Düysenbi, 18 Qaraşa 2019
Uaq-tüyek... 2256 0 pikir 27 Qaraşa, 2015 sağat 03:00

Äkim halıq senimine ie boluda

Şımkent qalasınıñ äkimi Ğabidolla Äbdiraxımov şaharğa qosılğan eldi mekenderdiñ twrğındarımen kezdesip, pikirlesti. Äueli, jwmıs saparımen Abay audanına qosılğan  «Qızıljar» şağın audanındağı Halıqqa qızmet körsetu ortalığınıñ (CON) qayta qwru jwmıstarımen tanıstı. Ayta keterligi, mwnan bwrın toyxana retinde paydalanılıp kelgen ğimarat endi 118 000 twrğını bar eldi meken xalqınıñ qwjat räsimdeui üşin qızmet etedi. 
Qala äkimi Şımkenttiñ irgesindegi «Qızıljar» eldi mekenine qarastı qws fabrikasınıñ qarausız qalğan käriz jüyesiniñ mäselesimen tanısıp, ekologiyalıq zardaptı öz qadağalauına alatındığın ayttı. Şımkent qalasına qosılğan eldi mekenderdegi twrğın üy mäselesi oñtaylı şeşimin tabuda. Atap aytar bolsaq, mwnda jaña twrğızılğan üylerden bölek eldi mekenderdegi eski twrğın üyler de zaman talabına say jañğırtıluda. Qala basşısına alğıs aytqan qızıljarlıqtar «Memleket tarapınan körsetilgen kömektiñ arqasında baspanamız jañarıp jatır», — dep ağınan jarıldı.
Abay audanına jañadan qosılğan Jañatalap eldi mekenindegi halıqpen kezdesken qala äkimi twrğındardıñ talap-tilekterin tıñdap, audan əkimdigine köterilgen məselerdi tez arada şeşuge tapsırma berdi. Kezdesude jer telimderine qatıstı mäsele de köterildi. Mısalı, Özbekstannan kelgen qandastar atınan söz alğan Äbdiräşit Paşaev şahar basşısı Ğabidolla Äbdirahımovqa alğısın ayta kele, «Atamekenge oralğan qandastarımızdıñ elge oraluına Elbası bastı nazar audarıp, qamqorlıq tanıtuda. Osıdan birneşe jıl bwrın osında kelip, üy salğan bolatınbız. Keyinnen jolğa tura keletindikten üydi sırıp tastaymız dep jatır», — dep kökeyinde jürgen swraqtarın qoydı.     
Öz kezeginde qala basşısı: «Biz bwrınnan salınıp qoyğan twrğın üylerdi bwzbaymız. Olay isteu qaraşa halıqtıñ müddesine qiyanat jasau. Biz mümkindiginşe solardı zañdastıruğa tırısudamız. Səl sabır qılıp bizge de jwmıs isteuge mümkindik beriñizder. Qazir Astanağa osı mäsele boyınşa zañğa özgeris engizu məselesin qarau turalı arnayı wsınıs hat jiberdik», — dedi.
Kezdesulerde köterilgen mäselelerdi qorıtındılağan şahar basşısı: «Şımkent qalasına qanşama eldi mekender qosıldı. Bwl mäsele bügin ğana tuındağan emes. Sondıqtan, mwnıñ barlığı bir künde şeşilip ketpeydi. Men qalağa jaña qosılğan eldi mekenderdi aralap twrğındardı tolğandırğan mäselelermen tanısıp kelemin. Bar küş jigerimmen xalıqqa qızmet etuge äzirmin. Sondıqtan sizderden sabırlı boludı swraymın», — dep halıqtı birlikke ündep, üşinşi qalanı birge körkeytuge şaqırdı. 

Abai.kz

0 pikir