Seysenbi, 10 Jeltoqsan 2019
Uaq-tüyek... 2452 0 pikir 26 Qaraşa, 2015 sağat 03:00

Ğabidolla Äbdirahımov twrğındardıñ talap-ötinişterin tıñdadı

Oñtüstik Qazaqstan oblısınıñ ortalığı Şımkent qalasınıñ äkimi Ğabidolla Äbdirahmanov Şımkent twrğındarın qabıldap, talap-ötinişterin tıñdadı, - dep habarlaydı Abay portalı Şımkent qalası äkimdiginiñ baspasöz qızmetine silteme jasap.

Şımkent qalasınıñ äkimi Ğabidolla Äbdirahımov reglamentke säykes, kezekti ret qala twrğındarın qabıldağan. 2 sağatqa sozılğan azamattardı qabıldau uaqıtında qala äkimi twrğındardıñ saualdarına jauap berip, aldağı uaqıtta olardıñ talap-ötinişterinde körsetilgen özekti mäselelerdi wdayı nazarda wstaytının jetkizdi.

Qabıldau barısında azamattardıñ biri zeynetaqısınıñ azdığın aytıp şağımdansa, endi biri qalanıñ injenerlik-infraqwrılımdıq salasında qalıptasqan ahual boyınşa oy-wsınıstarın bildirdi. Ärine, qalağa jaña qosılğan eldi mekenderdi qosa alğanda, köpqabattı twrğın üy twrğındarınıñ aytar mäselesi bireu ğana, ol – injenerlik-infraqwrılımdıq salanı jañğırtu. Öz kezeginde, qala äkimi twrğındarğa sabır saqtauğa şaqırdı.

Avtotransport salasında da twrğındardıñ qala äkimdiginiñ mamandarına aytar ökpe-nazı jeterlik. Sebebi, avtotwraqtardıñ basım köpşiligi – jeke menşik ieliginde. Avtotwraqtardıñ jetispeuşiliginen, qwqıq qorğau salasınıñ qızmetkerleri tarapınan salınğan ayıppwldı töleuge mäjbür bolğandar qatarı da arta tüskeni bayqaladı.

Sonday-ay, bir top qala twrğını Şımkent qalasınıñ ortalıq bir köşesin qazaqtıñ körnekti hanı – Abılaydıñ esimimen atau mäselesin de wsındı.

Qorıta kelgende, jauaptı hatşı tarapınan tirkeuge alınğan özekti mäseleler boyınşa qala äkimi tiisti sala mamandarına naqtı tapsırmalar jüktedi.

Qabıldau barısındağı azamattardıñ talap-tilekteri Şımkent qalası äkimi Ğabidolla Äbdirahmanovtıñ nazarında boladı. Twrğındardıñ oy-wsınıstarın aldağı uaqıtta eskere otırıp jwmıs jürgiziledi.  

Abai.kz

0 pikir