Särsenbi, 20 Qaraşa 2019
Bilik 3080 0 pikir 28 Şilde, 2015 sağat 12:04

QAZAQSTAN DSW-NIÑ RESMI MÜŞESİ BOLDI

Keşe, 27 şilde Elbası BWW-nıñ Jenevadağı bölimşesiniñ jwmısımen tanıstı. Bwl bölimşe mañızı jağınan BWW jüyesindegi ekinşi keñse bolıp sanaladı jäne 20 halıqaralıq wyımnıñ jwmısın üylestiredi.

Nwrswltan Nazarbaev sonday-aq Wlttar Sarayın jäne ondağı «Qazaqstan» zalın aralap kördi. Qazaqstan Prezidentiniñ şeşimine säykes 2013 jılı  aşılğan bwl köpfunkcionaldı zal büginde BWW-nıñ Jenevadağı ştab-päterindegi tehnikalıq jağınan barınşa jabdıqtalğan orınjay.

Qazaqstannıñ DSW-ğa kirui jönindegi Jwmıs tobınıñ törağası, Finlyandiyanıñ elşisi Vesa Himanen kelissözder üderisi barısında Qazaqstan 50-den asa jaña zañ qabıldap, 10 halıqaralıq kelisimge tüzetu engizgenin, olar kedendik odaq pen Euraziyalıq ekonomikalıq odaq ayasında qabıldanğanın atap ötti.

Prezident Nwrswltan Nazarbaevtıñ  basşılığımen jäne  Qazaqstannıñ Euraziyalıq ekonomikalıq odaq boyınşa seriktesterimen tığız baylanısta jürgizilgen zañnamalıq bağıttağı progress bizdiñ jwmısımızdı soñğı jılı edäuir jedeldetuge mümkindik berdi. Qazaqstannıñ qwjattar toptaması – bwl narıqtarğa qol jetkizu mümkindikterin jetildiru isine qomaqtı üles qosatın, saudanıñ köpjaqtı jüyesin jañğırtatın jäne DSW-nı nığaytatın joğarı sapalı qwjattar, – dedi V.Himanen.

DSW bas direktorı Roberto Azevedo elimizdiñ Wyımğa kiru üderisi barısındağı Qazaqstan Prezidentiniñ köşbasşılığına joğarı bağa berdi.

Bwl – Qazaqstan üşin de, DSW üşin de şınımen tarihi kün.  Wyımğa kirudiñ artıqşılıqtarı – jaña jwmıs orındarın aşu, halıqtıñ tabısın arttıru, twrmıs deñgeyin jaqsartu.  Qazaqstan üşin bwl sizderdiñ soñğı jıldarı qol jetkizgen jetistikteriñiz ben jwmsağan küş-jigerleriñizdiñ moyındaluı. Bwl – reformalardıñ keşendi bağdarlamasınıñ qisındı nätijesi, Qazaqstannıñ biznes üşin aşıq ekeni turalı bükil älemge joldauı. Bwl kün DSW üşin de ayşıqtı bolıp tabıladı. Qazaqstannıñ qosıluı bizdiñ pikirtalastarımızğa quattı äri bedeldi ün qosadı, Wyımdı Ortalıq Aziyanıñ jüregine jaqındatadı, – dep atap ötti R. Azevedo.

Elbası otırısta söylegen sözinde DSW-ğa müşe barlıq elderge, Wyım hatşılığına kelissözder barısındağı sındarlı wstanımdarı men qoldauı üşin, sonday-aq Qazaqstannıñ DSW-ğa kirui jönindegi jwmıs tobındağı törağalıqtı qoldağanı üşin Finlyandiya Ükimetine  alğısın bildirdi.

Nwrswltan Nazarbaev atap ötkendey, DSW-ğa kiru jönindegi kelissözder ötken aralıqta Qazaqstan ekonomikasınıñ qwrılımı aytarlıqtay özgerdi.

Ekonomika meylinşe quattı äri aşıq bola tüsti. Jan basına şaqqandağı İJÖ 18 ese wlğayıp,  Ortalıq jäne Şığıs Europa deñgeyine jetti. Sırtqı sauda kölemi 120 milliard dollar deñgeyine şıqtı. Bizdiñ sırtqı sauda aynalımımızdıñ 90 payızdan astamı DSW-ğa müşe elderge tiesili. Sauda qarım-qatınastarınıñ geografiyası edäuir özgerdi. Qazaqstannıñ sauda baylanıstarı 90-jıldardıñ ortasında bwrınğı keñestik keñistik elderimen ğana jürgizilse,  büginde biz älemniñ 185 memleketimen sauda-sattıq jasap otırmız, – dedi Memleket basşısı.

Qazaqstan Prezidenti sonday-aq otandıq ekonomika qwrılımında bolğan eleuli özgeristerge de nazar audardı.


Özderiñizge mälim, Qazaqstan mineraldıq resurstarğa bay, biraq biz şikizattıq täueldilikten arılu üşin ekonomika qwrılımın özgertuge niettimiz. Büginde elimizdegi İJÖ-niñ 54 payızın qızmet körsetu sektorı qamtamasız etedi, bwl salanıñ damuına biz zor köñil bölip otırmız. Bwlar – qarjı, telekommunikaciya, qwrılıs, energetika jäne kölik salaları. Qarjılıq qızmetterdi DSW ayasında ırıqtandıru «Astana» halıqaralıq qarjı ortalığın qwru üderisimen qatar jüretin boladı. Ol Qazaqstannıñ qarjılıq infraqwrılımınıñ negizine, al keyinnen bükil öñirdiñ qarjılıq habına aynaladı dep senemiz. Qazaqstan barlıq elderdi osı jobağa qatısuğa şaqıradı, – dep atap ötti Nwrswltan Nazarbaev.

Qazaqstan Prezidenti teñizge şığatın jolı joq, planetadağı iri memleket bolıp sanalatın bizdiñ respublikamız üşin infraqwrılım men kölik-logistika qızmetiniiñ basımdıqta damitının ayttı.

Biz jahandıq kommunikaciyalardıñ bir böligine aynalu üşin jwmıs jürgizip jatırmız. Osı maqsatpen iri narıqtardı baylanıstıratın strategiyalıq kölik dälizderin qalıptastıramız.  Bizdiñ infraqwrılımdıq jobalarımız  otandıq ekonomika men halıqaralıq narıqtardıñ igiligi üşin biregey tranzittik äleuetti aşuğa mümkindik beredi, – dedi Nwrswltan Nazarbaev.

Memleket basşısı ötken kezeñ işinde Qazaqstan investiciyalıq äleuetin aytarlıqtay wlğaytqanına da nazar audardı.  

Qazir biz investiciyalıq ahualdı jaqsarta otırıp, ekonomikanı ärtaraptandıruğa basımdıq beremiz. Investiciyalar mwnay-gaz jäne tau-ken salasına ğana emes, ekonomikanıñ öñdeuşi salalarına da bağıttaluı üşin barlıq jağday jasalğan, – dedi Memleket basşısı.  

Jalpı alğanda, Qazaqstan Prezidenti kelissözder üderisi kezinde respublikamız ekonomikanı jahandıq narıqqa ıqpaldastıru üşin wzaq joldı jürip ötkenin ayttı. Auqımdı institucionaldıq jañğırtular jürgizu de damuğa jaña serpin beredi.  

Reformalardı tiimdi jüzege asıru jaña sapalı institucionaldıq orta qalıptastıruğa mümkindik tuğızadı. Bizdiñ kelesi qadamımız Ekonomikalıq ıntımaqtastıq jäne damu wyımımen belsene ıqpaldasu boladı. Birinşi kezekte, biıl jüzege asırıla bastağan Qazaqstan Respublikası men EIDW arasındağı ıntımaqtastıq jönindegi eldik bağdarlama ayasında bolmaq,  – dedi Nwrswltan Nazarbaev.

Soñında Memleket basşısı  elimizdiñ erkin sauda jäne aşıq ıqpaldastıq qağidattarına berik ekenin ayttı.

Qazaqstan az uaqıttan soñ DSW normalarımen jwmıs istey bastaydı. Deytwrğanmen, biz kedergilerdi joyıp, aşıq ıntımaqtastıq qağidattarın ilgeriletip, öñirlik ıqpaldastıq lokomotivi bola otırıp, ekonomikalıq sayasatımızdı äuelden-aq «DSW ruhında» qwrıp otırmız.  Bwl Wyımnıñ müşeleri arasında sauda-sattıq kezindegi kemsituge jol bermeu –  DSW-nıñ bastı qağidatı. Ekonomikanı sayasatpen aralastıratın sankciyalıq sayasat saudağa kedergi keltiredi jäne DSW qağidattarına say emes. Mwnday jayttı boldırmau bizdiñ ortaq mindetimiz dep oylaymın. Sizderge birlesken eñbekteriñiz üşin tağı da alğıs aytıp,  biz Wyımnıñ barlıq müşeleriniñ müddesi, ekonomikalarımız ben halıqtarımızdıñ igiligi üşin DSW ayasındağı aldağı jwmısqa dayın ekenimizge sendirgim keledi, – dedi Qazaqstan Prezidenti.

Otırıs qorıtındısı boyınşa Qazaqstannıñ DSW-ğa qosıluı jönindegi Hattamağa qol qoyıldı.

Abai.kz

0 pikir