Qazaq gharyshkeri Aydyn Ayymbetov erteng (2 qyrkýiek) Halyqaralyq kosmos stansasyna attanady. Onyng aghasy Jaqan Bәrimbekovtyng aituynsha, Aydyn gharyshqa úshudy 12 jyl boyy armandap kelgen eken. Halyqaralyq gharysh stansasyna qúramynda qazaqstandyq Aydyn Ayymbetov, reseylik Sergey Volkov jәne daniyalyq Andreas Mogensen bar.

«Osydan eki ay búryn ol ekipajgha ýmitker retinde qabyldaghanda sheksiz quanyshqa bólengen edik. Aydynnyng da quanyshyn aityp jetkizu qiyn. Iliyas Jansýgirov atyndaghy Jetisu uniyversiytetining újymy búl habardy estigende oryndarynan túryp, úzaq qol shapalaqtady. Sebebi, A.Ayymbetov bizding uniyversiytetting «fizika jәne informatika» mamandyghy boyynsha syrttay bólimin oqyp shyqqan bolatyn», – deydi J.Bәrimbekov.

Sonday-aq Jetisu uniyversiytetining professory J.Bәrimbekov Aydyn tәuelsiz Qazaqstan tarihyndaghy alghashqy gharyshker ekenin de atap ótti.

Onyng aituynsha, gharysh kenistigin baghyndyrghan túnghysh qazaq Toqtar Áubәkirov ol kezde KSRO azamaty bolsa, Kenes odaghy kýiregennen keyin 1994, 1998 jәne 2001 jyldary gharyshta bolghan Talghat Músabaev Resey azamattyghynda bolghan. Qazgharyshtyng basshysy el azamattyghyn tek 2007 jyly alghan kórinedi.

«Aydyn alty jyl boyy Mәskeu týbinde «Júldyzdy qalashyqta» bilim aldy. 2009 jyly úshuy tiyis edi, alayda ekonomikalyq daghdarysqa baylanysty keyingi qaldyryldy. Ol búl kýndi 12 jyl kýtti. Aydyn ózine jýktelgen mindetti abyroymen oryndaydy dep senemin», – deydi J.Barymbekov.

«Men әuletimizding ýlkenimin, onyng әkesi ýsh jyl búryn kóz júmdy. Ákesining búl kýndi kórmey ketkeni óte ókinishti», – dep tolyqtyrdy gharyshkerding tuysy.

Abai.kz