı, bö­line­tin qarjısı bar. Al jeke menşik telearnalar jarna­manıñ esebinen kün köruge mäjbür. Bizdi «ündi serialdarın nege körsetesiñder?» dep sınaytındar köp. Keşi­riñiz­der, telearnalardıñ top-menedjerleri osı ündi serialdarın qattı jaqsı köredi deysizder me? Joq, ündi serialdarı bizge joğarı reyting beredi. Reyting jarnamağa jol aşadı, al sol jarnamadan tüsken qarajattan men qol­astımdağı qızmet­kerler­ge jalaqı töleymin. Telear­nalardıñ top-menedjerleri osı reytingtiñ qwlı bolıp otırmız, onı moyındaymın».

Degenmen, Läzzat Tanıs­bay­dıñ aytuınşa, eger qazaq teleserialın tüsiru memle­ket­tik därejede qoldauğa ie bolsa, ol mindetti türde reyting jinay aladı. «Biıl biz eki teleserial tüsiru turalı memlekettik tapsırıs aldıq, – deydi ol. – Eki serial da arnamızda eñ joğarğı reytingke ie boldı. Bayqağanımız – körermender otandıq serialdı köruge öte ıntalı. Biraq mäsele mwnda – biz Qazaq­stannıñ teleserialın tüsiru üşin bir seriyasına 20–25 mıñ dollar jwmsaymız. Al sol bayağı ündi serialınıñ bir seriyasın biz 350 dollarğa satıp alamız. Bağada ayır­maşılıq bar ma?» – dep sw­raq qoyğan eken Läzzat hanım keñeske qatısuşılarğa.

Gendirektordıñ keñeste qoyğan bwl saualı memleket­tik därejedegi ruhaniyat mä­selesi ekeninde dau joq. Se­bebi qazaqstandıq telearnalar arqılı körsetilip jatqan şeteldik serialdar belgili bir mölşerde bizge özge el­derdiñ böten mädenieti men öz­ge piğılın tıqpalaydı. So­nıñ nätijesinde qazaqi orta oğaş oylar men böten mentalitetter botqasına aynaladı. Al bwl problema äl­debir jeke telearnanıñ emes, bükil memleketti meñdegen mäsele bolsa kerek.

«D»

«Obşestvennaya poziciya»

(proekt «DAT» №45-46 (316-317) ot 24 dekabrya 2015 g.

0 pikir