Särsenbi, 23 Qazan 2019
Jañalıqtar 3375 0 pikir 30 Qırküyek, 2015 sağat 12:34

MEKKEDE QAZAQSTANDIQ AZAMAT QAZA BOLDI

Mekkede qajılıq kezinde qazaqstandıq Nwrswltan Alpısbaev qaytıs boldı, - dep habarlaydı Tengrinews.kz.

Aldın ala mälimet boyınşa, er adam jürek talmasınan 25 qırküyekte köz jwmğan, alayda bwl turalı bügin ğana belgili boldı. Tuıstarınıñ sözine qarağanda, er adam bwğan deyin de Mekkege qajılıqqa barğan. "Ol adamdar sığılısqan kezde bolmağan. Barlıq räsimnen ötip, üyge wşıp kelui tiis bolatın. Biraq ol toptan qalıp qoyıp, joğalıp ketken. (...) Üş künnen keyin ol Mekkedegi mäyithanadan tabıldı. Bizge ol jürek talmasınan köz jwmğan dep habarlandı", - dedi tuıstarı.

Alpısbaevtıñ Gumilev atındağı Euraziyalıq wlttıq universitetiniñ qızmetkeri ekeni anıqtalıp otır. "Iä, ol Mekkede qaza taptı, biraq onıñ qaytıs bolu sebebi bizge belgisiz. Alpısbaev 1951 jılğı, bizdiñ oqu ornımızda 1980 jıldan beri qızmet etken. Onıñ soñğı qızmeti: äleumettik ğılım fakul'tetiniñ deneşınıqtıru kafedrasınıñ ağa oqıtuşısı. Biz olardıñ tuıstarına köñil aytamız", - dedi universitettiñ baspasöz qızmetindegiler.

Sonımen qatar, Qazaqstan SİM-nen bwl jağdayğa qatıstı tüsinik alu mümkin bolmadı. Onıñ tuıstarınıñ aytuınşa, qazaqstandıqtıñ denesin elge äkelu mäselesi äzirşe şeşilgen joq.

Bwğan deyin Mekkege jaqın jerdegi auruhanada 24 qırküyekte Qazaqstannıñ azamatşası köz jwmdı, ol 78 jastağı zeynetker.

Abay-aqparat

0 pikir