Jeksenbi, 23 Aqpan 2020
Bilik 2618 0 pikir 27 Qazan, 2015 sağat 19:51

ALMATI OBLISI: EKSPO BASŞISI JETİSU ÖÑİRİNE KELDİ

Jaqında «Astana EKSPO – 2017» WK AQ basqar­masınıñ törağası Ahmetjan Esimov Jetisu jerine jwmıs saparımen kelip, oblıs äkimi Amandıq Batalovpen kezdesti, - dep jazadı Almatı oblıstıq "Jetisu" gazeti.

Basşılar aldımen İle audanına qarastı «Damu» logis­tikalıq ortalığına barıp, arnayı wyımdastırılğan kör­meni tamaşaladı.

Körmede tapsırıs beru­şi­ler önim sapasın körip, bağalau mümkindigine ie boldı. Mwnda oblıs äkimdigi men «As­ta­na EKSPO – 2017» WK AQ ara­sında otandıq tauar öndiru­şilerdi «Astana EKSPO – 2017» Halıqaralıq ma­man­dan­dı­rıl­ğan körmesiniñ nısan­darın sa­lu­ğa qatıs­tıruğa ba­ğıt­talğan memo­ran­du­mğa qol qoyıldı.

– Özderiñiz biletindey, eli­mizde EKSPO-nıñ sätti öt­ui­ne dayındıq qızu jür­gizilip jatır. Jaqında ğana El­bası atap ötkendey, qazirgi dağdarıs ötken jıldar­dağı­dan älde­qayda kürdelirek. Son­dıqtan, jaña jwmıs orın­darın aşu ğana emes, qazir­gisin de saqtap qalu mañızdı. Sol sebepti biz osı kelisim­şarttarğa qol qoyu­damız», – dedi Ahmetjan Esi­mov. Son­day-aq, ol öz sö­zin­de biıl Milan qalasında ötken EKSPO-da elimizdiñ kör­mesin milliondağan halıqtıñ tama­şalağanın atap ötti. Al, Aman­­dıq Ğabbaswlı: «Öz­deri­ñizge bel­gili, oblıstıñ äleueti joğarı. Osın­day ül­ken jo­bağa bizdiñ tau­ar öndi­ruşi­lerimizdiñ qatısa­tın­dığına quanıştımız», – dedi.

EKSPO bas merdigerleri jab­dıq­tauşılarmen bola­şaq­tağı biznes äriptestigin In­tımaq­tastıq turalı memo­randumdar men naqtı şart­tarmen bayandı etti. Kezdesu barısında Wlttıq kom­pa­niya­nıñ bas merdigerleri otan­dıq tauar öndiruşilermen on bir keli­simşartqa qol qoydı. Atap aytsaq, bas merdiger «Sem­bol Inşat» AQ birden tört keli­simşartqa qol qoyıp, «PLAST Inv­est Production», «Kompaniya Sonik», «Polimermetall-T» jäne «ALYU­GAL» JŞS-teri kompa­niyalarımen jwmıs is­teuge kelis­ti. Osınday birneşe kelisim «Mabco construc­tions s.a» merdi­gerimen, «Knauf Gips Qapşağay» JŞS kompa­niyala­rımen jasaldı.

Sonımen qatar «ABK Qw­rı­lıs–1» kompaniyası «Knauf Gips Qapşağay» jäne «Jetisu granit» JŞS-terimen keli­simşartqa qol qoydı. «Turkuaz YDA Stroy» kom­paniyası «Ta­biği resurstardı paydalanu jäne tabiğattı payda­lanudı retteu» MM, «SAES Sre­da­energostroy» kompaniyası «ASP­MK–519» akcionerlik qoğamımen, «SK Bazis» kom­paniyası «Mekada» JŞS, «Te­keli granit» JŞS-men birge jwmıs isteu nietin memoran­dumda bekitti.

«Astana EKSPO – 2017» WK AQ memlekettik tabiği park­teri­men de «Kölsay özeni», «Al­tın­emel», «İle Alatau» meke­mele­ri­men, sonday-aq «Jibek jolı» jäne «Asia Discover» turopera­torla­rımen memo­ran­dumğa qol qoyıl­dı. Kompaniya Qarağandı, Qızıl­orda, Sol­tüstik Qazaqstan, Pavlo­dar, Şığıs Qazaqstan, Jam­bıl ob­lıs­tarınıñ jäne Astana qala­sınıñ äkimdikterimen otandıq tauar öndiruşilerdi qatıstıru turalı memorandumdar jasap, qol qoydı. EKSPO –2017 ha­lıq­aralıq mamandandırılğan körmesi Asta­nada 2017 jıldıñ 10 mausımınan 10 qırküyegine deyingi aralıqta ötetin boladı.

İle audanı

Abai.kz

 

0 pikir