Särsenbi, 19 Aqpan 2020
Bilik 2294 0 pikir 28 Qazan, 2015 sağat 03:00

OQO: 74 TWRĞIN ÜY PAYDALANUĞA BERİLMEK

Öñir basşısı Şımkent qalasındağı qwrılısı jürip jatqan birqatar nısandardı araladı, - dep jazadı "Oñtüstik Rabat" gazetiniñ tilşisi.

Äkim äkimşilik-iskerlik ortalığındağı körkem gimnastikağa arnalğan sport keşeniniñ qwrılıs jwmıstarımen tanıstı. Atalğan ortalıqtıñ qwrılısın merdiger mekeme «KDSM» JŞS jürgizude. Körkem gimnastikağa arnalğan sport keşeni 8 bloktan twradı. Mwnda sporttıq arena, eki körinis alañı jäne 750 körermenge arnalğan tribuna bar. Sonımen qatar, 4 jattığu alañı, horeografiya zalı, dayındıqqa arnalğan jattığu zaldarı men ventkamera, bufet, medpunkt jäne egu bölmesi, sportşılardıñ kiim auıstıru jäne juınu bölmesi qarastırılğan. Sonday-aq, 4 bir orındıq qonaqjay bölmesi, eki orındıq 6 nomer, basseyn, 38 adamğa arnalğan eki orındıq jatın bölmesi men galereya bar. Qazirgi tañda qwrılıs-montaj jwmıstarı 90 payız orındalğan. Nısan qwrılısı biılğı jıldıñ qaraşa ayında tolıq ayaqtap paydalanuğa berilmek.

Oblıs basşısı äkimşilik-iskerlik ortalığındağı jaña twrğın alabı men nısandarğa jılu beretin quattılığı 160 Gkal qazandıqtıñ jwmısımen tanıstı. Qazandıqtıñ bügingi künge irrigaciyalıq lotoktardı ornatu, jarıqtandıru jäne asfal't töseu jwmıstarı tolığımen ayaqtalıp, iske qosu jwmıstarı pısıqtaluda.
Qaladağı nısandardı aralau barısında oblıs basşısı 40 köppäterli №2B, №2V kommunaldıq arendalıq twrğın üylerdiñ sapasımen tanıstı. Toğız qabattı üylerdiñ birinşi qabatında keñseler ornalasqan. Ärbir twrğın üy 128 päterden twradı. Şımkentte 103 köpqabattı twrğın üy (5351 päter, 293,3 mıñ ş.m.) qwrılısı jürgizilude. Jıl qorıtındısı boyınşa 4271 päterli 74 twrğın üy paydalanuğa tapsırıladı.

Esteriñizge salamız, biıl Oñtüstik Qazaqstan oblısında qwrılıs kölemi 18%-ğa östi.

Jalpı, 2015 jılı öñirde 405,5 mıñ şarşı metr üydi paydalanuğa beru josparlanıp otır.

Qazirgi uaqıtta 69 twrğın üy salınıp jatır, olardıñ 12 respublikalıq byudjettiñ qarajatına jäne 57 üy oblıstıq byudjettiñ qarajatına salınatın boladı.

Barlığı 2015 jıldıñ soñına deyin 43 üy salınadı, al 2016 jılı tağı da 26 üydiñ qwrılısı jalğasatın boladı.

«Qoljetimdi baspana-2020» memlekettik bağdarlaması ayasında 84 üy salınıp, 23 üy paydalanuğa berildi.

Abai.kz

0 pikir