Beysenbi, 17 Qazan 2019
Jañalıqtar 2344 0 pikir 31 Şilde, 2013 sağat 11:00

Anar Süleeva. 1 mlrd, 154 mln, 269 mıñ teñge qayda, Mırzahmetov mırza?!

Maqalamız oqırmanğa  tüsinikti bolu üşin äñgimeni ärirekten bastayıq.

2006 jılı Şımkent qalalıq qwrılıs böliminiñ memlekettik satıp aluı boyınşa qalanıñ qaq ortasınan  «Soltüstik 110/10kV  Podstanciya» qwrılısın salu üşin memleketten 1 mrld 154 mln 269 mıñ teñge bölinedi. Atalğan somanı tenderlik bayqauda «Quanış -2» JŞS wtıp aladı.  Alayda, arada qanşa jıldar ötse de tolıq salınıp bitken podstanciya joq. Nege dersizder? Bizder bwl swraqtıñ jauabın alu üşin jurnalistik zertteu jürgizip körgen bolatınbız.  Endigi jerde köz jetkizgen jäyttarğa toqtalayıq.

Maqalamız oqırmanğa  tüsinikti bolu üşin äñgimeni ärirekten bastayıq.

2006 jılı Şımkent qalalıq qwrılıs böliminiñ memlekettik satıp aluı boyınşa qalanıñ qaq ortasınan  «Soltüstik 110/10kV  Podstanciya» qwrılısın salu üşin memleketten 1 mrld 154 mln 269 mıñ teñge bölinedi. Atalğan somanı tenderlik bayqauda «Quanış -2» JŞS wtıp aladı.  Alayda, arada qanşa jıldar ötse de tolıq salınıp bitken podstanciya joq. Nege dersizder? Bizder bwl swraqtıñ jauabın alu üşin jurnalistik zertteu jürgizip körgen bolatınbız.  Endigi jerde köz jetkizgen jäyttarğa toqtalayıq.

Tender ötti. Qomaqtı qarjı bölindi. Biraq,  qwrılıs bitpedi. Nege? «Quanış-2» firması qwrılıstı jürgizip, nüktesin qoyuğa kelgende podstanciya iske qosılmağan.  Öytkeni qwrılıstı     tiisti mekemeler tekseru jürgizbesten qabıldap alğan.  Barlıq qwrılıstıñ zañdılığın baqılaytın orındar sonda «Soltüstik 110/10kV  Podstanciyanı»  qayda qarap otırıp qabıldadı degen swraq oblıs basşısın nege mazalamağan? Asqar Isabekwlı nege bügingi tañğa deyin qwrılısı bitpegen, biraq orasan zor kölemde qarjı bölingen  nısandı öz baqılauında wstamağan? Nege qwzırlı orındarğa dabıl qağıp, merdiger kompaniyanıñ «şañın qağıp» ala almağan?  

«Soltüstik Podstanciyanıñ» bügingi siqı mınau: alıp temirler qwlap, jaramsız küyde ülken üyindi bolıp jatır.

 Bizder qwrılısı toqtağan nısan basına barğanımızda küzetşi Dima ağayğa jolıqqan bolatınbız.

-Bwrınğısın qaydam, biz 2011 jılı tenderdi jeñip alıp jwmıs bastaymız degen edik. Mine, arada 2 jıl uaqıt ötse de  bastay almay otırmız, - deydi ol.

-Sizdi kim qoydı qarauıldıqqa?

- Özim jwmıs jasaytın «Mehkollona №49» firması.

Biz sonımen atalğan firmanıñ  meken jayın tauıp bardıq. Bas direktordıñ orınbasarı Kim Valerii YAkovleviçke jolıqtıq.

- Bizder tenderge qatısar kezde qala äkimi Arman Jetpisbaydıñ ötinişimen barğan bolatınbız. Nısannıñ basına barğan kezde sapasız bastalğan qwrılıstı körip bas tarttıq. Degenmen, qala basşısı «sizder täjiribelisizder ğoy, osını ayaqtap berseñizder» dep ötiniş tastağan soñ kelisken edik.  Biraq, osı qwrılıs basımızğa bäle boldı. Podstanciya qwrılısına tozığı jetken  qwral jabdıqtar qoldanğan. Bılayşa aytqanda  jaramsız jabdıqtar. Bizder arnayı hat jazdıq. Qalalıq qwrılıs bölimine, qala äkimine, qazirgi jaña basşığa da joldadıq. Oblıs basşısına, kerek deseñizder «Nwr Otanğa» da jazdıq. Biraq nege ekeni belgisiz bizdi sotqa beripti.  Jwmıstı dwrıs atqarmadı dep. Sonda biz qalay joq nısanğa jwmıs bastauımız kerek?  Salınğan jabdıqtardıñ barlığın bwzıp alıp ketti emes pe? Bwnı teksergen tehnadzor qayda qarap qabıldağan? Bizge bölingen qarjı 49 mln 755 mıñ teñge. Biz bwl nısanğa kelgeli tek şığınğa batıp otırmız. Basına qoyğan qarauıl, jarıq degendey... Barlığı aqşa emes pe?  Qwrılıstı salağanda  barlıq jabdıqtardıñ öz tölqwjatı boladı. Al bwlardıñ birde birinde joq. Tölqwjattıñ barlığı derlik qoldan jasalğan. Biz arnayı «Tol'yattinskiy TRANSFORMATOR» zauıtına hat joldadıq. Al, olardan kelgen jauapqa qarasaq, zauıt Qazaqstanğa, soltüstik podstanciyağa  eşqanday transformator jibermegen. Bizder kelisim şarttı bwzu turalı da ötiniş joldağan bolatınbız. 10 mln teñgeni keri qaytarıp berdik. Endigi jerde ketken şığındı yağni, obektini qarauıldauğa 1 950 000 teñge, demontajdauğa 15 195 725 teñge,  jabdıqtardı laborotoriyalıq tekseruge 4 501 697 teñge, elektroenergiyağa 351 803 teñge.  Osı qarjını öndirulerin talap etip biz de sotqa jügindik.

Ayta keter jäyt, Şımkent qalalıq qwrılıs böliminiñ basşısı E.Bwharbaev mırzamızdıñ oblıs prokurorına, OQO EQjSJQKD bastığı Erimbetov mırzağa hat joldağanın körip quanıp qaldıq. Dwrıs-aq delik. Biraq, kökeydegi mına bir swraqtıñ mazalağanı jasırın emes. «Quanış-2» merdiger kompaniyası jwmıstı dwrıs jürgizbegende nege ünsiz otırdı? Qabıldau aktisine nege jol berdi? Bizdiñ tirlik bireudiñ soyılın soğıp, endi bireuin dattau emes.  Aqiqattıñ jolında turalıqtı anıqtau. Oblısımızğa janı aşitın azamattar tabılmağanımen, qwzırlı orındarımızdıñ namısın qamşılau. «Wstağannıñ qolında, tistegenniñ auzında» ketip jatqan teñgelerimizdi  tejeu bolmaq, - dedi «№49 Mehkollona» firması bas direktorınıñ orınbasarı Valerii  Kim.

«Sudıñ da swrauı bar». Qısqası, jelge wşqan qarjını Mehkollona qaydan öndirip, kimnen swramaq?  Podstanciyanı «Twran Qwrılıs » JŞS-i tekserip, qabıldap alıptı. Biraq, qwrılıs tolığımen bitpegen. Oñtüstik Qazaqstan oblısınıñ  äkimi Mırzahmetov mırza bir sözinde «Qwrılıstı dwrıs jürgizbegen merdigerdiñ jelkesine minip alıñdar, qara tizimge iliñder. Qadağalap, swrap, talap etip otırıñdar!»- dep edi. Endeşe, mına merdigerdiñ jelkesine minip alıp, mäseleniñ mänisin nege talap etpedi eken? Älde, «Quanış-2» firmasınıñ artında bir «alpauıttıñ» twrğanı şındıq pa?    Oblıs prokurorı Imanov mırza nege ünsiz? 2007 jılı qarjı policiyası bwl is turalı tekseris jürgizgen edi.  Alayda, «jabulı qazan jabulı» küyinde keledi.  Merdiger mleket qazınasınan bölingen qarjını igere almasa, äkim nege onı özi aytqanday «qara tizimge» ilip qoymadı eken? «Qay eldiñ zañı mıqtı bolsa, sol eldiñ irgesi berik boladı»  degendey, memleketimizdiñ mıqtı boluı zañımızğa baylanıstı ekenin eskersek, zañımızdıñ salmağı qanşalıqtı ekenin osıdan  añğarsaq boladı.  Elbasımız tapsırmanı berip jatsa da,  talaptı küşeytkenmen orındalıp jatqan zañ joq, jazağa tartılıp jatqan twlğa joq.  Nege? Qırauar qarjanıñ soñına deyin igerlimeuiniñ saldarınan OQO äkimi Mırzahmetov te keşegi Bergey Rısqalievtıñ  «jolın qumasına» kim kepil? Oblıstı basqarğan twsta Bergey mırza da mırzalığınıñ kesirinen «qaşqın» atanğan joq pa? Sondıqtan OQO äkimi erteñgi künine alañdamas üşin igilikti şaruağa bölingenimen igerilmegen qarjı turasında ünsiz qalmauı kerek. Ün qosıñız, Asqar mırza! Mümkin mäseleniñ biz bilmeytin twstarı da bar şığar? Biz de qatelesip otırğan bolarmız bir jaqtı, bir taraptı ğana tıñdap? Nege deseñiz, ekinşi jaqtı, yağni: «atalğan nısannıñ qwrlısı mına sebepten ayaqtalmay qaldı» dep is barısın taratıp aytıp beretin adamdı  taba alar emespiz. 

Degenmende, bizder bwl taqırıpqa mindetti türde qaytadan oralatın  bolamız. Sebebi, memlekettiñ ärbir tiını siz ben bizdiñ salığımızdan qwralıp otırğanın esten şığarmayıq,  qwrmetti oqırman qauım.

Oñtüstik Qazaqstan oblısı.

Abai.kz

0 pikir