Särsenbi, 19 Aqpan 2020
Tamır 2886 0 pikir 1 Jeltoqsan, 2015 sağat 03:00

ŞARDARADA "ELİN SÜYGEN ELBASI" ATTI ŞARA WYIMDASTIRILDI

Qaşanda igi isterdiñ wyıtqısı bolıp jüretin №16 kolledjde Twñğış Prezident künine oray «Elin süygen, eli süygen Elbası» taqırıbında aytulı is-şara ötti.

Kolledj wstazdarı audandağı ziyalı qauım ökilderi men käsiptik bilim alıp jürgen jas wrpaqtı kezdestire otırıp, egemen elimizdiñ Täuelsizdigi men Qazaqstan Respublikasınıñ Prezidenti Nwrswltan Nazarbaevtıñ ömiri jaylı sır-swhbat wyımdastırdı. Kezdesu bastalardan aldın derekti fil'm körsetildi. Fil'mdegi elimiz öz aldına şañıraq köterip, bwrınğı Keñes Odağınan bölinip şıqqan kezdegi halıqtıñ quanışı, äsirese, şetelde twratın qandastarımızdıñ bir-birlerinen alaqaylap süyinşi swrağan sätteri körermenderdi tolqıtıp jiberdi.

 

Jiınğa qatısqan audandıq mäslihattıñ hatşısı Toqsanbay Berdibekov:

-Jeltoqsan ayı tarihi datalarğa tola ay bolıp sanaladı. 1991 jıldıñ 1 jeltoqsanında elimizde jalpıhalıqtıq saylau ötip, bügingi Elbasımızğa 98,7 payız dauıs bergeni äli esimizde. 10 jeltoqsan küni wlıqtau räsimi ötkeni de jadımızda jañğırıp twr. Men «Nwr Otan» partiyasınıñ audandıq filialınıñ törağası retinde 13 märte partiyanıñ s'ezine qatıstım. Sol kezderde Nwrswltan Äbişwlımen qol alısıp amandastıq. Üzilis kezinde delegattarmen emen-jarqın swhbattasıp, bizdermen äñgime-düken qwratın. Ol kisiniñ qarapayımdılığına tänti bolatınbız. Al, endi memleket basqaru isindegi qıruar eñbegin el biledi. Bizder Elbası sayasatına ärdayım qoldau körsetip, bir kisidey jwmıla jwmıs jasauımız qajet, - dedi.

Kezdesuge kelgen ardager jurnalist Meyirhan Añlamasov, «Ösken öñir» gazetiniñ bas redaktorı Esenbay Beysenbiev, audandıq meşittiñ bas imamı Asılhan qajı Daniyarov, aqındar Nwrğali Ibırayım men Äbdiğappar Aydarovtar Täuelsizdik taqırıbında tolğana söz söylep, jalındı jırlar oqıdı. Audan äkiminiñ orınbasarı Baqtıbay Älipov Twñğış Prezident küniniñ ülken mañızğa ie ekenin, bügingi kezdesu jastar üşin tärbielik mäni zor şara bolğanın aytıp ötti. Jiındı qorıtındılağan kolledj direktorı Zäkir Talbidin :

-Audandağı ziyalı qauımmen jastardı kezdestirudegi maqsatımız – oquşılarımız ülken kisilerdiñ Elbası jaylı äñgimelerin öz qwlaqtarımen estip, kökeylerine toqıtu edi. Nwrswltan Äbişwlınıñ bügingi tañda qoyıp otırğan talaptarınıñ biri – käsiptik bilim berudi damıtu. Bwl jağınan bizdiñ kolledj özgelerden alda keledi. Memleketimiz bizge barlıq jağdaydı jasap jatır. Men özim birneşe damığan elderde issaparda boldım. Olarda käsiptik bilim alu üşin oquşılar aqı töleydi. Al, bizde jastarımız alañsız oqu üşin memleket qarjı töleydi. Mwnday qamqorlıq eş jerde joq. Prezidentimizdiñ jasap jatqan igiligin körip otırğan bizdiñ kolledj oquşıları men wstazdarı barlıq uaqıtta da qolday otırıp, Elbasımen maqtanatın boladı, - dedi.

Kolledj oquşıları öz kezeginde ziyalı qauım ökilderi aldında türli önerlerin körsetti. Kolledj oquşısı Şerhan Oralov «Üşqoñır», «Elim meniñ» änderin näşine keltire orındasa, «Jas tolqın» üyirmesiniñ müşeleri Elbasığa arnağan jır-taqpaqtarın oqıdı. Kolledj işinen qwralğan «Qazına» bişiler tobı tarih qoynauınan sır şertetin «Qazaq eli» qoyılımın sahnaladı.

Ädil ÄBDİRAMANOV, Şardara audanı.

Abai.kz

0 pikir