Särsenbi, 23 Qazan 2019
Bizdiñ şeneunik 3542 0 pikir 25 Tamız, 2014 sağat 10:56

BATTALOV UAQITŞA ÄKİM BE?

Almatı oblısın aşsa alaqanında, jwmsa jwdırığında wstağan Añsar Mwsahanov deytin azamat attan tüsti. Äuel basta onı osı qızmetke tağayındağanda kim ne oyladı eken, äyteuir Prezident  eks-äkimniñ oblısta omalıp otırğanı bolmasa, tük bitirmegenin betine bastı. Tük bitirmeytin adamdı türinen tanu osı zamanda qiındap bara ma qalay, basında jer-kökke siğızbay maqtap äkelip orıntaqqa otırğızadı da soñınan jer-jebirine, jeken suına jetkizip jelkelep qızmetinen alıp tastaydı. Bilikti aytamız. Mwsahanovtı da söytti. Alayda,  Añsar Twrsınhanwlın Almatı oblısında qareketsiz qarap otırdı dep birjaqtı ayıptauğa bolmaydı. Ol Almatı oblısınıñ  jaylauı men qıstauın malğa toltırdı. Öziniñ malına. Almatı oblısındağı lauazımdı qızmet orındarın jaña kadrlarmen tolıqtırdı. Öziniñ kadrlarına. Bäri de Wzınağaştan şıqqan qasqalar men jaysañdar, änşeyin.  Elbasınıñ tapsırması degendi osı deñgeyde tüsinip, qarqındı qimıldağan jigitimiz, biraq, jartı joldan qayttı. Söytip onıñ ornına wzaq jıldardan beri oblıstağı orınbasarlıqtı menşiktep qalğan Amandıq Battalov otırdı.  Äytse de, Battalovtı jetisulıqtar «uaqıtşa äkim» desip jür. Öytkeni Battalovtıñ biografiyası kelgenimen geografiyası Almatı oblısın basqaruğa «jaramaytın» körinedi. Qaraqalpaqtıñ tuması. Onıñ üstine birinşi basşılıqta köp bolmağan. Qarañız: Battalov Almatı qalası Kalinin audanı äkimşiligi basşısınıñ orınbasarı, birinşi orınbasarı, basşısı (1992-1994); Lenin audandıq äkimşiliginiñ basşısı (1994-1995); Almatı qalası Jetisu audanınıñ äkimi (1995-2001); Almatı oblısı äkiminiñ orınbasarı (06.2001-04.2008); 2008 jıldan beri Almatı oblısı äkiminiñ birinşi orınbasarı.

Teginde, orınbasarlıq qızmette jürip qalğan adamda orındauşılıq  minez qalıptasıp ketedi. Sondıqtan twlğa dep tanırlıqtay bir azamat mañdayına bwyırmay twrğan Almatı oblısınıñ twtqasın Battalovtıñ batılı jetip wzaq wstauı beymümkin desedi el işi. Battalovtıñ uaqıtşa äkim qızmetin atqaruına boljaldı tağı bir sebep: bwl orınğa «skoro» Dariğa Nazarbaeva  kelip jayğaspaq-mıs.  Battalov Dariğa Nazarbaeva hanımnıñ sätti sağatı tuğanşa, oblıstı basqaradı da sodan keyin «densaulığına baylanıstı» nemese basqada bir minäyi sıltaularmen äkimdikti  Dariğa Nwrswltanqızına  berip qwtılmaq-mis. Bwl Dariğanıñ qabiletin bağalap ösiru me, älde Parlamentten ketirip, Astanadan köşiru me, äzirge naqtı birdeñe aytu qiın. Bwnıñ tipti el auzındağı «ertegi» boluı da ıqtimal. Degenmen, jel soqpasa,  şöptiñ bası nege qimıldasın?..

Abai.kz    

0 pikir