Särsenbi, 23 Qazan 2019
Jañalıqtar 2100 0 pikir 31 Qazan, 2013 sağat 04:45

Mwrat Äbenov. e-learning - «E» bar, «OQITU» joq

Ötken aptadağı OQO men Qızılordağa «e-learning» elektrondı oqıtu jüyesindegi ahualmen tanısatın komissiyanı bastap barğanmın. Bayqağanımız, bwl jobada äu bastan köptegen qatelikter jiberilgen. Jobanıñ eñ bastı maqsatı - auıl mektepterindegi bilim beru jüyesin damıtıp, qala mektepterimen birdey deñgeyge şığaru bolatın. Biraq bärikerisinşe bolıp şıqtı.
Birinşiden, «E-learning» eñ aldımen internet jıldamdığı jaqsı, tehnikalıq-materialdıq bazası mığım mektepterge jürgizildi. Al onday mekemelerdiñ köpşiligi qalalıq jerde ornalasqan. İriktep alınğan mektepterge elektrondı oqıtu jüyesin engizip bolıp, biıl auıl mektepterin de qosqan kezde, qiındıqqa tap boldıq. Öytkeni wstazdar onsız da jıldamdığı tömen internetimen jüktemesi auır jüyege kire almay, sağattap kütuge mäjbür. Sonıñ kesirinen mwğalimder erteñgi sabaqqa dayındaludıñ ornına, komp'yuterdiñ aldında uaqıtın ötkizedi. 

Ötken aptadağı OQO men Qızılordağa «e-learning» elektrondı oqıtu jüyesindegi ahualmen tanısatın komissiyanı bastap barğanmın. Bayqağanımız, bwl jobada äu bastan köptegen qatelikter jiberilgen. Jobanıñ eñ bastı maqsatı - auıl mektepterindegi bilim beru jüyesin damıtıp, qala mektepterimen birdey deñgeyge şığaru bolatın. Biraq bärikerisinşe bolıp şıqtı.
Birinşiden, «E-learning» eñ aldımen internet jıldamdığı jaqsı, tehnikalıq-materialdıq bazası mığım mektepterge jürgizildi. Al onday mekemelerdiñ köpşiligi qalalıq jerde ornalasqan. İriktep alınğan mektepterge elektrondı oqıtu jüyesin engizip bolıp, biıl auıl mektepterin de qosqan kezde, qiındıqqa tap boldıq. Öytkeni wstazdar onsız da jıldamdığı tömen internetimen jüktemesi auır jüyege kire almay, sağattap kütuge mäjbür. Sonıñ kesirinen mwğalimder erteñgi sabaqqa dayındaludıñ ornına, komp'yuterdiñ aldında uaqıtın ötkizedi. 
Ekinşiden, jüyeniñ köp funkciyaları iske qosılmay, tek bağa qoyu, jurnal toltıru sekildi qızmetteri ğana jwmıs jasap twr. Demek, mwğalimderdiñ oquşılarmen tiimdi jwmıs jasauın emes, tek qana jwmıs ornında bar-joğın, bağa qoyudın, sabaqtın taqırıbın toltıruın tekseretin baqılauşınıñ jwmısın atqaruda. Jüyeni oqıtuğa paydalanu jayına qaladı. Ata-ana men wstazdıñ arasındağı baylanıs, qoğamnıñ baqılauı sekildi öz qızmetin tolıq jasay almay otır. Onıñ üstine jüye tügeldey qazaq tiline audarılmağan. Sol sebepten wstazdardıñ IT bilimi tömen, sol sebepten paydalana almaydı dep ayıptaudıñ negizi joq. Kerisinşe aytar edim - qızığuşılıq öte joğarı, äsirese auıldağı pedagogtarda. Köşten qalmayıq dep "kreditke" arzanı bolsada nautbuk alıp, e-learning jüyesi qaşan qosılar eken dep dayındalğandar köp. Türkistanda zeynetker jasına jaqındağan apay renjigeni esimde: " tük qiını joq, üyrenip aldım biraq ne payda, keşke deyin mektepte, tünge deyin üyde balarmen talasıp komp'yuterdin aldında, qaşan portal aşıladı dep kütip otıramız...".
Tağı bir mäsele - e-learning-ti engizgenimizge üş jıl ötti, äli aytarlıqtay nätijesi közge körinbeydi. Al tehnikalıq jabdıqtardıñ merzimi tört-aq jıl (garantiyası odan da az) , 1 jıldan keyin tehnika eskirip, tizimnen şığarıluı bastaydı... Qımbat "temir" aludan bastamau kerek edi, bostan bosqa tiimdi paydalanbay twr. 
Ayta keter jayt, elektrondı oqulıq jüyeli jasalınbağan, qoldağı kitaptardıñ jay ğana köşirmesi men suretter ğana. Kezinde jobağa bölingen qarjını oqu sapasın arttıruğa, oqulıqtı retteuge emes, negizinen tek qwral-jabdıqtarğa ğana jwmsağan.
Jobadağı negizgi kemşiliktiñ biri - barlıq jwmıstı atqaratın da, baqılaytın da "Wlttıq Aqparattıq tehnologiya" AQ degen bir ğana mekeme. Barlıq qwziret öz qolında bolğandıqtan, keybir olqılıqtarğa köz jwma qarap otıradı. Sondıqtan der kezinde qatelikterdi qadağalau mümkin bolmay qaldı.
Jwmıs tobı bwl mäselelerdi saraptay otırıp, kelesi wsınıstardı dayındap jatırmız. Eñ birinşi elektrondı oqıtudı auıldan bastap jürgizilu josparlanuğa tiis. Auıldağı mektepterde jüyeni retke keltirip alğan soñ ğana, qalağa bağıt alğan jön. Äytpese aradağı alşaqtıq wlğaya bermek. Sonımen qatar bölinetin qarjı közin de tehnikağa emes, elektrondı oqulıqtardıñ sapasın köteruge jwmsap, mwğalimge qosımşa aqparat közi men kömekşi bolatınday jasaluı kerek. Satıp alınatın tehnika öte qımbat, bağasın qayta qarau qajet. Bizdiñ jergilikti kompaniyalar jasağan komp'yuterlik bağdarlamalardı körip - özimiz jasaudıñ qanşalıqtı qajeti bar edi, dayın önimderdi özimizge ıñğaylağan dwrıs emes pe degen oy keledi. Kelesi aptada e-learning tiñ jaña twjırımdamasın wsınamız. 
P.S. Oylarıñız, wsınıstarıñız bolsa quana qabıldaymız!

(Avtordıñ feysbuktegi paraqşasınan alındı)

Abai.kz

0 pikir