Beysenbi, 14 Qaraşa 2019
Jañalıqtar 1469 0 pikir 25 Aqpan, 2013 sağat 07:21

Beysen Ahmetwlı. Törttağandı bilik. Bwl mümkin be?

Prezidenttik basqaru tüzimi öziniñ artıqşılığın da,  kemşiligin de däleldey bastadı. Men sonıñ qaysibirine toqtalıp köreyin:  keybir elderde prezident twraqtı boladı, eşkim bilikke talasa almaydı. Sol üşin basqa bilik qwmarlar tek ğana jağampazdıq jolmen prezidentke wnay qalsa boldı ösedi. Al ösken soñ sol orındı saqtap twru üşin ölip-talıp prezidentke jaqsı attanu kerek. Prezident neni wnatsa sonı tüsinip orındau kerek, tipti ol namısı taptalsada da qızmette qalt-qwlt etip jüre berui kerek. Prezidentte bilik şeksiz. Zañda sol üşin jwmıs jasaydı, al sol prezident üşin jwmıs jasaytın zañdı anau jağımpazdar özderi jasap wsınıp,  prezidenttiñ özine qol qoydıradı. Prezidentten basqa joğarı qızımetterdiñ basşıların prezident tike nemese wsınuımen tağayındaytındıqtan prezidentten tömengilerdiñ tiriligi tek jağımsu, jağımpazdanu bolıp qaladı.   Bizde de mısalı,  bilik jüyesi toptasa otırıp prezidentke jağu üşin josparlı türde jwmıs jasap, sol tirilikterin bizneske aynaldıruda.

Prezidenttik basqaru tüzimi öziniñ artıqşılığın da,  kemşiligin de däleldey bastadı. Men sonıñ qaysibirine toqtalıp köreyin:  keybir elderde prezident twraqtı boladı, eşkim bilikke talasa almaydı. Sol üşin basqa bilik qwmarlar tek ğana jağampazdıq jolmen prezidentke wnay qalsa boldı ösedi. Al ösken soñ sol orındı saqtap twru üşin ölip-talıp prezidentke jaqsı attanu kerek. Prezident neni wnatsa sonı tüsinip orındau kerek, tipti ol namısı taptalsada da qızmette qalt-qwlt etip jüre berui kerek. Prezidentte bilik şeksiz. Zañda sol üşin jwmıs jasaydı, al sol prezident üşin jwmıs jasaytın zañdı anau jağımpazdar özderi jasap wsınıp,  prezidenttiñ özine qol qoydıradı. Prezidentten basqa joğarı qızımetterdiñ basşıların prezident tike nemese wsınuımen tağayındaytındıqtan prezidentten tömengilerdiñ tiriligi tek jağımsu, jağımpazdanu bolıp qaladı.   Bizde de mısalı,  bilik jüyesi toptasa otırıp prezidentke jağu üşin josparlı türde jwmıs jasap, sol tirilikterin bizneske aynaldıruda.

Key kezderde qanşama mıqtı mamandardı prezidentke kezdestirmeudiñ jolın jasap jatqanın da bayqaysıñ. Bäz bireulerdiñ qılmısın aşıp tastau nemese aşqızbau üşin prezidentke kezdesudiñ jolın bögeydi. Tağdırın tälkekke saladı.  Osınıñ bäri jekelegen  toptardıñ müddesin eseleu üşin jasaluda. Bwl öte qauipti qwbılıs, öytkeni bir ğana top ömir boyı prezidentke ıqpal etip otıratın küşke aynaluı mümkin. Tipti  ärtürli täsildermen  jolın kesip otıruı da ıqtimal. Bwl tura Mwsa payğambar zamanındağı Lwt qauımın eske tüsiredi. Perğauın mañayındağı jandayşaptar men jağımpazdar Perğauındı maqtap, jağampazdanıp aqırı pendeşilik pen küpirşilikke boy wrğan Perğauın näpsisin  tıya almağanı sonday, özin Qwday sezine bastaydi. Tipti jağampazdar Perğauınğa «Sen - Q wdaysıñ» -deydi. Söytip Qwdayın wmıtqan Perğauın endi özin Qwday sanamaytındardı ayausız jazalaydı. Osınday bir jaza jorığında Mwsa payğambar niettesterimen birge Allanıñ qwdıretimen teñizdi qaq jarıp qaşqanda, Perğauınğa Allanıñ qarğısı tiip,  sudıñ astına kelip säjde jasap jığılğan kezde  Perğauınnıñ auzına qwm qwyılıp, tasqa aynaladı.  Sonda asa meyrimdi, keşirimdi Alla periştelerinen: «Ol(Perğauın) kälima aytpaqşı edi, nege auzına qwm qwyasıñdar?» - dep swrağanda, perişteler: «Ol kälima aytuğa layıqsız» - dep jauap bergen.  Mine sol Lwt qauımınıñ tiriligin jasap jatqan jağımpazdar bizdiñ elde de jetedi.

Teginde maqtau men jağımpazdıqtı köterip jüru de oñay emes şığar. Bwl turalı Ayaz bidiñ: «Ayaz, äliñdi bil, qwmırısqa jolıñdı bil» -degen sözi bar. Ayaz bi  öziniñ qiınşılıq kezde kigen ayaq kiimin esiktiñ mañdayşasına ilip qoyıp, soğan qarap täubesine keletin bolğan.  «Maqtau jamandı wşıradı, jaqsını pisiredi» degen - osı.

Halıqtıñ da  bağın baylap jürmiz

Osınşama jağımpazdar men bilik qwmar toptardıñ ortasında jürgen Qazaq prezidenti şınımen maqtauğa twrarlıq twlğa. Ağılşındardı tañdantıp, orıstardı ornına qoyıp, türkilerdi tik twrğızğan diplomatiyalıq sayasatın  Evropa jwrnalisteri  sayasi taktika retinde sanap, «Nwrswltan Nazarbaev - jaña zamannıñ jügin aqıl-aylasımen kötergen ekinşi Şıñğıs han» - dep bağalaptı. Bwl maqalanı mına siltemeden oqi alasızdar: http://alekboyd.blogspot.fr/2012/09/kazakhstan-nazarbayev-genghis-khan.html

Prezidenttiñ arqa tiregi - tepkini mıqtı halqı. Eger halqı tepkinsiz, beyşara bolsa, prezidenti jetim şalmen birdey. Prezidenttiñ  jalğızdığı, qasındağı biraz adamdardıñ naşarlığı, jigersizdigi men dogımağa qwmarlığı, qu qwlqınnan aspağan imansızdardıñ  wjdansızdığı, jağımpazdardıñ namıssızdığı, masondarğa malay bolğandardıñ  satqındığı   halıqtıñ da  bağın baylap twr.

Qazaq üşin bwl mäselelerdi qalay şeşken jön?

Qazaqstan üşin prezidenttik bilik - şeksiz bilik. Onı tosu kerek.  Onıñ jolı bireu ğana, ol: prlamenttik basqaru tüzimine köşu jäne qarulı küşterdiñ bas qolbasşılıq qwzıretin jeke saqtap qalu. Oğan halıqtıñ sayasi belesindiligin qosıñız. Sonda  bilik törttağandıbolıp şığadı jäne prezident pen parlament,ükimet jäne qarulı küşter özara qwqıq bölisedi. Halıqpen sanaspauğa amaldarı qalmaydı.Al zañdı twraqtandıru kerek. Bwnday tüzim qazir Germaniya, Türkiya, Qırğızstanda jüzege asqan.  Japoniya men Qıtay biligi de osı negizde.   Mwnday jüyde qabiletti  adamdardıñ bilike jetuge mümkindigi de, orayıda ösedi.  Mine bwl  halıq aldında bedel men dauıs jinau üşin bilikke wmtılatın toptardıñ arasında aşıq bäseke tudıradı, ärine ol bäsekeden halıq wtpasa, wtılmaydı.

2013 jıldan bastap auıl jäne  audan äkimderin jergilikti  halıq özderi saylaytın bolıp jatır.  Osı jerde bir ayta keterligi, auıl äkimine tañdaudı audandıq  maslihat deputattarınıñ jasaytındıqtarı. Al, atalğan tañdau  halıqtıñ qwqın şekteu ekenin bilgen jön. Bwl halıqtıñ basılğan mısın onanan arman taptap, tonalğan jauapkerşilik sezimin onanan arman eze tüsedi. Prezident Nwrswltan Äbişwlı bolaşaqta osı parlamenttik basqaru tüzimin iske asırıp, twraqtandırıp kete alsa, nağız halıq  danası retinde ATATÜRİK sındı el jüreginde qalar edi. Sol mümkindikti Nwr ağamız paydalana ma, paydalanbay ma ol  öz qolında. Öziniñ sayasi erik-jigeriniñ şeginde.  Meniñşe, Elbasımızdıñ sayasi reformalar mäselesinde batıl qadamdar jasaytın künderi  alıs emes.
Wrpağınıñ wlı bolaşağı üşin küresu - är azamattıñ wlı mwratı!
Abai.kz

0 pikir