Jeksenbi, 23 Aqpan 2020
Jañalıqtar 1654 0 pikir 18 Şilde, 2013 sağat 08:50

«Fresh Market» - deldalsız sauda ortalığı

Öskemende «Fresh Market» attı sauda-logistikalıq ortalığı aşılmaq. Sätpaev dañğılınıñ qalanıñ negizgi böligi men jibek matalar kombinatın jalğap twrğan twsında boy köterip kele jatqan sauda ornınıñ ğimaratı tamızdıñ ayağında qoldanısqa berilmek. Ortalıq tek auıl şaruaşılıq önimderine arnalıp otır.

«Azıq-tülik öniminiñ qauipsizdigi» memlekettik bağdarlaması ayasında oblıs Äkimi Berdibek SAPARBAEVTIÑ tikeley qoldauımen aşılatın sauda nüktesi birneşe maqsattı közdep otır. Bwl ortalıqtı europalıq ülgidegi zamanaui azıq-tülik bazarı dese de boladı.

Öskemende «Fresh Market» attı sauda-logistikalıq ortalığı aşılmaq. Sätpaev dañğılınıñ qalanıñ negizgi böligi men jibek matalar kombinatın jalğap twrğan twsında boy köterip kele jatqan sauda ornınıñ ğimaratı tamızdıñ ayağında qoldanısqa berilmek. Ortalıq tek auıl şaruaşılıq önimderine arnalıp otır.

«Azıq-tülik öniminiñ qauipsizdigi» memlekettik bağdarlaması ayasında oblıs Äkimi Berdibek SAPARBAEVTIÑ tikeley qoldauımen aşılatın sauda nüktesi birneşe maqsattı közdep otır. Bwl ortalıqtı europalıq ülgidegi zamanaui azıq-tülik bazarı dese de boladı.

«Bizdiñ nısan avtokölik qoyuğa ıñğaylılığımen, sauda jasauğa arnalğan jeriniñ tübegeyli oylastırılğandığımen, onda satılatın tauarlar qolaylı temperaturalı rejimde saqtaluımen, memlekettik veterinarlıq zerthanasınıñ, sonımen qatar toñazıtqış jäne mwzdatqış kameralarımen jabdıqtalğan qoymasınıñ boluımen erekşelenedi, - deydi osı ortalıqtıñ baspasöz qızmetiniñ jetekşisi Amangeldi Oşaqov. Bwğan qosa, atı atalğan sauda ortalığı käsibi küzet, beynebaqılau, twtınuşılardı tegin arba men sebet beru qızmetimen qamtamasız etetin boladı. «Fresh Market» sauda-logistikalıq ortalığı satıp aluşılar men jalğa aluşılarğa sapalı qızmet körsetuge jağday jasau üşin saudanı jabdıqtau jäne azıq-tülik önimderin saqtauğa arnalğan barlıq qajetti infraqwrılımmen qamsızdandırılmaq. Jospar boyınşa iske asırılıp jatqan ortalıqtıñ işinde et, süt, balıq, jemis-jidek, kökönis önimderi, dämdi tağamdar jäne de konditer önimderin satuğa arnalğan sauda orındarı boladı dep josparlanğan.

Sauda-logistikalıq ortalıq dep atı aytıp twrğanday, eñ bastısı, bwl jerde auıl şaruaşılıq önimin twrğındarğa jetkizu isinde deldaldardıñ kiliguine tosqauıl qoyılmaq. Mwndağı jüye tım qarapayım. Ol jüyemen jwmıs isteu, äsirese, irilengen şarua qojalıqtarı üşin asa tiimdi bolmaq. Seriktestikpen belgili bir merzimge kelisimşartqa otıru arqılı şarua öz önimin wzaq merzim boyı saudalaytın orınğa ie boladı. Qarapayım tilmen aytqanda, bwl sauda ortalığına oblısımızdıñ kez kelgen käsipkeri nemese şarua qojalığınıñ ökili öz önimderin äkelip, onı öz qolımen sata aladı.      Sauda orınımen birge oğan önimdi qajetti temperaturada saqtau mümkindigi de beriledi. Logistikalıq ortalıq tañğı toğızdan tüngi onğa deyin aşıq twradı. Barlıq saudalanatın önim derbes zerthananıñ tekseruinen ötkennen keyin ğana sörege qoyıladı. Bwl nısan auıl şaruaşılıq önimin saudalau isinde şınayı bäseke qalıptastıruğa äleuetti birden bir ortalıq bolmaq. Osı basımdıqtardı eskergen oblıs basşılığı ğimarattıñ infraqwrılımın tüzuge qarjı bölgen. Sauda üyine keluşilerge arnap avtobus ayaldamaları da ornatılmaq. Mwndağı sauda nüktesin jalğa alu qwnınıñ naqtı qanşa bolatını äli belgisiz. Alayda ortalıq ökilderi keleşekte mwndağı önimderdiñ qaladağı özge sauda orındarınan tömen bağada satılatının aytadı. Sauda ortalığı jayında tolığıraq mälimet alğısı kelgen adamdar 87232 265006 nömirine habarlasuına boladı.

Abay-aqparat

0 pikir