Düysenbi, 18 Qaraşa 2019
Jañalıqtar 2235 0 pikir 29 Şilde, 2014 sağat 13:13

GRUZIYA SAAKAŞVILI ÜSTİNEN QILMISTIQ İS QOZĞADI

Mihail Saakaşvilidiñ üstinen qılmıstıq is qozğaldı

Gruziyada Mihail Saakaşvilige qatıstı qılmıstıq is qozğaldı, - dep habarlaydı Tengrinews.kz. Bwl turalı atalğan eldiñ Bas prokuraturası habarlağan. Eks-prezident bwğan deyin de prokuraturağa şaqırtılğan.

Saakaşvili 2007 jılı "Imedi" telekompaniyasınıñ talqandaluı men milliarder Badri Patarkacişvili mülkiniñ tärkilenuine qatıstı is boyınşa jauap bermek. "Gruziya Bas prokuraturası Gruziyanıñ bwrınğı prezidenti Mihail Saakaşvilidi ayıptaluşı retinde qılmıstıq jauapkerşilikke tartu turalı qaulı qabıldadı. İs 2007 jıldıñ 7 qaraşasında ereuilşilerdi jappay quuğa, "Imedi" telekompaniyasın talqandauğa jäne Arkadiy (Badri) Patarkacişvilige tiesili mülikti qılmıstıq jolmen tartıp aluğa qatıstı", - delingen prokuraturanıñ mälimdemesinde.

Eks-prezidenttiñ anası Giuli Alasaniyağa berilgen şaqıru qağazı boyınşa Saakaşvili prokuraturağa 28 şilde küni jergilikti uaqıt 11.00-de kelui tiis bolğan. Biraq ol jauap beruge kelmepti. 

Saakaşvili ötken jılı qaraşa ayında eldiñ jaña prezidentiniñ wlıqtau räsiminen soñ birden elden ketip qalğan edi, sodan keyin Gruziyağa oralğan joq. Onıñ üstinen "Qızmettik ökilettigin paydalanıp, zardap şeguşiniñ jeke ar-namısın tömensitu" babı boyınşa tergeu jürgiziledi. Bwl bap segiz jılğa bas bostandığınan ayıru jazasın qarastıradı. 

 Esteriñizge sala ketetin bolsaq, Rauşan rebolyuciyasınıñ köşbasşısı sanalatın atalğan twlğa Gruziyanıñ üşinşi prezidenti. Ol bilikte 25 qañtar 2004 jılı-nan 25 qaraşa 2007 jılına deyin jäne 20 qañtar 2008 jılınan 17 qaraşa 2013 jılına deyin otırdı. Onıñ twsında Gruziyağa tiesili Oñtüstik Osetiya elden bölinip ketti.

Abay-aqparat

0 pikir