Särsenbi, 23 Qazan 2019
Osı ğoy endi... 4519 0 pikir 30 Qırküyek, 2015 sağat 23:09

QIRIMDI UKRAINAĞA "QAYTARIP" BERDİ

Bilim ministrligi halıqaralıq dau tudırğan oqulıqtardı tügel qaytarıp aluı mümkin. Komissiya tekseruden keyin «Mektep» baspasına 10-şı, 11-şi sınıptıñ geografiyası men tarihında ketken sayasi qateni şwğıl tüzetu turalı şeşim şığardı, - dep habarlaydı KTK arnası.

Daulı kitapta Ukrainanıñ anneksiyalanğan Qırım aymağın Reseydiñ bir böligi dep jazılğan bolatın. Mwnı estigen resmi Kiev narazılıq notasın joldağan edi. Osıdan keyin Bilim ministrligi tekseru jürgizgen. Ğalımdar men deputattardan qwralğan komissiya «Mektep» baspasına oqulıqta ketken qateni şwğıl tüzetu turalı şeşim qabıldadı. Jäne sapasız saraptama jasağanı üşin «Oqulıq» ğılımi-täjiribelik ortalığınıñ basşılarına qatañ sögis jariyalanıptı. Al, oquşılarğa taralıp ketken kitaptı «Mektep» baspasınıñ qalay tüzeytini äzirge belgisiz. "Oğan baspanıñ özi bas auırtuı tiis", -  deydi ministrliktegiler. Resey Qırım aymağın bıltır naurızda referendum arqılı degen jeleumen Ukrainadan tartıp alğan bolatın. Mwnı Mäskeudiñ keybir odaqtastarınan basqa elder moyındağan emes.

"Qırımdı Reseyge sıylağan" Qazaqstannıñ atı şulı eki kitabı - osı. 

1. "Qazirgi düniejüzi geografiyası" (qoğamdıq gumanitarlıq bağıt). Taralımı: 26 000 dana.

2. "Düniejüzi tarihı" (qoğamdıq gumanitarlıq bağıt). Taralımı: 12 000 dana.

 

 

Dwrıs-aq delik. Ministrlik osılay sütten aq, sudan taza bolıp şığa keldi. Dese de, bizdiñ kökeyimizde: "Halıqaralıq dau tudıratın qate kitaptar basılıp jatqanda ministrlik ne qarap otırdı?" degen saual qaldı.

Abai.kz

0 pikir