Düysenbi, 9 Jeltoqsan 2019
Jañalıqtar 2973 0 pikir 30 Şilde, 2014 sağat 14:51

"AÑIZ ADAM"-nıñ Gitlerdi basqan sanı tärkilenedi

Bügin, 30 şilde, Almatı qalalıq mamandandırılğan audanaralıq äkimşilik sotınıñ sud'yası Dastan Alıbaev «Jwldızdar otbası, AÑIZ ADAM» jurnalınıñ bas redaktorı Jarılqap Qalıbayğa 15 eñ tömengi aylıq eseptik körsetkiş (AEK) mölşerinde, yağni 27 mıñ teñge (şamamen 150 dollar), al basılım qwrıltayşısına – 70 AEK köleminde (129 mıñ teñge, nemese 700 dollar) ayıppwl saluğa şeşim şığardı. Sonday-aq «Azattıq radiosınıñ» jazuınşa  sot jurnaldıñ biılğı säuir ayındağı Adol'f Gitlerge arnalğan tirajın tärkileudi wyğarğan. Atalğan sot tamızdıñ birinde ötui tiis bolğan, biraq sot otırısınıñ jaña merzimine 10 sağat qalğanda ayıptaluşığa habarlanğan.

Esteriñizge salatın bolsaq, Mausımnıñ soñında Almalı audandıq sotı Adol'f Gitler turalı qarama-qayşı maqalaları üşin basılım redaktorı Jarılqap Qalıbaydı onıñ üstinen şağımdağan 13 adamğa jiını 13 million teñge (71 mıñ dollar) töleuge jäne ekinşi düniejüzilik soğıs ardagerlerinen jariya türde keşirim swrauğa mindettegen. Onıñ aldında äkimşilik sot «tirkeu derekterin körsetpegeni üşin» basılım redaktorına 222 mıñ teñge (şamamen 1200 AQŞ dolları) ayıppwl salğan bolatın.

Abay-aqparat

 

0 pikir