Jeksenbi, 23 Aqpan 2020
Jañalıqtar 2515 0 pikir 1 Şilde, 2015 sağat 19:50

GITLER AURUĞA ŞALDIQQANDIQTAN SSSR-GE ŞABUILDAPTI

Ğalımdar Germaniya köşbasşısı Adol'f Gitler Parkinson auruına şaldıqqandıqtan KSRO-ğa şabuıldadı degen mälimdeme jasağan. Bwl turalı tengrinews.kz habarladı. Mamandardıñ aytuınşa, Gitlerdiñ derti Ekinşi düniejüzilik soğıs kezinde eldiñ jeñilis tabuında asa mañızdı rol' atqarğan. 

Raghav Gupta (Raghav Gupta) men onıñ Pittsburg universitetindegi äriptesteri fotohronika kadrlarına taldau jasadı: odan fyurerdiñ 1933-1945 jıldarı qozğalu funkciyasınıñ bwzılğanın köruge boladı. Ğalımdardıñ sözine qarağanda, onıñ sol jaq qolı dirildeytin bolğan. Parkinsonizm köbinese gipokineziyağa şaldıqtıradı, sonımen qatar, omırtqanı qisaytıp, ayaqtı süyrete basqızıp, qiyaldauğa mwrşa bermey, jalpı enjarlıqqa äkep soğadı. Ayta keteyik, bwl belgilerdiñ barlığı Gitlerdiñ ömiriniñ soñğı jıldarında bayqalğan.

Ğalımdardıñ aytuınşa, tap osı Parkinson auruı onıñ Wlıbritaniyamen soğıs ayaqtalmay twrıp KSRO-ğa şabuıldauına şeşim qabıldatqan, sonımen qatar, fel'dmarşal Paulyustıñ äskerine Stalingradtan şeginuine tıyım salıp, Normandiya qorğanısın wyımdastıruğa jol bermedi.

Alayda nelikten Adol'f Gitlerdiñ 1933 jılğa deyin albırt jäne aqiqatqa jatpaytın şeşim qabıldağanına tüsinik berilmeydi. Ğalımdardıñ aytuınşa, ol bwl derttiñ eñ alğaşqı belgilerinen Birinşi düniejüzilik soğıstan keyin-aq zardap şekken. Fyurerdiñ äreketterin Parkinson auruımen baylanıstırıp özge de aqparat qwraldarı jazdı. Olardıñ oyınşa, bwl derttiñ bastauı Ekonomo encefalitinde jatır, Gitler oğan 1918 jılı ispan twmauınıñ epidemiyası kezinde şaldıqqan. Bwl encefalit parkinsonizm belgileriniñ damuına äkep soğadı. Özge avtorlardıñ sözine qarağanda, Gitler amfetamindi jii qoldanğan, ol 1920-1930 jıldarı depressiyanı, demikpe men Parkinson auruın emdeu üşin belsendi türde qoldanılğan: tayauda jasalğan medicinalıq zertteu amfetamindi köp qoldanudıñ parkinsonizm qaupin 76 payızğa arttıratının körsetti.

Abay-aqparat

0 pikir