Särsenbi, 23 Qazan 2019
Jañalıqtar 2146 0 pikir 30 Qazan, 2013 sağat 08:54

«Qwyılsın köşiñ, jiılsın esiñ»

QAZAQSTAN RESPUBLIKASINIÑ PREZIDENTI NWRSWLTAN NAZARBAEVQA AŞIQ HAT

Qwrmetti Nwrswltan Äbişwlı!

 

Siz elimiz öz täuelsizdigin jariyalağannan keyingi sanaulı künderde-aq, dälirek aytqanda, 1991 jılı 31 jeltoqsanda Qazaqstannıñ twñğış prezidenti salauatıñızben   Qazaq radiosı arqılı şetelderdegi qazaqtarğa arnap bılay degen ediñiz: «Qımbattı otandastar! Ejelgi atamekennen jıraqtap qalğan sizderdi keşegi künge deyin «Ata-baba jerine qayta kele alamız ba?» degen swraqtıñ alañdatıp kelgenin men jaqsı bilemin. «Tuğan jerdiñ tütini de ıstıq» deydi halqımız. Qandas bauırlarımızdı bayırğı ata qonısına tartu maqsatında adam qwqığı turalı el aralıq erejelerdi basşılıqqa ala otırıp, Qazaqstan ükimeti: Basqa respublikalardan jäne şetelderden selolıq jerlerde jwmıs isteuge tilek bildiruşi bayırğı wlt adamdarın Qazaqstanda qonıstandırudıñ tärtibi men şarttarı turalı arnayı qaulı qabıldadı. Sondıqtan, Atamekenge kelemin deuşi ağayınğa jol aşıq. Ata-baba aruağı aldarıñızdan jarılqasın!»

 Jan tebirenterlik, jürekjardı osı söziñizden soñ sizge sengen jat jwrttağı ağayın ata jwrtqa ağılıp edi.

QAZAQSTAN RESPUBLIKASINIÑ PREZIDENTI NWRSWLTAN NAZARBAEVQA AŞIQ HAT

Qwrmetti Nwrswltan Äbişwlı!

 

Siz elimiz öz täuelsizdigin jariyalağannan keyingi sanaulı künderde-aq, dälirek aytqanda, 1991 jılı 31 jeltoqsanda Qazaqstannıñ twñğış prezidenti salauatıñızben   Qazaq radiosı arqılı şetelderdegi qazaqtarğa arnap bılay degen ediñiz: «Qımbattı otandastar! Ejelgi atamekennen jıraqtap qalğan sizderdi keşegi künge deyin «Ata-baba jerine qayta kele alamız ba?» degen swraqtıñ alañdatıp kelgenin men jaqsı bilemin. «Tuğan jerdiñ tütini de ıstıq» deydi halqımız. Qandas bauırlarımızdı bayırğı ata qonısına tartu maqsatında adam qwqığı turalı el aralıq erejelerdi basşılıqqa ala otırıp, Qazaqstan ükimeti: Basqa respublikalardan jäne şetelderden selolıq jerlerde jwmıs isteuge tilek bildiruşi bayırğı wlt adamdarın Qazaqstanda qonıstandırudıñ tärtibi men şarttarı turalı arnayı qaulı qabıldadı. Sondıqtan, Atamekenge kelemin deuşi ağayınğa jol aşıq. Ata-baba aruağı aldarıñızdan jarılqasın!»

 Jan tebirenterlik, jürekjardı osı söziñizden soñ sizge sengen jat jwrttağı ağayın ata jwrtqa ağılıp edi.

Sodan soñğı 22 jılda 860 mıñğa juıq qandasımız öz otanımen qauışıp, qatarımız millionnan astam qazaqpen tolıqtı. Bwl, söz joq, wltımızdıñ wlı jetistigi!

Ökinişke qaray, juıqta Respublika Ükimetiniñ eñbek migranttarına baylanıstı äzirlegen zañ jobasında öz qandastarımızğa qarsı bağıttalğan baptardıñ tıqpalanuı jäne onı qos palatalı parlamenttiñ maqwldauı el-jwrttı qattı alañdattı. Äsirese, elge oralğan  qandastarımızdı öz eliniñ azamattığın alu üşin tabanı kürektey bes jıl boyı sarıla kütkizetin zañ talaptarın engizudi eşqanday jolmen aqtap aluğa kelmeydi. Mwnday qadam qızıl imperiya twsında aluan türli wlttıq qasiretti bastan ötkergen qazaqtıñ bügingi wrpaqtarına bes jıl boyı azamattıq bermeu –  qazaq halqın odan arı qorlau dep bilemiz. Öz tağdırın öziniñ täuelsiz otanımen baylanıstırıp, Sizdiñ arqañızda bölinip-jarılğan tağdırmen mäñgilikke qoştasudan ümitti ağayındar ükimet pen parlamentke qattı ökpeli! Endigi jalğız ümiti tek Sizde ğana!

Biz, qazaq ziyalıları, jäne qalıñ qauım wltımızdıñ wyısuına jäne wlttıq memleketimizdiñ saltanat qwruına qarsı bağıttalğan, oylanbay jasalğan mwnday qateliktiñ kesiri tarihi ädilettilikti ayaqqa taptap, milliondağan qandastarımızdıñ ümitin jelge wşırıp, tağdırın tälkekke salumen birge, äleumettik jiktelister men narazılıqtarğa mwrındıq bolatınına qattı alañdaulımız. Eñ ökiniştisi, mwnıñ saldarı sizdiñ «Qwyılsın köşiñ, jiılsın esiñ» dep, tabandı türde bastağan köşi-qon sayasatıñızğa köleñke tüsiredi, qazaq köşin qwrdımğa ketiredi. Wlttıq müddemiz asa auır şığınğa wşıraydı!

 

Qadirmendi Nwrswltan Äbişwlı!

Biz sizdiñ wlt müddesine qarsı bağıttalğan mwnday tübi şiki zañ jobalarına qol qoyu arqılı öziñiz bastağan wlı köştiñ bwydasın öz qolıñızben qiıp tastamaytınıñızğa   senemiz!

 

Äbdijämil Nwrpeyisov, Qabdeş Jwmadilov, Twrsınbek Käkişev, Mekemtas Mırzahmetov, Dulat Isabekov, Smağwl Elubaev, Ğabbas Qabışev, Asılı Osmanova,        Janwzaq Äkim, Zäureş Battalova, Saylau Batırşawlı, Sapabek Äsipov, Zardıhan Qinayat, Mämbet Qoygeldi, Älimğazı Däulethan, Marat Toqaşbaev, Ermwrat Bapi, Qazıbek Isa, Artıqbay Ükibaev, Aydos Sarım, Rahım Ayıpwlı, Däuren Quat.

 

Abai.kz

0 pikir