Jeksenbi, 23 Aqpan 2020
Bilik 2211 0 pikir 1 Jeltoqsan, 2015 sağat 03:00

QALA BAZARLARI QARA BAZARĞA AYNALMAUI KEREK

Şımkent qalalıq käsipkerlik böliminiñ qızmetkerleri salıq jäne qwqıq qorğau salasınıñ mamandarımen birlesip, Äl-Farabi audanı aumağı boyınşa retsiz sauda orındarına reydtik şara wyımdastırdı. Tölebi köşesinde ornalasqan «Qırğı bazardıñ» mañı men ayaldamalardı retsiz sauda qatarlarınan aşu jwmıstarı jürgizildi.

– Şara barısında tüsindiru jwmıstarın jürgizip, retsiz sauda  nüktelerin zamanaui talaptarğa say qalpına keltirilgen sauda orındarına ornalastıruğa tiisti nwsqau berudemiz. Birneşe märte aytılğan eskertuge bey-jay qarağan sauda ieleri üşin zañ ayasında ayıppwldar salınadı, - deydi qalalıq käsipkerlik böliminiñ sektor meñgeruşisi Qayrat Bazarbekov.

Qayta qwrılımdau qalay jürgizilude?

Qala bazarların qayta qwrılımdau, ondağı qauipsizdik şaraların wyımdastıru jwmıstarı äli de bolsa öz deñgeyinde emes. Qala äkiminiñ tapsırmasına säykes, arnayı qwrılğan jwmıs tobı Abay audanı aumağı boyınşa bazarlardıñ bügingi hal-ahualımen tanıstı.

– Bügingi bazarlardı qayta qwrılımdau jwmıstarınıñ alğaşqı kezeñi jürude. Qala aumağında 37 bazar bolsa, 2018 jılğa qaray, barlığı zaman talabına say jabıq keşende qızmet körsetetin boladı. Bügingi şara barısında arnayı jwmıs tobı äsirese, bazarlarda ört qauipsizdigin saqtau talaptarınıñ orındalu körsetkişterine, tazalığına, sonımen qatar, qayta qwrılımdau jwmıstarına jete köñil audardı, – deydi qalalıq käsipkerlik böliminiñ basşısı Asqar Qanıbekov.

Ayta keteyik, jwmıs tobı arnayı kelgen «Avto-Nwr» bazarında bügingi tañda 1500-ge tayau sauda ornı bar. Ört qauipsizdigin saqtau maqsatında bazar äkimşiligi arnayı ört söndirgiş tehnikasın satıp alğanın jetkizdi. Sonımen qatar, är auısım sayın 6 qızmetşi qauipsizdik erejeleriniñ saqtaluın qamtamasız etude.

Arnayı qwrılğan jwmıs tobınıñ müşeleri mwnday şara aldağı uaqıtta qalanıñ özge de audandarınıñ bazarlarında jalğasın tabatının mälim etti.  Qısqası, Şımkent qalasındağı bazarlar qara bazarğa aynalmay sauda sattıqtıñ mädeni türine köşui kerek.

Abai.kz 

0 pikir