Seysenbi, 19 Qaraşa 2019
Qoğam 3670 0 pikir 23 Säuir, 2014 sağat 11:37

ÜKİMET PEN AUITTIÑ NAZARINA!

«Üh» dep tınış wyıqtauğa äli erte

Facebook.com äleumettik jelidegi jeke paraqşasında köşi-qon mäselesin talmay jazıp jürgen abai.kz aqparattıq portalınıñ belgili avtorı äri Astanadağı tilşisi Auıt Mwqibek mırza: «Endi bir «üh» dep tınış wyıqtaytın boldıq qoy!» depti. Biz, ärine, Auıt mırzanı tüsinemiz: osı wlı köş toqtap, toqırap qalğan bette-aq onıñ jarğaq qwlağı jastıqqa tigen emes. Jazdı. Közqaras, pikirin aşıq bildirdi. Tipti nağaşısına – Elbasına da üşbu hat joldadı. Onıñ bärin jwrt körip, oqıp bilip otır. Sondıqtan köştiñ betin beri bwrğızğandardıñ biri retinde ol keşe tınış wyıqtap şıqqan bolar. Sebebi: Auıttıñ janayqayı, Rahım Ayıpwlı bastağan özge de azamattardıñ üni aqırı qazaq Ükimetiniñ qwlağına jetip tınsa kerek: keşeli beri Prem'er-ministr Mäsimovti aytıp mäzbiz. 2010-2012 jıldarı qazaq köşin Ükimettik deñgeyde qaulı qabıldap twrıp tiıp tastağan (sol kezdegi atqaruşı biliktiñ törağası) Kärim Qajımqanwlı Ükimet basına qaytıp kelgen soñ  qate jiberip qoyğan isin tüzep, ülken azamattıq jasadı! Abai.kz aqparattıq portalın keybireuler bilikti ürkitip-qorqıtıp, jau şaqırıp, elge dwspandıq sağınıp, qağınıp qana otıratın internet-gazet dep biledi. Sol sorlı tüsinigin köringen jerge tıqpalap äure. Joq, olay emes, Abai.kz bardı – barınşa bağalauğa, jaqsılıqtı jariya etuge ärkez dayın. Biraq, müläyimsip, tälimsip, jağayımsıp, jımısqılanıp, bilikke järeukelengen bolıp, jaqsı attanıp, sodan soñ aqparat maydanında damıl tappay jürgen äriptesterdiñ äreketinen jaulıq körip otırmaydı. Bwlay isteu äm oylau -  sanası qortıq beyşarağa ğana tän. Sondıqtan Abai.kz aqparattıq portalı Ükimettiñ, keşegi  Eñbek jäne äleumettik qorğau ministri Tamara Düysenova hanımnıñ jurnalisterge jariya etken jağımdı jañalığın bek qwptay otırıp, mına jayttardı qayıra eske saladı:

- Ükimet osınıñ aldında köşi-qon mäselesine salqının tigizgen barlıq qaulı-qararlar men zañdardıñ küşin joyıp nemese tiisinşe tüzetuler engizui kerek. Öytkeni, mazmwnı qayşı zañdar men qaulılar qazaq köşine tağı da zalalın tigizedi. Onı köş bastalğalı bergi jıldardan jaqsı bilemiz.

- Qıtaydan köşip keletin qandastarımızğa Qazaqstan azamattığın beru mäselesin QHR Elşisiniñ qwzırınan qaytarıp alu kerek. Tolayım böten elge azamattıq berudiñ anıqtamasın qolına wstap otırğan elşilik eşbir elde joq. Bwl – Elşiniñ missiyasına jatpaydı.

- Köşip kelgen bauırlarımızdan qılmıs jasamağanı turalı anıqtama talap etilmeuge tiis. Mısalı, Qıtayda isti bolğan, zañ aldında jauapqa tartılğan twlğa şetelge şıqpaydı. Resmi türde rwqsat joq. Demek, Atajwrtına at arıltıp, ton tozdırıp jetken qazaq – qılmısqa qatıssız taza qazaq. Ol qazaqtan «qılmısqa qatısıñnıñ joqtığın rastaytın qwjat äkel» dep qanşa digirlegeniñmen qıtay hükimeti onday anıqtama bere almaydı. Mine, eki el arasındağı köşi-qon jayına qatıstı osı bir az ğana säykessizdiktiñ özi köştiñ irkiluine sebep tudıradı.

- Qıtaydan keletin qandastarımızğa sol eldiñ azamattığınan şığıp kelu deytin orınsız talap qoyılmauı tiis. Öytkeni Qıtay eli şetel azamattığın qabıldağan öz twrğının avtomattı türde şığarıp tastaydı. Al aldın ala azamattığın qaytarıp alu deytin tärtip ol elde joq. 

- Joğarı oqu orındarında bilim alıp jatqan oralman bauırlarımızğa jataqhana tirkeuinde twrıp, Qazaqstan azamattığına qwjat ötkizuine mümkindik jasauımız kerek. 

- Twraqtı tirkeu tez şeşimin tabuı tiis bastı jayttardıñ biri.

- Köşi-qon isine köştiñ ıñğayın biletin, täjiribesi bar, ısılğan azamattar tartıluı qajet.

- Köşi-qon agenttigi qaytadan qwrıluı kerek.

-  Köşip kelgen ağayındı jersindiru, qazaq ökimetiniñ zañdarımen tanıstıru, twrmıs-salt jayın wqtıru osı agenttikke jüktelui kerek.

Wlı qazaq köşi öziniñ qazaqqa, Täuelsiz memleketine asa qajet ekenin qasarısqan küşterdiñ  qoldan tudırğan qiındıqtarı men qarsılığına qaramastan keyingi bir-eki aydıñ şireginde däleldep şıqtı. Özine degen dilgirlikti tudırdı. Demek, Mäsimov Ükimeti pärmendi qimıldap, al, Auıt mırza onıñ är qadamın qadağalap, igilikti isterdiñ jarşısı bolıp otıruğa mindetti. 

Abai.kz 

0 pikir