Beysenbi, 27 Aqpan 2020
Bilik 5484 0 pikir 27 Qazan, 2015 sağat 20:06

"AYGÖLEK" PEN "AYBÖBEK" BALABAQŞASI AŞILDI

Balalardı quantqannan artıq ne bar, bwl ömirde? Olardıñ jaynağan jüzin körip, kümis külkisin estip, alañsız baqıttı balalıq şağın tamaşalağannan artıq ğajap närse bolmas. Balanı quantu – älemge şuaq şaşumen teñ. Öytkeni balaqaylar – bolaşa­ğımızdıñ bayandı jolı, ömirimizdiñ mäni, köñilimizdiñ säni. Balağa jasalğan bar jaqsılıq bolaşaq jolındağı wlı ispen teñ, - dep jazadı Almatı oblıstıq "Jetisu" gazeti.

Mine, sonday balğındar şat­tıqqa bölengen beysenbi kü­ni Taldıqorğan qalasında qos birdey «Aygölek» jäne «Ay­böbek» balabaqşası jet­kin­­şekter üşin esigin ayqara aştı. Aşılu saltanatına ob­lıs äkimi Amandıq Batalov, «Nwr Otan» par­tiya­sı oblıs­tıq filialı törağasınıñ orın­basarı Serik Mwqanov, mäs­lihat hatşısı Ermek Kelem­seyit, bilim basqarma­sınıñ basşısı Läzzat Bazar­qwlova, Taldıqorğan qala­sınıñ äkimi Ermek Alpısov, qalalıq bilim böliminiñ bas­şısı Bolat Twrısbekov qatı­sıp, böbek­terdiñ ortasının tabıldı.

Alğaşqı kezekte №15 «Ay­gölek» balabaqşasında bolğan oblıs äkimi Amandıq Ğabbaswlı balabaqşa wjımı men ata-analardı qwttıqtadı.

– Elbasınıñ qoldauı men bügin­de elimizde jemisti jw­mıs istep jatqan «Balapan» bağdar­laması ayasında büldir­şinderimizdi balabaqşamen qamtuğa mümkindik alıp otır­mız. Osı jılı aldı­mızğa ülken maqsat qoyıp, jetkin­şekterdi balabaqşamen qamtu deñgeyin jıl soñına deyin 77 payızğa jetkizsek degen oyı­mız bar. Ötken jıldı 64 payızben tamamdadıq, qazirgi tañda 6 jasqa deyingi büldir­şinderdi baqşamen qamtu deñgeyi 72 payızdı qwrap otır. Biıldıñ özinde 98 mek­tepke deyingi bilim beru meke­mesin aşudı josparlasaq, onıñ 68-i jekemenşik ülgidegi balabaqşa. Bügingi tañda oblı­sımızda 769 mektepke deyingi mekeme jwmıs isteydi.

Jañadan boy kötergen «Aygölek» balabaqşasınıñ aşıluımen barşañızdı qwt­tıq­taymın. Aspanımız aşıq, elimiz aman, balalarımız baqıttı bolsın! – dedi.

Ata-analar atınan Irıs­tı Mustafina söz alıp, sol­tüstik-batıs şağın auda­nı­nıñ balaları üşin eñseli bala­baqşa saluğa mümkindik jasağan el ağalarına alğısın jetkizdi.

Bwdan soñ oblıs äkimi Amandıq Batalov pen aqsa­qal­dar alqasınıñ müşesi Mereke Serğazin balabaqşa lentasın qidı.

Jinalğan köpşilik bala­baq­şa işin aralap kördi. Qwrı­lıs jwmısın «SurMak» JŞS jürgizgen 280 orındı eki qabat­tı ğimarat barlıq talapqa say jabdıqtalıp, jasalğan. Tipti kireberis däliz­ge kölik twrağı ornatılıp, onda balalar oynay­tın maşina, velosipedter qoyıl­ğan. Jetkin­şekterdi jol ere­jesin üyretuge baulitın bağdarşamdar da är twstan men­mwndalaydı.

Baspaldaqpen köteriler tws­tağı qabırğağa da äsem tabiğat körinisin beyneleytin suret salınğan. Top bölmeleri de sän­di jabdıqtalğan. Balalardıñ qoleñbegin qoyar kişigirim qabır­ğalar da qarastırılğan.

Oblıs äkimi Amandıq Bata­lov balabaqşanı aralap körip, än-küy zalında bala­lar­dıñ önerin, dene şınıqtıru bölme­sinde sporttıq oyındardı tamaşalap, balabaqşa büldir­şinderine jwmsaq oyınşıq- t­ardı tartu etti.

Bwdan soñ oblıs äkimi «Şığıs» şağın audanındağı №14 «Ayböbek» bala­baqşa­sınıñ aşılu saltana­tına qa­tı­sıp, twrğındardı quanı­şımen qwttıqtadı. Ob­lıs bas­şısı men aqsaqaldar alqası­nıñ müşesi Amantay Böstekbaev balabaqşa lentasın qidı. «Balapan», «Jwldız», «Gülder» tobında aşıq sabaq­tardı kö­rip, muzıka zalın­da büldirşin­derdiñ dayındağan koncerttik bağdarlamasın, sportzalda bala­lardıñ taek­vando oyın­darın tamaşaladı. Büldir­şinderge sıylığın tartu etti.

Balalar üşin barlıq jağday jasalıp, jatın, oyın bölme­leri qarastırılğan 320 orındı ba­labaqşa qwrılısın «Gakku-Qw­rılıs» JŞS jür­giz­gen. Ba­la­baqşa ğimaratı da alıs­tan menmwndalap, şağın audannıñ sänin aşıp twr. Eñ bastısı, balabaqşağa zäru bolıp otır­ğan ata-analardıñ swranısı öteldi.

Quanıştı bölisuge kelgen şa­ğın audan twrğını, köp­balalı ana Twrar Bostanova:

– Bügin şağın audan twr­ğındarı üşin ülken quanış. Mem­leket, oblıs basşıla­rı­nıñ ana men balanıñ jağdayın oylap, osınday äsem balabaqşa salıp berip jatqanına mıñ da bir rahmet. Osında balalardıñ kümis külkisi ğana estilip, bolaşa­ğına nwrlı baspaldaq qalana bersin, – degen tilegin jetkizdi.

Alma ESENBAEVA

Abai.kz

0 pikir