Jwma, 18 Qazan 2019
Mäyekti 4069 0 pikir 30 Qañtar, 2016 sağat 15:49

MÄMBETALINNİÑ MOYINDAUI JAZASIN JEÑİLDETE ME?

Äleumettik jelidegi jazbası üşin, QR Qılmıstıq kodeksin öreskel bwzıp, «Alauızdıq tudırdı» degen ayıppen eki jılğa bas bostandığınan ayırılğan azamattıq belsendi Serikjan Mämbetalin öz kinäsin moyındap, keşirim swradı.

Mämbetalinniñ mälimdemesi äleumettik jeli qoldanuşıları arasında qızu pikir-talas tudırğanı da jasırın emes.  Serikjan Mämbetalin keşe Facebook jelisindegi jeke paraqşasında jwrtşılıqqa arnağan ündeuin jariyaladı. Onda atı şulı sottaluşı kinäsin moyındap, keşirim swrap, özine kesilgen jazanı jwmsartudı ötinipti. Soğan qarağanda, juırda apellyaciyalıq sot otırısında onıñ arızı qaralıp, 2 jıldıq türme jazası şarttı jazağa auıstırıluı mümkin degen boljamdar aytıluda.  Mwnday jağdayda ol qamaudan bosatıladı.

Tömende S.Mämbetalinniñ ündeuiniñ audarmasın berip otırmız.

Qwrmetti dostarım jäne meniñ jaqtastarım, tağdırıma alañdauşılar! 

Özderiñizge mälim osıdan biraz uaqıt bwrın mağan wltaralıq tatulıqqa sızat tüsirdi degen ayıp tağılıp, eki jılğa bas bostandığımnan ayırılğan bolatınmın. Abaqtıda otırıp, bolğan jaydı jan jaqtı oy eleginen ötkizuge uaqıt taptım. 

Oylana kele bwl jağdayğa özimniñ kinäli ekenimdi tüsindim. Tergeu barısında meniñ kinämdi ayğaqtaytın, bwltartpaytın dälelder büge-şügesine deyin tizildi. Sol sebepten de öz kinämdi moyındauğa mäjbür bolıp otırmın. 

Men äleumettik jelidegi paraqşamda qazaq halqınıñ ar-namısına nwqsan keltiretin közqarastağı kitabımdı jarıqqa şığarğan bolatınmın. Şındığında men osı äreketimdi jüzege asırıp jatqanımda ayıptalatınımdı bilgenim joq. Öte qattı qateleskenimdi keyinnen barıp tüsingenimde de mwnı qastıq oylağan qılmıs retinde sezine almağanım ras. Meniñ şetelde wzaq uaqıt biznespen aynalısqanımdı köpşilik biledi. Sol kezde elimizdegi qoğamdıq-sayasi oqiğalarğa belsene aralasıp, ömirdi jaqsartuğa tırıspaq niette boldım. 

Soñğı uaqıttarda meniñ otbasılıq ömirimde de oñ özgerister boldı. Qırküyek ayında wlım Almatıda düniege keldi. Men balamnıñ tolıqtay Qazaqstannıñ azamatı bolıp öskenin qalaymın. 

Meniñ äke-şeşem büginde qart adamdar. Olar öz ğwmırında Otanına degen qwrmetin eş uaqıtta joğaltqqan emes. 

Anam elimizge eñbegi siñgen akuşer-ginekolog. Wlttıq medicinalıq akademiyada däris berip, köptegen bilikti mamandardı tärbielep şığardı. 

Äkem de medicina salasında özin bilikti ğalım retinde körsete bilgen adam. Medicina ğılımınıñ doktorı, köptegen azamattardıñ densaulığına araşaşı bolıp, sauığıp ketuine sübeli ülesin qostı. 

Tergeude jäne sot procesi kezinde özimniñ otbasıma, ata-anama, wl-qızıma kerek ekenimdi tüsindim. Qart ata-anam meniñ bostandıqqa şığuımnan küder üzdi. Wlımnıñ mensiz tärbielenip jatqanına da janım küyzeledi. 

Men öz ayıbımdı tolığımen moyındap jäne sol üşin de ökinemin. Bwl mağan auır sabaq boldı. 

Endi meniñ bwl qateligimdi keşirip, aytqan oyıma adamgerşilik tüsinistikpen qarap, mağan şığarılğan ükimdi jeñildetuiñizdi swraymın. Ata-anama, Otbasıma, balalarıma oralu üşin endigide qoğamdıq-sayasi oqiğalarğa aralaspaytınımdı jwrtşılıq aldında mälimdeymin. Jäne qazirgi künde de sot qoğamdıq belsendilik tanıtatın istermen aynalısuıma tıyım salğan jayı bar. 

Meni orınsız qaralap, bwl mäseleni saudağa salmaularıñızdı swraymın. Meniñ jäne otbasımnıñ basına tüsken osı qiındıqqa tüsinistikpen qaraularıñızğa şaqıramın.

Sizderge degen qwrmetpen, Serikjan Mämbetalin. 

 Abai.kz

0 pikir