Särsenbi, 23 Qazan 2019
Jañalıqtar 2242 0 pikir 31 Qazan, 2013 sağat 05:49

Odaq äldekimderdiñ menşigindegi wyım emes!

Qazaqstan Respublikasınıñ prezidenti N.Ä.Nazarbaev mırzağa

AŞIQ HAT

Qwrmetti Nwrswltan Äbişwlı!

Sizdiñ şeşimiñizben Jazuşılar odağınıñ tör­ağası Nwrlan Orazalin Qazaqstan Respublikası Parlamenti Senatınıñ deputatı bolıp tağayındalğanda, bwl habardı ärkim­niñ ärtürli qabıldağanı ras. Biraq mäsele ol turalı emes. Deputattıqqa kim­di tağayındaymın deseñiz de, ol öziñizdiñ qwzırı­ñız­dağı närse. Oğan töre­lik aytqalı otırğan joqpız.

Qazaqstan Respublikasınıñ prezidenti N.Ä.Nazarbaev mırzağa

AŞIQ HAT

Qwrmetti Nwrswltan Äbişwlı!

Sizdiñ şeşimiñizben Jazuşılar odağınıñ tör­ağası Nwrlan Orazalin Qazaqstan Respublikası Parlamenti Senatınıñ deputatı bolıp tağayındalğanda, bwl habardı ärkim­niñ ärtürli qabıldağanı ras. Biraq mäsele ol turalı emes. Deputattıqqa kim­di tağayındaymın deseñiz de, ol öziñizdiñ qwzırı­ñız­dağı närse. Oğan töre­lik aytqalı otırğan joqpız.

Mäsele qazaq ädebieti­niñ qara şañırağı bolğan Jazuşılar odağınıñ bügi­ni men keleşegi jayında. Jazuşılar odağınıñ tör­ağası saylanatın, ötken eki saylaudıñ ekeuinde de dau-damaydıñ köp bolğanı, tipti keybir  qalamger­lerdiñ Odaqtan bölinip ketu turalı da oy-pikirleri ortağa salınğanı mälim. Ol turalı Sizge habar jetpedi dep oylamaymız. Negizgi narazılıqtar Odaqtıñ belgili bir toptıñ menşigindegi wyım sekildi bolıp qaluı, bügingi äde­bietti jasap jürgen qa­rımdı qalamgerlerdiñ odaqqa bas swğudı qoyğanı,  şığarmaşılıq atmosferanıñ joqtığı, qwrıltaylardıñ öz mezgilinde ötkizilmeytini, är saylaudıñ jan alısıp-jan be­ris­ken taq talasına aynalıp, jazuşılardıñ ekige jarılıp, dürdaraz topqa bölinui, saylau aldında top jinau maqsatında qa­ta­rınan 42 adamğa “Alaş” sıylığın berip, jazuşılar wyımın mazaqqa wşıratqanı, wyımnıñ jarğısına öz müdde­si­ne layıqtalğan özgeris­ter engizui, odaqtıñ şaruaşılığına baylanıstı esep-şottardıñ qwpiyağa aynaluı,  şığarmaşılıq üy­de jazuşılardıñ demaludı qoyğanı  tağı sol siyaq­tı keleñsiz­dikter töñireginde bolıp otır. Osı keleñsizdikter N.Orazalinniñ basqaru isindegi ketken qatelikter ekeni jäne kezinde olar turalı sın pikirlerdiñ köp aytılğanı belgili. Alayda törağa bwdan eşqanday qorıtındı şığarmadı, odaqtağı atmosferanı jaq­sartuğa şaması jetpe­di, qwlqı da bolmadı.

Osınıñ bärine köz jw­mıp ötkenge salauat deuge de bolar edi, biraq aldımızdan tağı bir daulı mäsele şığıp otır.

N.Orazalinniñ, Parlamentke  auısuına qaramastan, bwrınğı törağalıq qızmetinde qaluı turalı Sizdiñ tarapıñızdan şe­şim qabıldanğanı mälim boldı. Biz bwl şeşimniñ qabıldanuına Sizge jetken bir jaqtı däyeksiz aqparattardıñ ıqpalı boldı degen pikirdemiz. Sondıqtan da Sizdiñ atıñızğa aşıq hat joldauğa mäjbür bolıp otırmız. Öytkeni Siz – elimizdegi Konstituciyalıq zañdılıqtıñ jalğız kepilisiz. Ol zañ boyınşa: “Parlament deputatı... oqıtuşılıq, ğılımi nemese basqa da şığarmaşılıq qızmetten basqa, eñbekaqılı qızmetter atqaruğa... qwqığı joq.” Al Odaqtıñ törağası – şığarmaşılıq emes, basşılıq qızmet. Odaq – qoğamdıq wyım, onıñ törağası tağayındalmaydı, jarğı boyınşa saylau arqılı anıqtaladı. Bwl jwrttıñ bärine belgili aqiqat. Jarğı bwzılsa, Odaqtağı jağdaydıñ odan äri uşığa beretini özinen özi belgili närse. Aqır ayağı belgili jazuşılardıñ jeke odaq jasap bölinip ketu qaupi bar  ekenin de eske salğımız keledi.

Qwrmetti Nwrswltan Äbişwlı! Bizdiñ oyımızşa, jazuşılar arasındağı atmosferanı sauıqtıru qajet. Oğan biz ğana emes, Siz de erekşe müd­de­lisiz dep bilemiz. Ol üşin zañdı türde  kezekten tıs qwrıltay ötkizip, N.Orazalinge rahmetimizdi aytıp, jañaşa oylaytın, topşıldıqpen kürese alatın, jazuşılardıñ basın qosa alatın jaña törağa saylauımız kerek.

Osığan ıqpal etuiñizdi swraymız.

 

Qazaqstan Jazuşılar odağınıñ müşeleri: Qabdeş Jwmadilov, Mwhtar Şahanov, Dulat Isabekov, Gerol'd Bel'ger, Tölen Äbdikov, Äşirbek Sığay, Mwrat Äuezov, Bigeldi Ğabdullin, Qastek Bayanbay, Qayrat Jwmağaliev, Temirhan Medetbek, Tınımbay Nwrmağanbetov, Äubäkir Nilibaev, Qwral Toqmırzin, Sapabek Äsipwlı, Esenjol Dombaev, Tabıl Qwliyasov, Beybit Qoyşıbaev, Wzaqbay Dospanbetov, Ayan Nısanalin, Jarıl­qap Beysenbay, Israil Saparbay, Ibragim Isaev, Hanbibi Esenğaraeva, Ämirhan Meñdeke, Esenğali Rauşanov, Mereke Qwlkenov, Mırzan Kenjebay, Ğwsman Jandıbaev, Törejan Mändibaev, Ayswlu Qadırbaeva, Qwdiyar Biläl, Jwmaş Somjürek, Kärim Aynabekov, Amantay Ahetov, Mıltıqbay Erimbetov, Sändibek Jwbaniyazov, Bolat Jetekbay, Äbjan Äbiltaev,  Rahat Qosbarmaqov, Jetkergen Äbdirey, Saya Issa, Serikqali Hasan jäne t.b.

 

 

0 pikir