Senbi, 7 Jeltoqsan 2019
Bilik 3151 0 pikir 25 Qaraşa, 2015 sağat 14:21

TÜRKİSTANDA TAYQAZAN TURNIRİ ÖTTİ

Türkistanda "Tayqazan" turniri ötti. Jıl sayın dästürli türde ötkiziletin bwl şara biıl dañqtı bapker Jarılqasın Oñalbektiñ 65 jıldıq mereytoyına arnaldı, - dep jazadı "Oñtüstik Qazaqstan" gazeti.

Türkistan qalasında respublikalıq «Tayqazan» turniriniñ ötip kele jatqanına 20 jıldan astı. Sodan beri talay talanttıñ «twsauın kesken» jarıstıñ deñgeyi joğarılap, jas baluandardıñ bayraqtı bäsekelerde el namısın abıroymen qorğauına septigin tigizdi. Atalğan turnir biıl da joğarı deñgeyde wyımdastırıldı. Respublikalıq doda halqımızdıñ maqtanışına aynalğan arda wl, Qazaqstan Respublikasına eñbegi siñgen jattıqtıruşı, öñirde qazaq sambosınıñ atası atanğan Jarılqasın OÑalbektiÑ 65 jıldıq mereytoyına arnaldı. Jarısqa Astana, Almatı, Qostanay, Qızılorda, Taraz, Şımkent jäne elimizdiñ özge de qalaları men oblıstarınıñ baluandarı qatıstı. Memlekettik Änwrannıñ orındaluınan bastau alğan bayraqtı bäsekeni Türkistan qalası äkiminiñ orınbasarı Ğani Rısbekov saltanattı türde aştı.

Qayrat ZAYNIŞEV, Äbdirahman QIDIRBEK, «Oñtüstik Qazaqstan».

– Türkistan sporttan da, önerden de ärdayım aldıñğı orınnan körinedi. Qalanıñ sportı turalı söz qozğağanda aldımen auızğa Äbdisalan Nwrmahanov, Oktyabr' Jarılqapov, Bekzat Sattarhanov, Qayıs Aqqaliev jäne Jarılqasın Oñalbektiñ esimderi tüsedi. Jaqañ Sozaq öñirinde tuılıp, Kentau qalasında eñbek jolın bastağan. Degenmen, atpal azamattıñ Türkistan qalasınıñ sportınıñ örkendeuine de siñirgen eñbegi köp. Qazaq sportınıñ, sonıñ işinde kürestiñ, pedagogika ğılımı salasınıñ damuına qosqan ülesi zor. Osı turnirge qatısqan jastar bolaşaqta elimizdiñ mıqtı sportşıları bolsın, – degen tilegin jetkizdi ol.

Türkistan qalalıq mäslihatınıñ hatşısı Ğappar Särsenbaev jarısqa qatısuşılarğa sättilik tilese, oblıstıq mäslihat deputatı, Maqtaaral audanınıñ qwrmetti azamatı Erejep Qanaev jas baluandarğa aq batasın berdi. Qazaqstan Respublikasına eñbek siñirgen jattıqtıruşı Bolat Qırıqbaev turnirdi wyımdastıruşılarğa alğısın jetkizdi.

– Jarılqasın ağamızdıñ qazaq küresin damıtuğa jäne jastardı sportqa bauluda siñirgen eñbegi köp. Qazir sayıs ötip jatqan Bekzat Sattarhanov atındağı sport keşeniniñ aşıluına da üles qosqan. Mine, bügin sonıñ jemisin körudemiz. Jaqañ küni büginge deyin köptegen şäkirtter tärbieledi. Talay jarıstarda qazaq eliniñ namısın qorğağan olar büginde türli salalarda qızmet etude. Barlığı da Jarılqasın Oñalbek ağamızday wlağattı wstazdıñ şäkirti bolğanın maqtan twtadı, – dedi ol.

«Bügingi jastar Jarılqasınğa qarap boy tüzep, ömir jolınan ülgi alsa ökinbeydi» degen Türkistan qalalıq aqsaqaldar keñesiniñ müşesi Şora Esmoldaev bwl jarıs jetkinşekterdiñ qazaq küresine degen qızuşılığın arttıratının ayttı. Ağayındarı men bauırları atınan mereytoy iesiniñ iığına şapan jauıp, at mingizdi.

Jürekjardı jılı lebizin bildirgen «Oñtüstik Qazaqstan» gazetiniñ bas redaktorı Abay Balajan oblısımızda qazaq küresiniñ damuı ülken qarqın alıp kele jatqandığına toqtaldı.

Turnir 1996–1997 jılğı jastar arasında ötti. Eki künge sozılğan bäsekede baluandar segiz salmaq därejesinde baq sınastı. Jwrtşılıq tamaşa ädis-täsilder men ımırasız jekpe-jekterdiñ kuäsi boldı.

Sonımen 55 kelide almatılıq D.Nietbayğa teñ keler qarsılas tabılmadı. Oñtüstikqazaqstandıq S.Jwmadilla ekinşi orındı enşilese, jeñis twğırınıñ üşinşi satısına almatılıq A.Zakir men qarağandılıq baluan J.Ahmetov köterildi. 60 kelide astanalıq S.Äşimniñ bağı jansa, almatılıq M.Omar «Tayqazannıñ» kümis jüldesin ielendi. Almatılıq D.Imanov pen A.Esqaziev üzdik üştikti qorıtındıladı. Oñtüstikqazaqstandıq E.Ämir 66 kelide turnir jeñimpazı atandı. Ekinşi jülde qarağandılıq J.Nwrğaliğa bwyırsa, üşinşi orındardı B.Qiyas pen almatılıq Q.Tülembay ielendi. Almatılıq baluan Ä.Saqan (74 keli) auılına jeñimpaz bolıp oraldı. Türkistandıq E.Quandıq ekinşi orınğa taban tirese, qola jüldeni B.Isa (Türkistan) men T.Jaqsıgeldi (OQO) qanjığağa bayladı. 82 keli salmaq därejesinde Qarağandıdan kelgen baluan E.Moldağwlov turnir kestesiniñ eñ biik twğırınan körindi. Almatılıq E.Bayjigit ekinşi orınğa köterilse, üşinşi orındar Ş.Baqtıbay (OQO) men E.Bölenge (OQO) bwyırdı.

Jergilikti janküyerlerdiñ nazarı 90 keli salmaq därejesinde baqtarın sınağan baluandarğa köbirek auğan. Bwl salmaqta aqtıq sında türkistandıq N.Erehan qostanaylıq A.Jwmağalidıñ jauırının jerge tigizdi. Üşinşi twğırda qızılordalıq B.Moldaş pen qarağandılıq A.Qwrmanbay qatar twrdı. 100 kelige deyingi salmaq därejesinde finalda oñtüstikqazaqstandıq Q.Şämşidinov almatılıq T.Şeynerden basım tüsse, M.Qwdaybergenov (Almatı) pen Ä.Nwrğalı (Türkistan) üşinşi orınnan körindi. Al, 100 keliden joğarı salmaqta E.Sirgebay (OQO) astanalıq E.Abdulladan aylasın asırdı. Qola jüldelerdi N.Ämiräli (Türkistan) men O.Abpas (Almatı) özara bölisti. «Tüye baluandar» sayısında Q.Şämşidinovtıñ (OQO) mereyi üstem boldı. Al, ekinşi orındı A.Jwmağali (Qostanay) enşilese, Ä.Saqan (Almatı) üşinşi orınğa taban tiredi.

Jarıs jeñimpazdarı men jüldegerleri arnayı diplomdarmen, medal'darmen jäne bağalı sıylıqtarmen marapattaldı.

Abai.kz

 

0 pikir