Seysenbi, 22 Qazan 2019
«Soqır» Femida 3749 0 pikir 13 Qañtar, 2015 sağat 20:38

GENERALDIÑ QIZI KİNÄLİ EMES... EKEN!

Rasında da solay ma? Söylep köreyik:

Ötken jıldıñ mamır ayında Qarağandıda QarPol (qarjı policiyası) generalınıñ qızınıñ qatısuımen orın alğan qılmıstıq iske keşe ğana nükte qoyıldı. Söytip el arasında aytılıp kele jatqan ırıñ-jırıñ äñgimeler ÜP-ÜLKEN lep belgisimen ayaqtaldı: yağni generaldıñ qızı eki birdey adam ölimine äkelip soqqan jol-kölik oqiğasına kinäli emes eken! Qwqıq qorğau organdarı tarapınan jartı jıldan astam uaqıtqa sozılğan tergeu-tekseru amaldarı, aynalıp kelgende, osınday şeşimge kelip, qılmıstıq isti japtı. Nege deseñiz, «Subaru» men «Niva» avtokölikteri soqtığısqan kezde «Subarudıñ» rulinde generaldıñ qızı Meruert ŞABAQBAEVA emes, osı köliktiñ iesi, orın alğan jol-kölik apatınıñ saldarınan qaza bolğan Dias TÄJİĞALIEV degen azamat bolıptı. Resmi orındar osınday mälimdeme jasadı.

Esimizge ala keteyik, atalıp otırğan jol-kölik apatı kezinde «Niva» markalı qızmet köligimen kele jatqan qarağandılıq Evgeniy TOKMAKOV pen «Subaru» avtoköligindegi Dias TÄJİĞALIEV qaytıs bolğan bolatın. Jedel qozğalğan qılmıstıq ispen aynalısqan qwqıq qorğau salası qızmetkerleriniñ aytularına qarağanda, oqiğa orın alğan kezde «Subarudıñ» rulinde Dias Täjiğaliev bolğan körinedi. Alayda bwl boljammen (naqtı dälel emes, boljam ğana) marqwm Tokmakovtıñ jaqındarı men tuısqandarı, onıñ işinde jwbayı Evgeniya Tokmakova da äli künge deyin kelispey otır. Evgeniyanıñ aytuınşa, generaldıñ qızı Meruert Şabaqbaeva «Subarudiñ» jolauşılar otıratın böliginde emes, kerisinşe rulinde otırğan körinedi. Mwnı ol avtoköliktiñ jolauşılar otıratın jaq böliginiñ bıt-şıt bolıp talqandalıp ketkenimen tüsindiredi. Al avtoköliktiñ jürgizuşisi otırğan jaqqa tipti eşteñe bolmağan. YAğni, rul'de kim otırsa da aman qalatın edi. «Jol-kölik apatına kinäli adamnıñ qaza boluına baylanıstı qılmıstıq is jabıldı dep tergeuşi mağan öz auzımen ayttı, - deydi Evgeniya Tokmakova, - al men äzirge is materialdarı qolıma qaşan tiedi dep kütip jürmin...»

Iä-ä-ä, bay-bağılandar men basşı qızmmetkerlerdiñ balaları jii «aralasatın», sonıñ saldarınan jolauşıları «optom» jii ölip jatatın jol-kölik oqiğalarına qatıstı tağı bir qılmıstıq is osılayşa jabıldı. Maqsat ÜSENOV degenimiz anau – bir emes, birneşe ret «tärtip bwzıp», adam ölip jatsa da ayıp töley saludı «ädetke» aynaldırıp alğan. Generaldıñ qızı mınau – adam ölip jatsa da «rul'de otırmağan» bolıp şığa keletin. «Auzı qisıq bolsa da, bay balası söyleytin» zaman qazir, öytkeni bäri ZAÑDI ğoy. Söyte twra «zañ aldında han da bir, qaraşa da bir» deymiz-au!

Marat MADALIMOV.

Abay.kz  

0 pikir