Düysenbi, 18 Qaraşa 2019
Jañalıqtar 1607 0 pikir 3 Şilde, 2013 sağat 10:10

«Qazaqstan barısı-2013»: Aybek tuğan ölkesine keldi

El Prezidentiniñ jüldesi üşin qazaq küresinen üşinşi ret ötken «Qazaqstan barısı» turniriniñ jeñimpazı, «Altın belbeu» men auıspalı «Altın taytwyaqtıñ» iegeri Aybek Nwğımarov keşe tañerteñ Astanadan tuğan jerine wşıp keldi. Elorda törindegi dübirli dodada Şığıstıñ namısın abıroymen qorğağan baluan wldarın Öskemen äuejayında oblıs Äkimi Berdibek SAPARBAEV kütip aldı.

Aymaq basşısımen birge qarsı aluşılardıñ qatarında Aybektiñ ata-anası, dostarı, sporttağı senimdi serikteri häm bapkerleri, qay kezde de qiqu qosıp, qoldap jüretin janküyer jerlesteri bäri, bäri osı äuejaydan tabıldı. Tuğan jerge tabanı tigen sätte-aq kökiregin erekşe sezim bilegen «Qazaqstan barısı» qaumalağan bwqaralıq aqparat qwraldarı ökilderine swhbat berip, quanışın bölisti.    

El Prezidentiniñ jüldesi üşin qazaq küresinen üşinşi ret ötken «Qazaqstan barısı» turniriniñ jeñimpazı, «Altın belbeu» men auıspalı «Altın taytwyaqtıñ» iegeri Aybek Nwğımarov keşe tañerteñ Astanadan tuğan jerine wşıp keldi. Elorda törindegi dübirli dodada Şığıstıñ namısın abıroymen qorğağan baluan wldarın Öskemen äuejayında oblıs Äkimi Berdibek SAPARBAEV kütip aldı.

Aymaq basşısımen birge qarsı aluşılardıñ qatarında Aybektiñ ata-anası, dostarı, sporttağı senimdi serikteri häm bapkerleri, qay kezde de qiqu qosıp, qoldap jüretin janküyer jerlesteri bäri, bäri osı äuejaydan tabıldı. Tuğan jerge tabanı tigen sätte-aq kökiregin erekşe sezim bilegen «Qazaqstan barısı» qaumalağan bwqaralıq aqparat qwraldarı ökilderine swhbat berip, quanışın bölisti.    

– Astanadağı bayraqtı bäsekege ükilep ümit artıp, şığarıp salıp, jarıstıñ basınan ayağına deyin mağan janküyerlik tanıtıp, qoldağan jerlesterime rizaşılığımdı bildiremin. «Qazaqstan barısı» turnirine baratın kezde oblısımızdıñ basşısı Berdibek Mäşbekwlı Semeydegi stadionğa arnayı kelip, 15 mıñ adamnıñ aldında bizge aq batasın berip, aq jol tilep, şığarıp salıp twrıp, mağan: «Eñ tömengi orın birinşi orın bolsın!» dep mindet jüktegen. Men osı mindettiñ üdesinen şığuğa, jerlesterimniñ senimin aqtauğa bar küşimdi saldım. Eñ äueli jaratuşı Alla jolımdı oñğarıp, ekinşi, sizderdiñ tileu-nietteriñiz orındalıp, osınday jeñiske jettim. Men bwl jeñisimdi Twñğış Prezidentimiz Nwrswltan NAZARBAEVTIÑ jäne elimizdiñ ordası Astanamızdıñ tuğan künine arnaymın! – dep ağınan jarılğan ol turnirdiñ ötu barısı turalı da öziniñ oy-pikirin ortağa saldı.

Jurnalisterdiñ «Bwl jolğı «Qazaqstan barısı» qalay ötti? Bıltırğı çempion Beybit Istıbaevtıñ aqtıq sınğa şığa almay qapı qaluın qalay qabıldadıñız?» degen saualdarına ol bılayşa jauap berdi: – Qazaq küresiniñ mereyin tasıtqan «Qazaqstan barısı» turniri joğarı deñgeyde ötti. Qarsılastarım osal bolğan joq. Negizi men aqtıq sında Beybit Istıbaevtı kütken edim. Biraq qarağandılıq baluannıñ bağı janıp, Erjan Şınkeevpen kezdestim, Jalpı, «nağız baluanğa oñ-solı birdey» demekşi, şeşuşi sayısta kimmen beldessem de men üşin bastı maqsat jeñiske jetu edi.

– Bwdan bir jıl bwrın däl osı äuejayda London Olimpiadasınıñ çempionı Ol'ga Rıpakovanı qarsı alğan edik. Endi, mine, sol jeñisti jol jalğasıp, Aybek wlımız tuğan jerine «Qazaqstan barısı» atanıp kelip otır. Onı bwl ülken jetistigimen jäne osı quanıştı sätpen qatar kelgen bügingi tuılğan künimen oblıs jwrtşılığı atınan qwttıqtaymın. Aybekti jarısqa şığarıp salğan kezde bärimiz oğan ülken senim artıp, jeñispen oraluına tilektestik bildirgenbiz. Mineki, jerlesteriniñ sol tilekteri qabıl bolıp, auıspalı taytwyaq Şığıs Qazaqstanğa bwyırdı, - dedi oblıs basşısı Berdibek SAPARBAEV.

2013 jıldıñ «Qazaqstan barısın» alqalau räsimi osı küni tüsten keyin de jalğasın taptı. Öskemenniñ ortalıq alañındağı wlı Abaydıñ eskertkişine gül şoqtarın qoyıp, tağzım etu saltanatı jasalğannan keyin merekelik şara erke Ertistiñ jağalauında ornalasqan amfiteatrdağı koncerttik bağdarlamağa wlastı. Aşıq aspan astındağı amfiteatrğa jinalğan qala twrğındarı men qonaqtarı aldında öñirimizdiñ maqtanışına aynalğan Aybek Nwğımarovtı qwttıqtağan oblıs Äkimi Berdibek SAPARBAEV: – Eñ aldımen osınday wldı düniege äkelip, ösirip-jetkizgen Aybektiñ ata-anasına raqmet aytamın. Ekinşi kezekte kündiz-tüni tınım körmey, ter tökken bapkerleriniñ eñbegi zor ekenin aytuımız kerek, – dedi.

Qwttıqtau sözden keyin aymaq basşısı Aybektiñ qolına «Aziya Avto» zauıtında qwrastırılıp şığarılğan suday jaña temir twlpardıñ kiltin wstattı. Bwğan qosa Semey qalasınıñ äkimi Aybek Kärimov baluanğa üş bölmeli päter sıyğa tartatının da jetkizdi. Al jeñimpazdıñ bapkerleri Serik Qojıkenov pen Şıñğıs Twrsınovqa 2 mıñ dollardan aqşalay sıylıq berse, alıp wldı ömirge äkelgen ata-anasınıñ iığına qımbat şapan jauıp, qwrmet körsetti.

Saltanattı şaranıñ qızığına jinalğan köpşilik te qwr qalğan joq. Çempionmen tildesip, qwttıqtauların arnadı. Jastar jağı estelik üşin fotosuretke tüsip, qoltañba alıp jattı. Sahna törinde äuelep än şırqalıp, kümbirlep küy tögildi.

Şalqar JOLAMANOV, 2012 jılğı «Qazaqstan barısı» turniriniñ kümis jüldegeri:

– Ötkende Qazaqstan telearnasındağı «Aytuğa oñay» bağdarlamasında Aybekke «Sizderdiñ qorjında kümis jäne qola jülde bar, endi jetispey twrğanı altın medal'» degen bolatın. Sol kezde Aybek «bwyırtsa, osı jolı altındı alamız» dep jauap bergen edi. Mine, ol sözinde twrıp, el-jwrttıñ tileui qabıl bolıp, «Altın belbeu» men auıspalı «Altın taytwyaqtı» Şığısqa alıp keldi. Bwl taytwyaq endi biraz jılğa deyin bizdiñ oblısta qaluı üşin Aybek bastağan jigitter namıstı qoldan bermeuge tırısatın boladı. Men olarğa senemin.

Janädil ATAEV, Qazaqstannıñ eñbek siñirgen jattıqtıruşısı:       

– Elimiz täuelsizdik alğalı osınday bayraqtı bäsekelerde sportşılarımızdıñ jwldızı jarqırap janıp keledi. Bwl orayda qazaqtıñ töl küresin damıtuğa bağıttalğan «Qazaqstan barısı» turniriniñ de mañızı zor.

Büginde sportqa memleket tarapınan basa köñil bölinip, jağday jasaluda. Şığıstı ğana alsaq, Berdibek Mäşbekwlı öñirge äkim bolıp kelgeli birneşe düniejüzilik dübirli dodalarda jüldeli orındardan körinip kelemiz. Aytalıq, Londonda top jarğan Ol'ga Rıpakova, şañğışı Aleksey Poltoraninniñ jeñisti jolın Aybek bauırımız da jalğadı. Osınday jeñisterdiñ nätijesinde öñirimizde sporttıq nısandar köptep boy köterip, sporttı damıtuğa qıruar qarjı bölinude. Aldağı uaqıttarda da bizdiñ Şığıstıñ sportı biikten tüspeydi degen senimdemin.

Abai.kz

0 pikir