Särsenbi, 13 Qaraşa 2019
Uaq-tüyek... 2626 0 pikir 27 Qaraşa, 2015 sağat 03:00

OQO-da farmacevtikalıq mekemelerge maman dayındaytın ortalıq aşıldı

Şımkent qalasında OQO Käsipkerler palatasınıñ qoldauımen qwrılğan farmacevtikalıq klaster mekemelerine sapalı mamandar dayındaytın arnayı oqu ortalığı aşıldı.
Bügingi tañda narıqta bilikti mamandardı tabu käsiporındardıñ bastı mäselelerdiñ biri bolıp tabıladı. Eger bir salada jwmıs isteytin käsiporındar sanı köp şoğırlanğan aymaqtı aytar bolsaq, sapalı mamandarğa degen bäsekelestik artadı. 
«Himfarm» AQ («Santo» kompaniyası) Oñtüstik Qazaqstannıñ tarihı tereñ iri käsiporındarınıñ biri bolıp tabıladı. Zauıtta 1100 astam jwmısker qızmet etedi. Soğan qaramastan käsiporında mamandar tapşılığı seziledi. Osı mäseleni şeşu maqsatında zauıt janınan farmacevtikalıq klasterge qajetti mamandardı dayındaytın oqu ortalığı aşıldı. 
Oqu ortalığınıñ aşılu räsimine OQO Käsipkerler palatasınıñ, QR Densaulıq saqtau ministrliginiñ därilik zattar men medicinalıq maqsattağı bwyımdardı saraptau wlttıq ortalığınıñ, oblıstıq Memlekettik farmcevtikalıq akademiyanıñ rektorı, farmacevtikalıq käsiporındar basşıları qatıstı. Ortalıqta bilim aluşılarğa zamanaui qwral jabdıqtar ornatılıp, kitaphana jäne demalu orınımen qamtılğan. Studentterge joğarı bilikti mamandar sonğı ülgidegi tehnologiyamen sabaq beredi. Barlıq oqu bağdarlamaları käsiporındardıñ wsınısın esekere otırıp dayındalğan. 
Ärine, köptegen käsipkerler oqu ornın jaña bitirgen tülekterdiñ jwmısqa birden kiriskenin qalaydı, alayda köp jağdayda studentterdiñ dayındıq deñgeyi käsiporın talabına säykes kelmeydi, - dedi OQO Käsipkerler palatasınıñ direktorı Asqar Abubäkirov. Sondıqtan oqu ordaları men käsiporındar arasındağı baylınıstı nığaytu kerek. Öz kezeginde Käsipkerler palatası eki taraptıñ arasında üylestiruşi rölin atqaradı. 
OQO Käsipkerler palatası oblıs narığındağı maman tapşılığı turalı aqparattı jinaqtağan bolatın. Sol aqparatqa süyene otırıp oblısımızda tapşı mamandıqtardı dayındauğa memlekettik tapsırıs bölinip, dualdı oqıtu jüyesi engizilgen bolatın, - dedi A.Abubäkirov.  
Atalğan öndiristik oqıtu ortalığı farmacevtikalıq kompaniyalar men joğarı oqu orındarı arasında sapalı mamandardı birlese dayındaudıñ jüyeli jäne tiimdi jolı bolıp tabıladı, - deydi  «Santo» kompaniyasınıñ bas direktorı Iji Urbanec. Käsiporın bazasında dayındalğan mamandar, komaniyamızdıñ bolaşaq sapalı jwmısşıları bolıp tabıladı. Ärine, sapalı mamandardı dayındap şığaru joğarı şığındardı talap etedi, şet elderge is saparlar, ol jaqta twru şığındarı, däris jürgizetin maman jaldau siyaqtı mäseleler köp. Osı maqsatta zauıt janınan oqıtu ortalığın aşu eñ tiimdi äri ıñğaylı şeşim bolıp tabıladı, - dedi I.Urbanec.  
İs-şara barısında OQO Käsipkerler palatası, «Himfarm» AQ, QR DSM därilik zattar men medicinalıq maqsattağı bwyımdardı saraptau wlttıq ortalığı jäne Memlekettik farmcevtikalıq akademiya arasında memorandumğa qol qoyıldı. Memorandum üzdiksiz käsibi bilim beru, dualdı oqıtu jüyesi, ğılımi zertteuler jürgizu jäne mamandardı jwmısqa ornalastırudı közdeydi.

Abai.kz

0 pikir