Jwma, 15 Qaraşa 2019
Qoğam 5607 0 pikir 27 Jeltoqsan, 2015 sağat 13:11

QAYRATI JOQ "QAYRATKERLER" QAPTAP KETTİ

...Jıldağıday Täuelsizdik küninde 200-den astam adamğa ärtürli därejedegi memlekettik marapattar taratıldı. Tipti, ekonomikası etpetinen qwlap, esinen tanıp  jatqan elimizde «ekonomikadağı jañalıqtar aşqanı» üşin aqsaqal akademik te keudesine orden taqtı...


Tek, äl-auqatımızdı oysıratqan Kärim MÄSİMOV-pen teñgemizdi tentiretip jibergen Qayrat KELİMBETOVDaniyar AQIŞEV-tarğa memlekettik sıylıq «jetpey qalıp», abıroy boldı. Biraq, jaña jıldan bastap nandı qımbattatuğa bel şeşip, jeñin türip jürgen Auılşaruaşılığı ministri Asıljan MAMITBEKOV-tiñ marapatşılardıñ arasında jımiıp jürgenin közimiz şalıp qalğanday...

Bir şoğır öner ölkesiniñ adamdarı «Qazaqstannıñ eñbek siñirgen qayratkeri» atağına qol jetkizdi. Biraq, bir «Nwr-Mwqasan» tobınıñ änşisi Mwqasan ŞAHZADAEV-qa bwyırğan ataqtıñ, onıñ ömirdegi häm önerdegi «egizi» Nwrlan QONISBAEV-qa qoljetimsiz bolıp qalğanına qayran qaldıq?!. Älde, än şırqağanda, Mwqasan qattıraq qışqıra ma eken?!.

Meniñ jerles inim Twrsınbek QABATOV öz teatrın qwrğan 5 jılda «eñbek siñirip» ülgergen bolsa; 20 jıldan beri qazaq sahnasınıñ otımen kirip, külimen şıqqan «Şanşardağı» Uälibek ÄBDİRAYIM­OV pen Jüsip AQŞORAEV­-tıñ äli künge deyin «eñbek siñire» almağanı qalay?!.

Qazaq änine älemdik muzıkanıñ boyauların asqan şeberlikpen üylestirip, qazaqtıñ estrada jwldızı Roza RIMBAEVA men qosılıp än şırqağan talanttı kompozitor, änşi, atı älemge tanımal qazaq baluanı Qajımwqan MWÑAYT­PASOV-tıñ tuğan nemeresi Baqıtjan QAJI­MWQANOV-tıñ eren eñbeginen - «Türkivijen» halıqaralıq bayqauında jalğız än şırqap, bas bäyge alğan jas änşi Janar DWĞALOVA-nıñ eñbegi artıq nemese basım bolıp pa?!. Eger «Türkivijen» halıqaralıq bayqauına Baqıtjan Qajımwqanovtıñ tabanı tise, özinen basqa eşkimge jülde de timey qalar edi... Qazaqtıñ estrada öneriniñ deñgeyi türki düniesindegi bir dürkin jeñispen ölşenbeuge tiis.

Biz qazaqtıñ eşbir önerin europalıq ölşemmen de, türkilik därejemen de ölşep-ekşep, damıta almaymız. Bizge keregi - tabiği talantı semserdey jarqıldağan şınayı sañlaqtar...

Bügingidey tüysikpen alalap-qaralay bersek, qaptağan qayratı joq «qayratkerlerden» köşede ayaq alıp jüre almaytın bolamız...

Qajımwqan ĞABDOLLA

Abai.kz

0 pikir