Seysenbi, 22 Qazan 2019
46 - söz 4117 0 pikir 31 Tamız, 2015 sağat 18:26

ZAPOROJ'E QALASINIÑ BAS ALAÑINA EREKŞE ESKERTKİŞ QOYILDI

Beybit ömir sürip jatqan adam üşin  “tünnen tügel şığayıq” degen tirkestiñ asa mäni bolmauı mümkin. Al  Ukrainanıñ  şığısındağı milliondağan twrğın osı tilekpen köz şırımın aladı. Donbass öñirindegi dürbeleñ äli de sayabır tappay twrğan kez.  Ukraina qauipsizdik komitetiniñ soñğı statistikalıq mälimeti boyınşa irgedegi iri körşisi - orıs soldattarımen soğısuğa Ukrainanıñ eki jüz mıñnan astam äskeri jwmıldırılğan eken. Bügingi künge deyin resmi mälimet Ukraina tarapınan eki mıñğa juıq sarbazdıñ jer jastanğanın aytadı. Eki el arasında aqparattıq maydan da qızıp twr.  Al 25 tamız - Ukrainanıñ Täuelsizdik küni qarsañında "erekşe" eskertkiş ornatıldı.

Zaporoj'e qalasınıñ bas alañına jayğasqan tas müsin  - «Orıs älemi» jäne sol «älemdi» qorğaymın dep älekke tüsken «äpendige» arnalğan. Qalanıñ qarapayım twrğını, ideya avtorı Maksim Drozdenko: «Eskertkiş arqılı esi auısqan basşınıñ bügingi  «bolmısın» körsetkim keldi»,- degendi aytadı. Bwl bir mısal ğana. Künnen künge Kiev qana emes, qarapayım twrğındardıñ da bauırlas elge qabağı qatulanıp keledi.  Ukraina köşelerinen “It üredi, keruen köşedi”,-deytin wran sözderdi jii köruge boladı.

Al Kiev qalasınıñ bas alañınan “sol kisiniñ” swlbası beynelengen därethana qağazın da satıp alu eş qiın emes. Osılayşa ärbir ukraindıq öziniñ işki qarsılığın bildirip jatır.

 

Nazgül Nwrlanova, «Qamşı» portalınıñ Kievtegi arnayı tilşisi

0 pikir