Jeksenbi, 17 Qaraşa 2019
46 - söz 3722 0 pikir 29 Jeltoqsan, 2015 sağat 10:48

TÜRKIYA JARAP JATIR

Türkiya biligi tağı bir sauaptı dünieni qolğa aldı. Mazası ketken Ukrainadağı meshet türikterin Türkiyağa köşirudi bastadı. Türli zobalañdı bastan keşken meshettikterdiñ alğaşqı köşi Türkiyağa bet bwrdı. Jalpı, türki əleminde qiındıq körgen bauırların Türkiya öz qamqorlığına aludan eşqaşan tartınğan emes.

Keñes odağınan qudalau körip, Pamir asıp barğan 2 mıñğa juıq qazaqtı bauırına bastı. Arnayı jer berip, Stambuldıñ törine ornalastırdı. Auğanstandağı azamattıq soğıs kezinde zəbir körgen qırğızdardı da qatarına qostı. Noğay, gagauız, qaraşay siyaqtı wlt-wlıstardıñ da ökilin özekke tepken emes. Qıtaydağı wyğırlardıñ jağdayına alañdap, halıqaralıq deñgeyde məlimdeme jasadı. Ağalıq qamqorlığın tanıtıp-aq jür... Türkiyanıñ osı wstanımı wnaydı. Osıdan 25 jıl bwrın əlemdegi təuelsiz jalğız türki memleketi Türkiya ğana edi. Şükir, qazir 6 türki memleketi təuelsiz el retinde ömir sürip jatır. Bwl qatardı tolıqtıratın elderdiñ bolatını anıq. 
Türkiyanıñ türki elderine qamqorlığı jaylı mısaldardı köptep keltiruge boladı. Bir ğana mısal: Türik Respublikası qwrıluınıñ 10 jıldığına oray 1933 jılı 29 qazan küni Türkiya Wlttıq Mäjilisinde Atatürik: «…Bügin Keñes Odağı – dosımız. Osı dostıqqa mwqtajımız bar. Alayda, erteñ ne boların bügin eşkim de kesip ayta almaydı. Qwddı Osman nemese Avstriya – Vengriya imperiyaları siyaqtı bölşektenip, wsaqtalıp ketui de ğajap emes. Bügin qolıñda mıqtap wstağan halıqtar erteñ uısınan şığıp ketui mümkin. Mine, sol kezde Türkiya qanday äreket jasau kerektigin bilui tiis… Bizdiñ osı dosımızdıñ qol astında tili, dini, tağdırı bir bauırlarımız bar. Olarğa qol wşın beruge äzir boluımız kerek. Äzir bolu – sol kündi ünsiz kütu degen söz emes. Dayındalu kerek. Halıqtar bwğan qalay äzirlenedi? Ruhani köpirlerdi berik saqtay otırıp. Til – bir köpir. Senim – bir köpir. Tarih – bir köpir…», - depti. Ne degen köregendik! Bügingi Türkiya Atatüriktiñ osı amanatına adal boldı. Barşa türkilerdi bauırğa basamın degen wlı mwrattarına tek səttilik!

Nwrserik Jolbarıs

Facebook-tegi paraqşasınan

0 pikir