Jeksenbi, 8 Jeltoqsan 2019
Qoğam 2534 0 pikir 21 Säuir, 2014 sağat 10:03

BANKTERDİÑ KELGENİ BASIÑA PÄLE TÖNGENİ

««Osnovı geopolitiki» degen sandıraq kitap jazğan Dugin, aşıq künde janjal tilep, Resey Dumasınıñ otırısına äskeri kiim kiip kelip jürgen Jirinovskiy, aqıl-esi kem jazuşısımaq Limonov, Hakasiyadağı Ştıgaşev siyaqtılardıñ ayqayı bwl jaqqa da aqırındap jetip jatqan sekildi. «Saqtansañ, saqtaymın» degen bar.

...Ötken senbi, säuirdiñ on ekisi küni Pavlodarda slavyan wlttı üş jasöspirimniñ wstalğanınan habardar boldıq» (ult.kz).

«Ağımdağı aydıñ 12 küni Almatıda «Jas euraziyaşıldar» degen atpen qwrılğan (öz basım birinşi ret estip twrğan) jastar wyımı avtoşeru ötkizdi. Aralarında bir qazağı joq jastar qazaq topırağında twñğış ret Euraziyalıq odaq («Euraziyalıq ekonomikalıq odaq» emes) tuın jelbiretti. Sodan, «bwlar tağı qaydan şıqtı?» dep älgilerdiñ ğalamtor saytına kirip kördik. Söytsek, maqsattarı «qayta tülegen euraziyaşıldıq» (vozrojdennoe evraziystvo) wstanımı negizindegi Euraziyalıq odaqtı qwru eken. Toqtay twrıñız… «Qayta tülegen» degen ne mağına beredi sonda? Bwrın qanday euraziyalıq odağımız bolıp edi? Tüsiniksiz…» (Altyalash.kz).

Osınıñ aldındağı maqalamda: «Resey Qazaqstandı qayta otarlaudı bank jüyesi arqılı bastadı» dep jazsam, endi bwl maqalamdı: «Resey Qazaqstandı qayta otarlaudı sayasi jüye jağınan da bastap ketti» degeli otırmın. Bwl sözime joğarıda keltirip otırğan eki üzindi tolıq dälel bola aladı.

Pavlodardağı slavyan wlttı üş jasöspirimniñ Resey sayasatın aşıq nasihattay bastauı jäne bas qalamız Almatıda 12 säuirde äli ömirge kelmegen «Euraziyalıq odaq» tuın jelbiretip, aralarında birde-bir qazaq, tipti, Belarus wltınıñ ökili joq reseylikterdiñ alşañdap jürui, qazirgi Resey wstanımın, V.Putinniñ basqınşılıq «erligin» nasihattap, Ukrainanı jamandauı – Qazaq Eline «bizge öz erikteriñmen bağınbasañdar, erteñ Qırımnıñ kebin kiesiñder» dep aşıq türde ses körsetu emey nemene?

Reseylikter: Duginniñ, Jirinovskiydiñ, Limonovtıñ, Ştıgaşevtıñ Qazaq jerin bölşekteu turalı pikirleri – «Euraziyalıq odaqtıñ» aqırı nege aparıp soğatınınan aşıq habar berude ekenin mına bizdiñ  bilik ökilderi körmey, bilmey otır degenge kim senedi?   Olar biz siyaqtı «baran» (qoy) qazaqtardan wyalmay-aq, qısılmay-aq qoysın, bwlardıñ bwl därmensizdikterin körip, bilip otırğan älemdik sayasatkerlerdiñ betine qalay qaraydı?

Kün ötken sayın Resey ana Jirinovskiy siyaqtılardıñ auzımen Qazaq jerin özderine küştep qosıp alatının, yağni, Qırımnan keyin Qazaqstandı otarlaytının aşıq aytuda. Mına bizdiñ   biliktegilerimiz bolsa, olardıñ bwl   äreketterin bayqamağan sıñay tanıtuda. Jirinovskilerdi esirtip otırğan Resey biligi ekeni ayday aqiqat.

Qazir Qazaqstannıñ bas qalası Almatınıñ kez kelgen bwrışınan qaptağan reseylik bankterdi köruge boladı. Osı bankter Qazaqstan halqınıñ aqşası arqılı paydağa belşesinen batuda. Bizdiñ bilik bolsa, eldegi özimizdiñ ekinşi deñgeydegi bankterdi japqısı keledi. Analar birazdan keyin nesielerin bizge rubl'men beretin boladı. Söytip, olar Qazaqstannıñ wlttıq teñgesin aynalımnan şığarıp, öz üstemdikterin aşıq türde jürgize bastaytın kün de alıs emes siyaqtı. Qısqası, Resey bankteriniñ kelgeni basıña päle töngeni bolıp jürmesin.

Bwl birinşiden bolsa, endi olar 12-säuirdegi Almatıdağı şeruleri siyaqtı «Euraziyalıq odaq» degendi jeleu etip, bizdegi orıstarğa dem berip, Resey sayasatın zorlap endirui de ğajap emes.Sodan keyin olar odaq müşelerine ortaq tarih, ortaq parlament, ortaq valyuta, ortaq sayasat jürgizudi talap ete bastaydı. Ol ärine, Resey sayasatı bolıp şığadı.

Jwmaş Kökböri

Abai.kz 

0 pikir