Senbi, 7 Jeltoqsan 2019
Bilik 2503 0 pikir 28 Şilde, 2015 sağat 09:59

Elbası reformalarınıñ üdesinen şığu – barşanıñ mindeti

Keşe, 27 şilde Qazaq Wlttıq Agrarlıq universitetiniñ professor-oqıtuşılar qwramınıñ arasında Qazaqstan Respublikası Memlekettik qızmet isteri jäne sıbaylas jemqorlıqqa qarsı is-qimıl agenttiginiñ Almatı qalası boyınşa Departamenti (bwdan äri – Departament) qızmetkerleriniñ qatısuımen Prezident N.Ä. Nazarbaevtıñ bes institucionaldıq reformaların iske asıru jönindegi  «100 naqtı qadamdı» talqılau men tüsindiruge arnalğan Almatı qalası äkiminiñ «Jaña qalıptasqan memleket qwru – barşanıñ isi» aqparattıq tobınıñ wyımdastıruımen «Wlt josparın jüzege asıru joldarı» attı döñgelek üstel ötkizildi. Keleli jiınğa qatısqandardıñ jalpı sanı 37 adam. Kirispe sözdi Departament ökili aytıp, Elbasınıñ jürgizip otırğan sayasatına, Memlekettik qızmet isteri jäne sıbaylas jemqorlıqqa qarsı is-qimıl Agenttiginiñ jwmısına keñ kölemde toqtalıp ötti. Sodan soñ Almatı qalasındağı O. Süleymenov atındağı äleumettik-gumanitarlıq bilim beru jäne tärbie institutınıñ direktorı S.M. Borbasov taqırıpqa qatıstı bayandama jasadı.

Jiınğa qatısuşılar öz oylarımen bölisip, Memleket basşısınıñ «100 naqtı qadam» şeşimderiniñ alğaşqı 15 qadamına qatıstı pikirlerin qostı. Universitettiñ tärbie jäne äleumettik jwmıstarı jönindegi prorektorı J.A. Daurenbaeva: «Jalpıwlttıq sipat alıp, iske asırıluı kerek memleket qwrılımın jetildiretin bwl reformalar jahandıq sın-qaterlerdiñ jauabı. Bwl – qazaqstandıqtardıñ birligin nığaytadı jäne azamattıq qoğamnıñ bütindigin qalıptastıru üşin jağday tuğızadı» dep atap körsetti. Al ardagerler keñesiniñ törağası E.B. Begayılovtıñ «Reformalar – tek memlekettik maşinanıñ ğana emes, halıqtıñ isi. Onıñ mäni – wlt sapasın jañğırtuda. Halıq ruhınıñ küşi bolıp uaqıt sın-qaterlerin qabılday bilu jäne tek qana alğa basuı bwrın da memleket tabısınıñ ayqındauşı faktorı bolğan» degen jürekjardı sözin köpşilik erekşe iltipatpen qabıldadı. Sonday-aq, studentter qalaşığınıñ direktorı B.E. Esenov Wlt josparın iske asıru arqılı memlekettiñ äleumettik-ekonomikalıq jağdayı jaqsara tüsetindigin student jastardıñ tüsinui kerektigin acttı. Al äskeri kafedrasınıñ meñgeruşisi B.J. Dyusembaev kafedra tarapınan jastarğa äskeri-patriottıq tärbie bağıtında naqtı tärbie beriletindigin aytıp, bwl tarapta jürgizilip jatqan jwmıstardıñ barısına toqtaldı.

Keyingi kezde üdemeli türde jürgizile bastağan sıbaylas jemqorlıqtıñ aldın alu, oğan qarsı mädenietti qalıptastıru, jwrtşılıqtıñ qwqıqtıq sauatın köteru şaralarınıñ qay-qaysı da bilik pen halıqtıñ arasındağı közge körinbeytin kedergi ataulını joyuğa bağıttalğan. Eldiñ kökeyinen şığatın mäsele – osı. Jiınnan tarqağan jwrt qızu talqılanğan taqırıpqa qatıstı döñgelek üsteldi wyımdastıruşılarğa rizaşılığın bildirgen qauım El erteñine degen senimniñ küşine ilanatındıqtarın bildirip jattı... 

 

Abai.kz

0 pikir