Mine, sonday balghyndar shat­tyqqa bólengen beysenbi ký­ni Taldyqorghan qalasynda qos birdey «Aygólek» jәne «Ay­bóbek» balabaqshasy jet­kin­­shekter ýshin esigin aiqara ashty. Ashylu saltanatyna ob­lys әkimi Amandyq Batalov, «Núr Otan» par­tiya­sy oblys­tyq filialy tóraghasynyng oryn­basary Serik Múqanov, mәs­lihat hatshysy Ermek Kelem­seyit, bilim basqarma­synyng basshysy Lәzzat Bazar­qúlova, Taldyqorghan qala­synyng әkimi Ermek Alpysov, qalalyq bilim bólimining bas­shysy Bolat Túrysbekov qaty­syp, bóbek­terding ortasynyn tabyldy.

Alghashqy kezekte №15 «Ay­gólek» balabaqshasynda bolghan oblys әkimi Amandyq Ghabbasúly balabaqsha újymy men ata-analardy qúttyqtady.

– Elbasynyng qoldauy men býgin­de elimizde jemisti jú­mys istep jatqan «Balapan» baghdar­lamasy ayasynda býldir­shinderimizdi balabaqshamen qamtugha mýmkindik alyp otyr­myz. Osy jyly aldy­myzgha ýlken maqsat qoyyp, jetkin­shekterdi balabaqshamen qamtu dengeyin jyl sonyna deyin 77 payyzgha jetkizsek degen oiy­myz bar. Ótken jyldy 64 payyzben tamamdadyq, qazirgi tanda 6 jasqa deyingi býldir­shinderdi baqshamen qamtu dengeyi 72 payyzdy qúrap otyr. Biyldyng ózinde 98 mek­tepke deyingi bilim beru meke­mesin ashudy josparlasaq, onyng 68-i jekemenshik ýlgidegi balabaqsha. Býgingi tanda obly­symyzda 769 mektepke deyingi mekeme júmys isteydi.

Janadan boy kótergen «Aygólek» balabaqshasynyng ashyluymen barshanyzdy qút­tyq­taymyn. Aspanymyz ashyq, elimiz aman, balalarymyz baqytty bolsyn! – dedi.

Ata-analar atynan Yrys­ty Mustafina sóz alyp, sol­týstik-batys shaghyn auda­ny­nyng balalary ýshin enseli bala­baqsha salugha mýmkindik jasaghan el aghalaryna alghysyn jetkizdi.

Búdan song oblys әkimi Amandyq Batalov pen aqsa­qal­dar alqasynyng mýshesi Mereke Serghazin balabaqsha lentasyn qidy.

Jinalghan kópshilik bala­baq­sha ishin aralap kórdi. Qúry­lys júmysyn «SurMak» JShS jýrgizgen 280 oryndy eki qabat­ty ghimarat barlyq talapqa say jabdyqtalyp, jasalghan. Tipti kireberis dәliz­ge kólik túraghy ornatylyp, onda balalar oinay­tyn mashina, velosiypedter qoyyl­ghan. Jetkin­shekterdi jol ere­jesin ýiretuge baulityn baghdarshamdar da әr tústan men­múndalaydy.

Baspaldaqpen kóteriler tús­taghy qabyrghagha da әsem tabighat kórinisin beyneleytin suret salynghan. Top bólmeleri de sәn­di jabdyqtalghan. Balalardyng qolenbegin qoyar kishigirim qabyr­ghalar da qarastyrylghan.

Oblys әkimi Amandyq Bata­lov balabaqshany aralap kórip, әn-kýy zalynda bala­lar­dyng ónerin, dene shynyqtyru bólme­sinde sporttyq oiyndardy tamashalap, balabaqsha býldir­shinderine júmsaq oiynshyq- t­ardy tartu etti.

Búdan song oblys әkimi «Shyghys» shaghyn audanyndaghy №14 «Aybóbek» bala­baqsha­synyng ashylu saltana­tyna qa­ty­syp, túrghyndardy quany­shymen qúttyqtady. Ob­lys bas­shysy men aqsaqaldar alqasy­nyng mýshesi Amantay Bóstekbaev balabaqsha lentasyn qidy. «Balapan», «Júldyz», «Gýlder» tobynda ashyq sabaq­tardy kó­rip, muzyka zalyn­da býldirshin­derding dayyndaghan konserttik baghdarlamasyn, sportzalda bala­lardyng taek­vando oiyn­daryn tamashalady. Býldir­shinderge syilyghyn tartu etti.

Balalar ýshin barlyq jaghday jasalyp, jatyn, oiyn bólme­leri qarastyrylghan 320 oryndy ba­labaqsha qúrylysyn «Gakku-Qú­rylys» JShS jýr­giz­gen. Ba­la­baqsha ghimaraty da alys­tan menmúndalap, shaghyn audannyng sәnin ashyp túr. Eng bastysy, balabaqshagha zәru bolyp otyr­ghan ata-analardyng súranysy óteldi.

Quanyshty bólisuge kelgen sha­ghyn audan túrghyny, kóp­balaly ana Túrar Bostanova:

– Býgin shaghyn audan túr­ghyndary ýshin ýlken quanysh. Mem­leket, oblys basshyla­ry­nyng ana men balanyng jaghdayyn oilap, osynday әsem balabaqsha salyp berip jatqanyna myng da bir rahmet. Osynda balalardyng kýmis kýlkisi ghana estilip, bolasha­ghyna núrly baspaldaq qalana bersin, – degen tilegin jetkizdi.

Alma ESENBAEVA

Abai.kz