Senbi, 22 Aqpan 2020
Jañalıqtar 2774 0 pikir 28 Mamır, 2014 sağat 15:58

«MALEFISENTA» 29 MAMIRDAN KINOTEATRLARDA

 

«Malefisenta» fil'miniñ qazaq tilindegi twsaukeseri elimizdiñ barlıq kinoteatrlarında 29 mamırda ötedi

«Malefisenta» 2014 jılı qazaq tiline tärjimalanğan ekinşi gollivudtıq fil'm boladı.

27 mamırda Astanada «Bolaşaq» qauımdastığı «Nwr Otan» partiyasınıñ qoldauımen qazaq tilin üyrenu men damıtu jönindegi is-şaralardı jüzege asıru ayasında Disney blokbasteri «Malefisentanıñ» aldın ala körsetilimi üymdastırıldı. Fil'm dublyajınıñ bas demeuşisi – «Samwrıq-Qazına» WÄQ» AQ.

Mul'timediyalıq tehnologiyalardı paydalanu – tilderdi üyrenudiñ tiimdi täsili. Äygili älemdik fil'mderdiñ dublyajı qazaq tilin tanımal etudiñ ıqpaldı jäne de önimdi qwralı bolıp tabıladı. «Bolaşaq» qauımdastığı 2011 jıldan bastap otbasılıq körsetilimge arnalğan gollivudtıq tuındılar dublyajı boyınşa jobanı iske asıradı.

Ağımdağı jılı jaña zamandağı qazaqstandıq patriottıqtı qalıptastıruğa bağıttalğan gollivudtıq fil'mderdiñ qazaq tiline dublyajı boyınşa jobasına  «Jastar – Otanğa» jobası ayasında «Nwr Otan» partiyası  qoldau bildirdi. Partiya Doktrinasında belgilengen mädeni jäne ruhani qwndılıqtardı arttıru maqsatında, «Nwr Otan» partiyası «Aytıs», «Bürkitşiler festivali», «Kökpar», «Qazaqşa küres», «Jaydarman», «Qazaqstan barısı» sekildi jobalardı qoldap keledi.  

Qazaq tili ağılşın, francuz, nemis, ispan, portugaliya, orıs jäne basqa tildermen qatar, «Malefisenta» fil'miniñ keyipkerleri söylegen älemdegi             19-şı tilge aynaldı. Bastı keyipkerlerdi dıbıstağan akterler: Gülnaz Äuesbaeva (Malefisenta), Gülnara Qwrmanbekova (hanşayım Avrora), Azamat Qanapiya (Patşa Stefan) jäne t.b. Fil'm dublyajına şamamen 20 akter qatıstı.

Wyqıdağı aru turalı ertegini jañaşa tüsindirude bastı röldi tanımal gollivudtıq aktrisa, «Oskar» sıylığınıñ iegeri Andjelina Djoli oynağan. Aktrisa Uill Smit, Djonni Depp jäne Tommi Li Djonspen qatar alğaş ret qazaq tilinde söyledi. 3D grafikasınıñ negizinde  tolıq qalpına keltirilgen oydan şığarılğan ertegi äleminiñ äseri «Avatar», «Alisa ğajayıptar äleminde», «Oz: Wlı jäne Jalmauız» kinokartinaların jasauğa qatısqan şığarmaşılıq top jwmısınıñ nätijesi bolıp tabıladı. Fil'm ağılşınnıñ belgili Pinewood Studio studiyasında tüsirildi – dekoraciyalar,  onıñ işinde eski qorğandı dizaynerler sol qalpındağı küyinde jañadan jasadı, işki köriniske negizinen sirek kezdesetin zattar paydalanıldı. «Malefisenta» fil'mi eki «Oskar» sıylığınıñ iegeri suretşi-qoyuşı Robert Strombergtiñ («Avatar»; «Alisa ğajayıptar äleminde») rejisserlik debyutine aynaldı. Fil'm byudjeti – 200 mln. dollar.

Aldın ala körsetilimge «Nwr Otan» partiyası Törağasınıñ birinşi orınbasarı, «Bolaşaq» qauımdastığı keñesiniñ törağası Bauırjan Baybek, jobanı wyımdastıruşılar men seriktester, «Bolaşaq» bağdarlamasınıñ tülekteri, balalar üyiniñ tärbielenuşileri, mektep oquşıları, blogerler, bwqaralıq aqparat qwraldarınıñ ökilderi, respublikalıq jastar wyımınıñ, «Bolaşaq» qauımdastığınıñ müşeleri qatıstı. 

Astanada aldın ala körsetilim kezinde fil'm syujeti men arnayı äserler zaldağı balalardıñ nazarın jaulap alıp, körsetilimge qatısuşılardı  quanttı. Andjelina Djoli aktrisa Gülnaz Äuesbaevanıñ dauısımen söyledi, ol öz kezeginde alğan äserimen bölisti: «Men üşin Andjelina Djoli keyipkeri Malefisentanı dıbıstau – zor jetistik. Dıbıstau akter üşin – bwl jaña tolıq qwndı röl sekildi. Men «Bolaşaq» qauımdastığı jäne «Nwr Otan» partiyasınıñ qoldauımen qazaqstandıqtardıñ belgili gollivudtıq blogbasterdi memlekettik tilde köru mümkindigine ie bolğanına  rizamın».  

«Samwrıq-Qazına» Wlttıq Äl-auqat qorı» AQ üş jıldan beri fil'mderdi qazaq tiline dublyajdau boyınşa jobalarğa qarjılıq qoldau körsetip otır. Bwrın Qordıñ demeulik qoldauımen «Qara kiimdiler 3/Lyudi v çernom 3» jäne «Jalğız reyndjer/Odinokiy reyndjer» fil'mderi audarılğan.

«Bolaşaq» qauımdastığı men «MARWIN» kompaniyası seriktester men demeuşilerdiñ qoldauımen 4 jıldan beri reytingilik jäne kütiletin fil'mderdiñ dublyajı boyınşa jobanı iske asıradı, bwrın dublyajdanğan fil'mder:

Taçki 2/Kölikter-2, 2011j. 

«Lyudi v çernom III»/Qara kiimdiler-3, 2012j. 

Hrabraya serdcem/Batıl jürek, 2012j. 

Novıy Çelovek pauk/Jaña Örmekşi-adam, 2012j. 

Universitet Monstrov/Monstrlar Universiteti, 2013j. 

Odinokiy reyndjer/Jalğız reyndjer, 2013j. 

Jaña Örmekşi-adam: Kernegen quat, 2014j. 

Anıqtamalıq:

Zwlım jalmauız Malefisenta turalı ertegi 400 jıl boyı türli ataularmen bayandalıp keledi (keybir ortağasırlıq nanımdardı qosatın bolsaq şamamen 1000). Onıñ keybir belgileri  belgisiz avtordıñ 1527 jılğı prozalıq rıcar'lıq romanında jäne ital'yandıq jazuşı Djambattista Bazileniñ «Kün, Ay jäne Taliya» ertegisinde körinis tapqan, ol «Ertegiler ertegisi» jinağına («Pentameron») kirgen. Osı jinaqtıñ tarauları alğaş ret ertegi retinde basıp şığarıldı. 1697  jılı Şarl' Perro öziniñ «Ana Qazdıñ ertegilerinde» oqiğanı öz  nwsqasında bayandadı. 1812 jılı ağayındı Grimmder Perro syujetin tolığınan özgertti. Zwlım küştiñ qaharına ilikken  swlu hanşayımnıñ tarihı «Şipovniçek» dep ataldı.

XX ğasırda ertegimen «Wyqıdağı aru» fil'min şığarğan Disney scenaristeri men animatorları aynalıstı, ol 10 jıl tüsirilimnen keyin 1959 jılı ülken ekranda körindi jäne sol kezde Uolt Disney studiyasında tüsirilgen eñ qımbat fil'mge aynaldı.

2014 jılğı «Malefisenta» fil'miniñ syujeti älemdik Disney studiyasınıñ «Wyqıdağı aru» attı klassikalıq fil'miniñ keyipkeriniñ, animaciyadağı eñ belgili jauızdardıñ biriniñ osı uaqıtqa deyin belgisiz tarihın bayandaydı. 

 

Abay-aqparat

 

0 pikir