Seysenbi, 18 Aqpan 2020
Betbwrıs 4295 0 pikir 27 Qazan, 2015 sağat 17:32

ASTANAĞA ABE KELDİ

Bügin Elordağa Japoniya prem'er-ministri Sindzo Abe mırza resmi is-saparmen keldi. Bwl turalı abai.kz portalı Aqordanıñ baspasöz qızmetine silteme jasay otırıp habarlaydı.

Japoniyanıñ  prem'er-ministri bolıp qızmet atqarğan 9 jıldıñ işinde Abe mırza Qazaqstanğa alğaş keldi. Al, dälirek aytsaq, Sindzo Abe  2006 jılı sol kezdegi prem'er-ministr Dzyun'itiro Koidzumi mırzanıñ keñesşisi retinde qazaq topırğan basqan-dı.

Ortalıq Aziyada Qıtaymen bäsekeles boluğa niet bildirgen Abe mırza Özbekstan, Türkimenstan men Qırğızstanğa saparınan keyin Qazaqstanğa arnayı at basın bwrdı.

Japoniya prem'er-ministri Sindzo Abe men Qazaqstan Prezidenti Nwrswltan Nazarbaev bügingi kezdesuden keyingi nätijeler qanday bolğanın bayandap berdi.

Sindzo Abe, Japoniya prem'er-ministri:

-Birinşiden, Japoniya aldağı uaqıtta da Qazaqstannıñ ekonomikalıq reformaların qoldaydı. Äsirese, memlekettik qwrılım men jeke sektorlarda. Biz bwl jöninde kelisimge keldik. Ekinşiden, Qazaqstandağı AES qwrılısına keler bolsaq, biz investiciya qwyu jöninen kelisimge qol qoydıq. Sonday-aq, kadrlar dayarlau, densaulıq saqtau, önerkäsip t.b. salalarda da birlesip jwmıstar jürgizetin bolamız.

Nwrswltan Nazarbaev, Qazaqstan prezidenti:

-Qazaqstan men Japoniya ıntımaqtastığı joğarı elder qatarında. Biz bügin kelisimge kelgendey, sirek kezdesetin metalldar öndiru, atom energetikası, bank sektorı, himiya önerkäsibi, auıl şaruaşılıq salası men transport önerkäsibi salalarında birlesken jobalarğa qol qoyıldı. Bwl jobalar aldağı uaqıtta nätijesin körsetedi dep oylaymın.

Ayta keteyik, osığan deyin mälim bolğanday Sindzo Abe mırza Özbekstan Respublikasına saparı barısında 8,5 milliard dollarlıq kelisimge qol qoyğan bolatın. Al Türkimenstanğa jasağan resmi saparı 18 milliard dollarlıq kelisimmen ayaqtalğan. Odan keyin Qırğız Prezidenti Almasbek Atambaevpen kezdesken Sindzo Abe mırza 0,1 payızdıq mölşermen Qırğızstanğa 120 million dollar nesie bergen.

Al Qazaqstan Prezidenti Nwrswltan Nazarbaevpen kezdesui barısında jürgizgen kelissözder nätijesinde qabıldanğan jobalardıñ soması naqtı qanşa milliardtı (million) qwrağanı turalı aytılmağan. Degenmen, Astanada kezdesken memleket basşıları biraz jıldar boyı üzilip qalğan Qazaqstan-Japoniya qarım-qatınası qayta jandanatın kün alıs emes ekendigin añğarttı. Osılayşa Ortalıq Aziyada ekonomikalıq üstemdik jürgizu talasına Japoniya da aralasuğa qwlıq tanıtıp otır.

Nwrgeldi Äbdiğaniwlı

Abai.kz

0 pikir