Jwma, 15 Qaraşa 2019
Qoğam 2793 0 pikir 30 Mausım, 2015 sağat 09:37

TÄUELSİZDİKTEN MEREYİ BIİK MEREKE ...


Qazaqta mereke köp. Toyşıl qazaq az jwmıs istep, köp merekelegendi jaqsı köredi. Sol köp merekeniñ eñ qasterlisi – babalar añsağan bostandıqtıñ, ötemine köp qan tögilgen täuelsizdiktiñ ardaqtalar küni, 16 jeltoqsan. Osı merekeni aytsa sizdiñ esiñizge ne tüsedi?

Meniñ esime student bitken auılına ayaq astı ketip, qañırap qalğan qala tüsedi. Istıq qanı tulağan, jas jüregi lüpildegen jastardıñ gül şoqtarına kömilmey, jetimsirep twrğan eskertkişter tüsedi. Meniñ esime bwl künmen birge bir jwma demalıs alıp, üylerinen şıqpay jatıp alatın şendiler tüsedi. Meniñ esime tiesili merekelik küni alıs bolsa da «Jeltoqsannan» bwrın-aq jaynap alğan şırşalar tüsedi. Meniñ esime osı künderi ğana memlekettik telearnalardan körsetiletin Sovettik kezdegi qazaq kinoları tüsedi ...

16 jeltoqsanda Astana küni qarsañındağıday «Qazaqstan temir jolında» bilet tapşı bolğan emes. Bwl künde türli bwqaralıq jarıstar, foto bayqaular, esepsiz bäygeler bolğan emes. Bwl künde şeteldik megajwldızdar elimizge kelip koncert qoyğan emes. Bwl künde key äkim Täuelsizdiktiñ monumenti ornalasqan, Jeltoqsannıñ eskertkişi ornalasqan qalada bolğısı kelmeydi. Bwl künde milliondağan qarjı bölinip ot şaşular şaşılğan emes. Bwl künde tikeley efir arqılı jwldız atanıp jürgender kündiz-tüni än salğan emes.

Astana – ärine äsem qala. Qayratkerlik qoltañba. Alayda täuelsizdik bolmasa Astana salınar ma edi? BAQ betinde osıdan däl bir ay bwrınğı «quğın-sürgin qwrbandarın eske alu küni turalı» qanşa material jariyalandı? Kim küñirene söylep, azınağan wlt qayğısın süyegi sırqırap jırğa qostı? Memlekettik rämiz küninde kim koncert ötkizdi? Esesine sol künderden-aq Astana küni merekesi nauqanı jırlanıp jattı. Sol kezden-aq jañalıqtar saytı «Astana küninde bälen degen jwldız keledi» dep jazıp jattı. Qazir radionı qossam Astana, telearnanı qossam Astana, internetti aşsam Astana, oyda da Astana, qırda da Astana... Al, sol Astananıñ irgesinen on-aq şaqırım jatqan köptegen auıldarda su, jarıq, jol mäselesi şeşilmey jatqanın, Astananıñ bir kündik toyına ketken qarjığa, mıñ kisi twratın bir auıl saluğa bolatının siz bilesiz be?  Astananı änge qosam dep jürip, «köterem attay» qoğamımızdı zorıqtırıp almasaq eken, ağayın!

 

Abai.kz

0 pikir