Särsenbi, 23 Qazan 2019
Bizdiñ şeneunik 6344 0 pikir 18 Tamız, 2014 sağat 11:50

BÄRİ DE ŞKOL'NIK ÜŞİN...

Atqaruşı bilikte juırda bolğan auıs-tüyis pen ministrlikterdiñ ıqşamdaluı turalı äñgime ärqilı örbude. Mısalı qoğam belsendisi Maqsat İliyaswlı «bwl özgerister tek Vladimir Şkol'nikti ministr deñgeyine köteru üşin jasaldı» degen oy aytadı. Qoğam belsendisiniñ sözine qarağanda, onıñ özindik sebepteri de bar körinedi.   

Meniñ jeke pikirim boyınşa, bwl özgerister tek Vladimir Şkol'nikti ministr deñgeyine köteru üşin jasaldı. Al qalğanı janama sebepter. Bwl tağayındau Resey Sırtqı İster ministri Sergey Lavrovtıñ tayauda Qazaqstanğa saparınıñ nätijesi dep bağalağan jön.

Birinşiden, Euroaziyalıq odaq turalı kelisim boyınşa, Odaqqa müşe elderdiñ ortaq mwnay jäne gaz bazası qwrıluı kerekEkinşiden, Bayqoñır qalasın wstap twru men keşendi paydalanuğa Resey qarjı ministrligi qarajat bölinbeytinin de aytıp qoydı. Al ötken jazdağı Proton zımıranınıñ qwlauınan Qazaqstanğa kelgen ziyannıñ öteui 89 million AQŞ dolların Resey äli tölegen joq.

Jaqında bwrınğı Qorşağan orta jäne su resurstarı ministrligi Bayqoñır keşenin paydalanuda Qazaqstannıñ Ekologiya kodeksi negizge alınatını jönindegi Hattamağa qol qoyuğa qol jetkizgen bolatın. Zañnıñ orındaluın qadağalau atalğan ministrlik qwziretinde boluı tiis edi. Alayda, ekologiya mäselesi de jaña Energetika ministrligine berilip otır.

Meniñşe, Energetika ministrliginiñ däl qazir qwrıluına Ükimet basına Kärim Mäsimovtıñ kelui tikeley jäne negizgi sebepşi boldı dep oylaymın. Bir sözben aytqanda, bwl şeşimniñ qabıldanuına tek Sergey Lavrov qana emes, Prem'er-ministr Kärim Mäsimovtıñ ıqpalı zor boldı dep esepteymin. Mäselen, 2010 jılı Uranium One kompaniyasınıñ basqaru paketin «Rosatomnıñ» bölimşesi «Atomredmetzoloto» satıp alğanda, onı satuğa Qazaqstan Ükimeti kelisim bergen bolatın. Ol kezde Ükimetti Kärim Mäsimov basqarıp twrdı.

Al osı jıldıñ 29 mamırında Qazaqstan men Resey Prezidentteri Qazaqstan aumağında AES saluğa qatıstı özara tüsinistik turalı memorandumğa qol qoydı. Sodan bir aydan soñ, 25 mausımda Astanada reseylik «Rosatom» kompaniyası men Qazaqstannıñ «Qazatomprom» wlttıq kompaniyası Qazaqstan aumağında AES salu boyınşa äriptestik ornatuğa qatıstı memorandumğa kelisti. Al Kärim Mäsimov ekinşi ret Prem'er-Ministr bolıp biılğı jıldıñ 2 säuirinde tağayındalğan bolatın. Kärim Mäsimov Ükimet basına kelgen soñ, osınday oqiğalardıñ orın aluı kezdeysoqtıq dep aytu qiın.

V.Şkol'nik «Qazatomprom» wlttıq kompaniyasın basqarıp otırğanda atom stanciyasın tek Reseylikterdiñ saluına köp jağday jasadı. Al Qazaqstannıñ birneşe uran ken ornınıñ «Rosatomğa» qaraytın «Atomredmetzoloto» holdingine beriluine V.Şkol'niktiñ qatısı joq dep eşkim ayta almaydı. Naqtı dälelderge kelsek, 2009 jılğa deyin «Qazatomprom» Wlttıq kompaniyası Japoniya, Qıtay, Kanada, Ündi, Franciya kompaniyalarımen tığız baylanısta jwmıs istedi. Ärine, Reseymen de birlesken jobalar boldı, biraq, däl qazirgidey emes edi. Sol kezdegi «Qazatomprom» basşısı Mwhtar Jäkişev 2010 jılı Qazaqstannıñ bayıtılğan urandı Japoniyağa erkin saudalaytının, ol turalı Toshiba kompaniyasımen kelisimge qol jetkizgenin aytqan bolatın. Esiñizde bolsa, eki eldiñ dostığın paş etu üşin sakura bağı da aşılğan-.

Däl osı uaqıtta Resey de Japoniyağa bayıtılğan uran eksporttaudıñ kölemin arttıru jöninde qızu kelissözder jürgizip jatqan. Kenet, köp wzamay Mwhtar Jäkişev isti boldı da, onıñ ornına Vladimir Şkol'nik jayğastı. Sodan keyingi jıldarda eki iri uran ken ornı reseylikterdiñ qaramağına ötti. Al 2012 jılı Qazaqstannıñ öz atom elektr stanciyasın saludı niet etken talanttı fizik-yadroşı Abzal Qwsayınovqa jala jabılıp, türmege toğıtıldı. Bwdan äri «Qazatomprom» AES saluda tek Reseymen ğana jwmıs jasau qajettiligin alğa tartıp otırdı.

Mineki, sondıqtan, meniñ QR Energetika ministri Reseydiñ müddesin qorğap ketui mümkin dep oylauıma negiz joq emes. Vladimir Şkol'niktiñ balası qazir Resey azamatı ğana emes, sol eldiñ ülken biznesmeni. Bwl da türli oylarğa jeteleydi. Onıñ üstine atalğan holdingti V.Şkol'niktiñ tuğan küyeu balasınıñ basqaratının da esten şığarmau kerek.

Men Vladimir Şkol'niktiñ qazaqtıñ Energetika ministrligin basqaruına qarsımın. Sebebi, bükil energetika salasın bir qolğa jinap, onı Reseyge büyregi bwratın adamnıñ qolına wstatu qazirgi jağdayda, Ukraina, Äzerbayjan mäselesinen keyin, jwmsaqtap aytqanda, qatelik boldı dep esepteymin. Onıñ üstine, Qazaqstanğa AES saluğa bolmaydı. Çernobol'dıñ zardaptarı äli künge deyin bitken joq. Çernobol' apatınan zardap şekkenderdi körip otırıp, Reseymen birge atom stanciyasın salu – halıqtı apatqa itermeleumen birdey. Oğan jol beruge bolmaydı.

Abai.kz

0 pikir