Särsenbi, 23 Qazan 2019
Bizdiñ şeneunik 3092 0 pikir 21 Mamır, 2014 sağat 11:23

BOJKO «BATIR»

Mäjilis deputatı Omarhan Öksikbaev Tötenşe jağday ministri Vladimir Bojkoğa «batır» atağın wsındı. Eren eñbegi üşin emes ärine, elimizde atalğan ministrlik aldın aluğa bolatın oqiğalar köbeyip ketse de jılı ornınan 7 jıl boyı jıljımağanı üşin.

«Siz basqarıp otırğan sala öte qiın, şarşağan bolarsız, endi demalsañız qaytedi?» - dep «ötiniş» jasadı ministrge deputat. 

Alayda «batır» Bojko deputattıñ ötinişin eleñ qılmastan Parlamenttegi Ükimet sağatında qasqayıp bayandama jasap twrdı. «Batırımızdıñ» aytuına qarağanda, tabiğat apattarınan, ölim-jitimnen qorqudıñ qajeti joq eken. Mısalı, Astanada qazir qwrılıs qarqın aluda. Demek, qwrılıstıñ atı qwrılıs: birli-jarım adam qwlamay, sürinbey twrmaytın körinedi. Almatıda bazar köp. Köp bazar äredik örtenip twruı qajet. Osı arada Bojko «batır» Gürji jeriniñ  tau şatqalındağı köşkin astında qalğan qazaqstandıq jük köligi men  jürgizuşisiniñ qwtqarılğanın saltanattı türde mälim etti. Türkiyadağı ken orınınıñ jarıluına baylanıstı bizde de qauipsizdik şaraları qatañ qarastırılıp jatqanın qadap ayttı. Ridderdegi qaq ayrılğan jerge tüsip ketken üy ielerine jihazımen päter berilgenin jariya etudi de wmıtqan joq.

Bojkonıñ bayandamasına deputattardıñ deni bas şwlğığan-dı, biraq Öksikbaev ğana ökinişin jasıra almay: «Esli verit' vaşim dokladam, to vam çestno govorya prisvoit geroya. I dat' vremya otdohnut' ot napryajennogo truda», - dedi.

Bojko Tötenşe jağdaylar jöninidegi ministr bolğalı elimizde tötenşe oqiğalardıñ tolassızdığı eş tiılar emes. Sonıñ eñ swmdığı -  «Qızılağaş» oqiğası edi. Odan keyin de qanşama su arnaları bwzılıp, el twrmısına qiındıq äkeldi. Juırda Qarağandı oblısındağı Kökpekti auılında da Qızılağaş qırğınınıñ şeti qaytalandı. Apattıñ bolatının aldın ala biletin qasieti bar Bojko bolsa, qorqınıştı äñgimesin är jerde aytıp äli jür.

Abai.kz   

0 pikir