Seysenbi, 12 Qaraşa 2019
Qoğam 3540 0 pikir 29 Şilde, 2014 sağat 17:32

EEAO NENİ KÖZDEYDİ

Qazaqstandıq jäne reseylik aqparat betteri ekonomikalıq odaqtıñ öz valyutası bolatını turalı jarısa jazuda. Kelesi jıldıñ birinşi qañtarınan bastap jwmıs isteytin EAEO-nıñ aldağı 5-10 jılda öz valyutası bolmaq. YAğni onsızda qwnı joq teñgeniñ janazası jaqında şığıp qaladı degen söz. Osığan deyin ortaq valyua turalı äñgimeni köldeneñ jwrt aytıp kelse bwl jolı RF-nıñ bildey vice-prem'eri Igor' Şuvalov aytı. Ol Sovet odağınıñ tarauın jay ğana ekonomikalıq keñistiktiñ ıdrauı dep tüsinedi eken. Astana arnası jañalıqtarına qarañız, Euraziyalıq odaqqa qol qoyılar aldında bwl swraqtan barınşa aynalıp ötip, bwl mäsele talqılanbaydı dep jürgen Şuvalov endi eldiñ qwlağına suıq söz salıp jatır.

Valyuta – memleket täuelsizdiginiñ kepili, wlttıq rämiz sipetti. Odaq jwmısı bastalmastan köptegen «ortaqtar» turalı äñgimeler qılañ berip jatır. Eşqanday «sayasi sıpatı joq» odaq qwjatına qol qoyılardan bwrın, Mäsimovtıñ birinşi orınbasarı Baqıtjan Sağıntaev ortaq valyuta bolmaydı dep kesip aytqan bolatın. Endi onı äriptesi «ötirikşi» qılıp otır.

Jap-jaña odaqtıñ 1 qañtarğa deyin biz bilmeytin äli qanşa sırı aşılatının kim bilsin, eñ bastısı bilik halıqtı aldamauı jäne talap-tilegin tıñdauı kerek. Osı rette Baqıtjan Äbdirwlınan öz «ötiriginiñ» sırın tüsindirudi swraymız. Odaqpen birge ozıq el bolamız dep orğa tüsip jürmeymiz be? Ekonomikalıq keñistikte Qazaqstannıñ tabatın paydasın emes, beretin bodauı qanşalıq bolatının  bilgimiz keledi.

Nwrğali Nwrtay

Abai.kz

0 pikir