Jwma, 15 Qaraşa 2019
Bilik 17905 11 pikir 25 Mausım, 2015 sağat 19:03

ÄSKERI OQU ORINDARĞA QALAY QABILDANUĞA BOLADI?

Biıl elimizde 124 379 oquşı mektep bitirdi. Qanşama jetkinşek armanına qanat baylap, jaña ömirge qadam bastı. Resmi derekterge säykes biıl tülekterdiñ 70 payızı wlttıq birıñğay testileuden ötti. Mektep bitiruşiler üşin nağız sındarlı sät endi bastaladı. Ärtürli sala mamanı atanudı közdegen jastarımız qwjattarın arqalap, «elimizdiñ qay joğarı oqu orının tañdasam eken, qay mamandıqtı meñgersem» eken dep tolğanıp jür. Tülekterdiñ arasında äskeri mamandıq meñgeruge qwlıqtı jastar da bar ekenin eskerip, Qazaqstanda äskeri bilim beretin qanşa JOO bar, äskeri bilim mekemesine qalay oquğa qabıldanuğa boladı degen saualdarğa jauap izdep kördik.

 

Aldımen Qorğanıs ministrligine qarastı äskeri instituttarğa toqtalıp öteyik. Bügingi tañda qorğanıs salasına qajetti äskeri mamandardı oqıtatın üş negizgi äskeri institut bar. Olar:Qwrlıq äskerleriniñ äskeri institutı, Radioelektronika jäne baylanıs äskeri injenerlik institutı sonday-aq Aqtöbe qalasındağı Keñes Odağınıñ eki märte Batırı T.YA.Begel'dinov atındağı Äue qorğanıs küşteriniñ Äskeri institutı.

Qwrlıq äskerleriniñ Äskeri institutı

Elimizdegi äskeri mamandar dayarlau isinde nağız wstahana sanalatın Qwrlıq äskerleriniñ Äskeri institutı oficerlik kadrlardı 11 mamandıq  boyınşa dayındaydı:

Motoatqış äskerleriniñ komandalıq-taktikalıq dayarlığı;

Äue-desanttıq äskerleriniñ jäne äskeri barlaudıñ komandalıq-taktikalıq dayarlığı;

Tank äskerleriniñ komandalıq-taktikalıq dayarlığı;

Artilleriyanıñ komandalıq-taktikalıq dayarlığı; 

Avtokölik äskerleriniñ kkomandalıq-taktikalıq dayarlığı;

Azıq-tülikpen qamtamasız etu boyınşa komandalıq-taktikalıq dayarlıq;

Kiim-keşekpen qamtamasız etu boyınşa komandalıq-taktikalıq dayarlıq; Janar-jağar maymen qamtamasız etu boyınşa komandalıq-taktikalıq dayarlıq;

Bronetanktıq qaru-jaraq jäne tehnika;

Injenerlik äskerlerdiñ komandalıq-taktikalıq dayarlığı;

Äskerlerdi raketa-artilleriyalıq qamtamasız etu boyınşa komandalıq-taktikalıq dayarlıq;

Äskeri audarma isi.

Qwrlıq äskerleriniñ Äskeri institutı kelesi mekenjay boyınşa ornalasqan: Almatı qalası, Krasnogorskaya köş. 35, tel: 8 (7272) 90-18-20, 90-12-42

Radioelektronika jäne baylanıs äskeri injenerlik institutı

JOO-nıñ negizgi mindeti – Qazaqstan Respublikası Qarulı Küşteri äskerleri men qarulanudıñ zenitti raketalıq, radiotehnikalıq äskerleriniñ, baylanıs bölimderiniñ, aviaciyanı radiotehnikalıq qamtamasız etudiñ, avtomattandırılğan basqaru jüyeleriniñ käsibi oficerlerin dayındau bolıp sanaladı.

Bilim mekemesinde bolaşaq oficerler 5 mamandıq boyınşa oqıtıladı:

Radiobaylanıs pen közdeu;

Radiobaylanıs pen zenitti raketalıq äskerlerdiñ qondırğıların jöndeu;

Zenitti raketalıq äskerlerdiñ bölimderi men bölimşeleriniñ radiotehnikası;

Radiotehnikalıq äskerlerdiñ bölimderi men bölimşeleriniñ radiotehnikası;

QR QK avtomattı basqaru jüyeleriniñ injeneri.

Keñes Odağınıñ eki märte Batırı T.YA.Begel'dinov atındağı Äue qorğanıs küşteriniñ Äskeri institutı

Äue qorğanısı küşteriniñ Äskeri institutı dep atı aytıp twrğanday elimizdegi äskeri wşqış, äskeri injener mamandardı äzirleytin jalğız bilim ordası. Instituttıñ negizgi mindetteri – äskeri aviaciyağa  oficerlik kadrlardı dayındau, äskeri teoriyanı damıtu, qoğamdıq ğılımdardıñ äskeri, qaru-jaraq, aviaciyalıq äskeri tehnikanıñ mäselelerine  bağıttalğan ğılımi zertteuler jürgizu, äskerlerdiñ qauipsizdigi jäne jauıngerlik dayındığın arttıru bolıp tabıladı.

Institut bolaşaq mamandardı 8 mamandıq boyınşa dayarlaydı:

Wşqış apparattarın paydalanu, fronttıq aviaciyanıñ komandalıq taktikası;

Wşqış apparattarın paydalanu, armiya aviaciyasınıñ komandalıq taktikası;

Şturmandıq aviyaciyanıñ taktikası;

Aviaciyamen jauıngerlik basqarudıñ komandalıq taktikası;

Wşqış apparattardıñ jäne otalğıştardıñ tehnikalıq paydalanuı; Aviaciyalıq radioelektrondı qwral-jabdıq;

Aviyaciyalıq elektrofikaciyalıq jäne wşqıştıq-közdeuiş radioelektrondı qwral-jabdıqtıñ tehnikalıq paydalanuı;

Aviaciyalıq qaru-jaraqtanu.

Äue qorğanıs küşteriniñ Äskeri institutı Aqtöbe qalası, Moldağwlova köşesi 16 mekenjayında ornalasqan. Tel: 8 (7132) 52-28-45; 52-16-88.

Tömende körsetilgen oquğa qabıldau erejesi üş äskeri institutqa da birey qatısı bar.

Oquğa qabıldau erejeleri

Al, endi osı joğarıda atalğan äskeri bilim mekemesine oquğa baram deuşi tülekter ne isteui kerek? Qanday qwjattardı qayda ötkizedi?

1)     Äskeri mamandıqtı tañdağan tülek 25 şildege deyin tegin, atın jäne äkesiniñ atın, tuğan künin, bilim deñgeyin, äskeri oqu ornınıñ jäne ol boyınşa oquğa niet bildirgen mamandıqtıñ atauın körsete otırıp, jergilikti äskeri basqaru organdarına ötiniş joldaydı;

2)     Qazaqstan Respublikası Qorğanıs ministrliginiñ Äskeri bilim jäne ğılım departamenti jıl sayın 20 mausımğa deyin Qazaqstan Respublikası Qorğanıs ministriniñ bwyrığımen qabıldau jäne apellyaciyalıq komissiyalardıñ qwramdarın, olardıñ mindetterin, qabıldau komissiyasınıñ jwmıs josparın, sonday-aq WBT-dan ötu balın bekitedi.

3)     Joğarı äskeri oqu orındarına qabıldau 1-25 tamız aralığında ötedi. Äskeri bilim mekemesin tañdağan tülek eñ äueli WBT qorıtındısın aparadı. Äskeri instituttardıñ talabı – testileudiñ balı joğarı boluı tiis.   

4)     Kelesi kezekte WBT balı jetkilikti dep şeşilgen soñ, tülekter dene dayarlığı boyınşa normativter tapsıradı;

5)     Medicinalıq tekseristen ötedi;

6)     Psihologiyalıq test tapsıradı.

Bügingi tañda bilekke emes, bilimge senetin zaman. Uaqıt özgergen sayın, zaman türlenip, talap ta küşeydi. Äskeri salağa baramın deuşi tülek üşin, bilim jäne dene dayarlığınıñ joğarı körsetkişi mañızdı mäsele bolıp tabıladı. Sportta därejeli bolıp, halıqaralıq jarıstardıñ jeñimpazı bolsa tipti jaqsı. Bir orınğa birdey wpaymen talas tuğan jağdayda, sporttıq jetistikter men olimpiadadağı jetistikter eskeriledi. Odan keyin talapkerdiñ intellektisi mañızdı orın aladı. Öytkeni, ol jerde qatardağı sarbaz emes, bergen tapsırmanı orınday alatın, mäseleni şeşuge kelgende taptırmaytın maman – bolaşaq oficerler dayarlanadı.

 

İşki ister ministrligi Tötenşe jağdaylar komitetiniñ Kökşetau tehnikalıq institutı

Qazaqstan Respublikası İşki ister ministrligi Tötenşe jağdaylar komitetiniñ Kökşetau tehnikalıq institutında kündizgi jäne sırttay oqu türleri boyınşa mamandar äzirlenedi. Oqudı bitirgen soñ kündizgi oqu türiniñ tülekterine äskeri is jäne qauipsizdik bakalavrı akademiyalıq därejesi men «örtke qarsı qızmet leytenantı» arnayı atağı beriledi.

Mamandıqtar:

«Ört qauipsizdigi»;

«Tötenşe jağdaylarda qorğau»;

«Azamattıq qorğanıstıñ komandalıq-taktikalıq küşi»

Atalmış mamandıqtardı meñgergen mamandar oqu ornın bitirgen soñ, Qazaqstan Respublikası İİM Tötenşe jağdaylar komitetiniñ bölimşelerinde jwmısqa twrğızıladı.

Oquğa qabıldau şarttarı:

Azamattardı institutqa qabıldau tört kezeñ boyınşa ötedi:

Birinşi kezeñde Instituttıñ memlekettik qabıldau komissiyası WBT nemese TKT (qazaq nemese orıs tilderi, Qazaqstan tarihı, matematika jäne törtinşi pän - fizika, beyindi pän – matematika) sertifikatındağı baldarğa säykes irikteudi ötkizip, oquğa ümitkerlerdi qalıptastıradı;

Ekinşi kezeñde medicinalıq jäne psihofiziologiyalıq körsetkişter boyınşa irikteu ötedi;

Üşinşi kezeñde dene şınıqtıru körsetkişteri boyınşa irikteu jürgiziledi  Törtinşi kezeñde - mandattıq komissiya kursanttar qatarına qabıldaydı.

Qazaqstan Respublikası Wlttıq wlanı Äskeri institutı

Institut Wlttıq wlanğa komandalıq, tärbie jäne äleumettik-qwqıqtıq, tıldıq, avtomobil'dik, injenerlik-tehnikalıq, raketa-artilleriyalıq qamtamasız etuge taktikalıq basşılıq etu mamandıqtarı boyınşa oficerler dayarlap, «leytenant» äskeri atağın jäne mamandığına säykes biliktiligin qosa beredi. Oqıtu bağdarlamasında kursanttardıñ EEM operatorları jäne «VS» sanattı jürgizuşi mamandıqtarın meñgerui qarastırılğan. Kursanttardı oqıtu 7 kafedrada jürgiziledi.

Wlttıq wlannıñ Äskeri institutında bilim aludı arman etken talapkerler qatañ talap süzgisinenötedi. Densaulığına, küş-quatına erekşe män beriledi. Dene şınıqtıru dayındığınan normativter, äskeri-käsiptik bağıttağı psihologiyalıq test, birneşe pännen keşendi sınaq tapsıradı.

QR İşki İster Ministrliginiñ  Almatı Akademiyası

 

QR İİM Almatı Akademiyası kelesidey mamandıqtar boyınşa oqıtadı:

Tergeu-kriminalistika qızmeti;

Jedel izdestiru qızmeti;

Jedel-kriminalistika qızmeti;

Äkimşilik-qwqıqtıq qızmeti

Erejege säykes Akademiyağa käsiptik-tehnikalıq jäne jalpı orta bilimi bar, işki ister organdarı qızmetkerlerine qoyılatın talaptarğa jauap beretin, oquğa jäne äskeri qızmetke densaulığı jaramdı, 16 jasqa tolğan jäne 25 jastan aspaytın Qazaqstan Respublikasınıñ azamattarı qabıldanadı. Keşendik testileu azamattardıñ qalauı boyınşa qazaq nemese orıs tilderinde jäne negizgi pän (düniejüzi tarihı) boyınşa körsetilgen mamandıqtar tizimine säykes jürgiziledi.

Mekenjayı: Almatı qalası, Ötepov köşesi, 29.

Tel: 8(727) 337-81-11, Faks: 8(727) 337-80-88. Internet poşta: Akademy_mvd@mail.ru sayt

QR İİM Qarağandı zañ institutı

Qazaqstan Respublikası Ükimetiniñ Qaulısımen 2001 jılı QR İİM Qarağandı zañ institutına B.S.Beysenovtiñ esimi berilip, 2005 jıldıñ 5 mamırında ğwlama twlğağa arnap, JOO-nıñ aumağında eskertkiş ornatıldı.

Institut tömendegi mamandıqtar boyınşa kadrlar dayarlaydı:

Qılmıstıq qwqıq, kriminologiya jäne qılmıstıq-atqaru qwqığı;

Qılmıstıq is jürgizu;

Kriminalistika jäne sot saraptaması;

Jedel-izdestiru qızmeti.

QR İİM M.Bökenbaev atındağı Aqtöbe Zañ universiteti

Aqtöbe Zañ universiteti «qwqıqqorğau isi» mamandığı boyınşa äskeri kadralardı oqıtadı. Bilim ordası biılğı tülekterdi oqu jüyesine engizilgen jaña özgerimter boyınşa qabıldaytının ayta ketkenimiz jön. Qısqartılğan bağdarlamağa say tülekter 2 jıl bilim alıp, zañger mamandığın meñgeruine mümkindik berilip otır. İşki ister ministrligi vedomostvosı basşılarınıñ aytuınşa, 2016 jıldan bastap Aqtöbe Zañ institutın käsibi qayta dayarlıqtan ötu üşin biliktilikti köteru jäne kadrlardıñ biliktiligin arttıru institutına aynaldıru josparlanıp otır.

Instituttıñ meken-jayı: Aqtöbe qalası, 41-jol ayrığı, Kursanttar tas jolı 1, 8(7132)41-43-15, 41-43-21, 98-80-37.

Bügingi tañda Soltüstik Qazaqstan oblıstıq İİD kadrlıq bölimşeleri Qazaqstan Respublikası İşki ister ministrliginiñ oqu orındarın jabdıqtau jwmıstarın bastadı.

Medicinalıq komissiya, sonımen qatar, arnayı tekserulerdi ötkizuge baylanıstı İİM jüyesiniñ bilim mekemeleri talapkerlerdi tañdaudı uaqıtınan bwrın qolğa aladı. Policiyanıñ oqu orındarına qabıldau eki kezeñ boyınşa jüzege asırıladı: birinşi kezeñ – medicinalıq, fizikalıq jäne psihologiyalıq körsetkişterdi qamtısa, ekinşisinde qabıldau komissiyası ümitkerlerdi tıñdauşılar qatarına qabılday bastaydı. QR İİM oqu orındarına tüsuge qwjattardı äzirleu barısında qoyılatın bastı talaptar – orta jäne orta joğarı bilim, sonımen qatar, jas mölşeri 25-ten aspauı tiis.

İİM oqu orındarına tüsuge ümitkerlerdiñ fizikalıq dayarlığına jäne medicinalıq körsetkişterine erekşe köñil bölinedi. Käsip mıqtı densaulıqtı qajet etetindikten, äskeri-därigerlik komissiya tekseristi eki aynalım boyınşa ötkizedi.

WQK Şekara qızmetiniñ akademiyası

Akademiyada oqu merzimi 4 jıl. 5 mamandıq boyınşa kadrlar dayarlanadı:

Komandalıq-taktikalıq;

Jedel-barlau qızmeti;

Şekaralıq baqılau;

Kinologiya;

Qızmettik-jauıngerlik is-äreketti moral'dıq-psihologiyalıq qamtamasız etu.

Meken-jayı: Almatı qalası, Dostıq dañğılı 103, tel/faks: 8 (727) 264 65 29, e-mail: viknbrk@mail.ru

Wlttıq Qauipsizdik komitetniñ institutı

Instituttıñ negizgi mindeti – basşılıq buınnıñ oficer kadrların dayındau, sonday-aq QR KK-niñ şekara äskerleri üşin oficer qwramın qayta dayındau men biliktiligin arttıru, äskeri ğılımi-pedagogikalıq mamandarın dayındau.

Mwnda qabıldau komissiyası qaraşa ayınan bastap jwmıs isteydi. Talapker 10 ay bwrın ötiniş berip qoyuı qajet. Aldımen jergilikti jerdegi  WQK-niñ (auıldıq jerde bolsa audan ortalığına barıp) kadrlar böliminen ne isteu kerek ekenin swraydı. Olar arnayı tekseruden ötkizgennen keyin, qwzırlı organ akademiyağa tapsıruıñızğa wsınıs beredi. Medicinalıq komissiyadan ötip, mekteptiñ attestatın «qwşaqtap», aymaqtıq WQK-niñ basqarmasındağı qabıldau komissiyası men mandattı komissiyanıñ qarauına baradı. Odan ötkennen keyin WBT-niñ nätijesimen institutqa tike tartuğa boladı.

Al, Wlttıq Qauipsizdik komitetiniñ institutı men akademiyasınıñ ayırmasın ajırata almay jürgender bolsa, jauap mınanday: Akademiyanı tämamdağan tülek WQK organdarına jwmısqa qabıldana beredi, al institut tämamdağandar şekaraşı qızmetine ketedi. Akademiyağa tapsırğısı kelgender ağılşın pänin, institutqa tüskisi kelgender geografiya pänin tañdauı kerek.

Qadirmendi tülekter, joğarıda atalğan äskeri mamandıqtar boyınşa kadrlar äzirleytin joğarı oqu orındarında bilim alu memleket tarapınan tegin ekenin qaytalap aytqım keledi. Jolıñız bolıp, oquğa qabıldanğan jağdayda 4 jıl tegin jatın orın, kiim-keşek, tamaq sonday-aq şäkirtaqımen qamtamasız etiletin bolasızdar!!! 

P.S. Äskeri salanı tañdağan tülekter, biz tizbektep ötken oqu orındarı Otan qorğau, qwqıq, tärtip sekildi wğımdarğa negizdelgendikten, bwl salada älsizdik, şıdamsızdıq sekildi qasietterge orın joq ekenin eskergenderiñiz abzal. Bolaşaq äskeri maman iesi – bolaşaq Otan qorğauşı maman. Barşañızğa sättilik tileymiz!

 

Baqıtgül ABAYQIZI

el.kz

11 pikir