Jeksenbi, 20 Qazan 2019
Jañalıqtar 2325 0 pikir 29 Qañtar, 2013 sağat 09:05

Aleksandr Dugin. Türki birligi – CRU-diñ oylap tapqanı

Sayasattanuşı-äleumettanuşı  Aleksandr Dugin Reseydiñ soyılın kötergen oylarımen ärqaşan baspasözdiñ şañın qağıp, qoğamdıq pikirlerdiñ otına may qwyıp twradı. Reseydiñ imperiya retindegi mañızdı qwramdas böligi - türki halıqtarı bolğandıqtan häm onıñ jartısı postkeñestik keñistikte jeke şañıraq qwrıp ketkennen keyin de orıs geosayasatı oñay berile qoyğan joq. Euraziyalıq blok arqılı ıqpal jürgizudi oylastırğan Resey üşin ikemge kelmey twrğan bir el Türkiya bolsa kerek. Al, Türkiyanı özimiz künde äygili serialdan körip jürgenimizdey, AQŞ pen Izrail' aynaldırıp keledi. Qalay degende de türki älemine ıqpal jürgizuge talas jürip jatqanı anıq. Aluan-aluan pikir bar degendey, Duginniñ oyı düdämal ma, emes pe, öziñiz bajaylap köriñiz...    Aleksandr DUGIN: «Türki halıqtarın biriktirudi közdeytin neoosmanşıl jobanı CRU oylap tapqan. Bwl türiktiñ özin qwldırau men haosqa äkeledi» deydi ol.

Türik biligi tığırıqqa tireldi. Ol kezekti märte atlantikalıq scenariy boyınşa jürip baradı. Türkiya Amerikamen jaqındasıp, Resey men Tegerannan, euraziyalıq bloktan alıstadı. Jäne antisiriyalıq kikiljiñderge aralastı.

Sayasattanuşı-äleumettanuşı  Aleksandr Dugin Reseydiñ soyılın kötergen oylarımen ärqaşan baspasözdiñ şañın qağıp, qoğamdıq pikirlerdiñ otına may qwyıp twradı. Reseydiñ imperiya retindegi mañızdı qwramdas böligi - türki halıqtarı bolğandıqtan häm onıñ jartısı postkeñestik keñistikte jeke şañıraq qwrıp ketkennen keyin de orıs geosayasatı oñay berile qoyğan joq. Euraziyalıq blok arqılı ıqpal jürgizudi oylastırğan Resey üşin ikemge kelmey twrğan bir el Türkiya bolsa kerek. Al, Türkiyanı özimiz künde äygili serialdan körip jürgenimizdey, AQŞ pen Izrail' aynaldırıp keledi. Qalay degende de türki älemine ıqpal jürgizuge talas jürip jatqanı anıq. Aluan-aluan pikir bar degendey, Duginniñ oyı düdämal ma, emes pe, öziñiz bajaylap köriñiz...    Aleksandr DUGIN: «Türki halıqtarın biriktirudi közdeytin neoosmanşıl jobanı CRU oylap tapqan. Bwl türiktiñ özin qwldırau men haosqa äkeledi» deydi ol.

Türik biligi tığırıqqa tireldi. Ol kezekti märte atlantikalıq scenariy boyınşa jürip baradı. Türkiya Amerikamen jaqındasıp, Resey men Tegerannan, euraziyalıq bloktan alıstadı. Jäne antisiriyalıq kikiljiñderge aralastı.

Türik geosayasatı soñğı 20-30 jılda öte quattı evolyuciyanı bastan ötkerdi. Eger de, bwdan säl erterek uaqıtqa üñilsek, Osman imperiyasınıñ Resey imperiyasınıñ qarsılası bolğanın eske alamız. Jäne ärqaşan biz osmandıq Türkiyamen odaq qwruğa talpınğanda Angliya men Franciyanıñ aralasuımen Batıs bwğan tübegeyli qarsılıq tanıttı. Pälsapaşı Konstantin Leont'ev Osman men Reseydiñ - eki imperiyanıñ janasımı - kerisinşe olardıñ biriguine logikalıq mümkindik berer edi, osılayşa olar özin de, özgeni de joyuğa tırısqan Batıstıñ aldında birin biri  qorğap qalar edi degendi aytqan edi. Leont'ev bwl qarım-qatınasta äulie bolıp şıqtı, biraq, onı eşkim tıñdamadı. Kerisinşe Osman imperiyası tarağanda, Lenin Keñestik Reseydi jasaqtap, wlttıq Türkiyanı qwrğan Kemal Atatürikpen odaqtas boldı. Qarsılasu ayaqtalıp, biz ıntımaqtastıqpen Qapqazdağı şekaranı birge belgiledik. Mwnıñ saldarınan, ärine, armyandar aytarlıqtay därejede zardap şekti, öytkeni, Qarabaq äzirbayjandarğa berildi. Tağı köptegen özge de daulı sätter bolğanımen, reseylik-türiktik qarım-qatınastar oñ özgeristerge bağıt aldı.

Soğıstıñ soñına deyin näsilşildik bloktağı ("Osi") elder men Germaniyanı bağdarlağan Türkiya ekinşi düniejüzilik soğıstan soñ tañdau aldında twrdı: ne şığıs blokqa, ne batısqa qosılu kerek edi.

Stalindik basıp kiru qaupi (şınayı nemese jalğan) bolğandıqtan türikter Batıstı tañdadı, NATO-nıñ böligine aynaldı, jäne sodan beri HH ğasırdıñ 50-jıldarınan bastap Türkiya Batıstıñ, atlantizmniñ, NATO-nıñ lagerinde kele jatır.

Osı aradan pantwranşıldıq jobası bastaladı.

Köpşiligi türikterdi  etnikalıq näsilşil-wltşıldar dep oylaydı. Negizinde, bwl Ortalıq barlau basqarmasınıñ (CRU) jobası bolatın. Olar türiktiñ arnayı qızmeti men türikterge Keñes Odağınıñ qwramına kirgen Ortalıq Aziyadağı türki halıqtarına ıqpal etudi küşeytudi wsınğan edi. Keyin, Keñester Odağı qwlağan soñ Ortalıq Aziyada erkin el bolğan respublikalarğa, sonday-aq, Edil jağalauındağı (Povolj'e), Qapqazdağı, tükpirdegi Sahağa deyingi türki halıqtarına ıqpal etu közdelgen bolatın.

Pantwranşıldıq - Türkiyağa arnalğan amerikandıq geosayasi strategiyalıq jospardıñ ökilderi men batısşıldıq, atlantizmdi jaqtauşılardıñ ideyası boldı. Türiktiñ özine bwl asa qajet emes. Jäne türik mektepterine taratu arqılı sayasi jobanı şınayı jüzege asıru tük te emes. Jañadan payda bolğan memleketterge Türkiyanı qayta bağıttau, mwnıñ barlığı küyreuge wşırau edi, öytkeni, qazirgi türikke bwl qol emes. Olar bwl qağidattı qoldadı, degenmen, oğan öte selqos qaradı.

Nelikten? Öytkeni, Türkiyanıñ şınayı müddesi onıñ wlttıq şekarasın saqtauğa baylanıstı öriledi. Sebebi, olar üşin kürdter faktorı öte ülken mäsele tuındatıp otır. Kürdeli problemanıñ biri Soltüstik Kiprmen jäne özge de problemalarmen tikeley baylanıstı.

Mine, sol sebepten, 1991 jıldan soñ Keñes Odağımen, Reseymen qarsı keludiñ tiimsizdigin tüsingen Türkiyanıñ euraziyalıq bağıtqa auuı bastaldı. Osı sätte, Lenin men Atatüriktiñ däuiri kezindegidey, endigi uaqıttan bastap türik müddesine qauip töndirmeytin Reseymen baylanıstı qayta qarau ideyası bas köterdi.

Al, Amerika şekaranı qayta böludi, Tayau Şığısqa ekspansiyasa jasaudı jalğastırıp keledi. Äsirese, Irakqa basıp kirgen soñ Amerika kürd mäselesin "jibitip" qoydı, AQŞ pen Izrail'diñ Tayau Şığıstağı sayasatı Türkiyanıñ wlttıq müddelerine qauip töndirip otır. Keşegi Resey, işinara Iran siyaqtı qarsılastar men AQŞ-tıñ odaqtastarı orın auıstırdı. Türik biligi euraziyalıq joba turalı oylana bastadı. Äsirese, bwl türik äskeri qwrılımında bayqaldı. Bwl - Türkiyanıñ kemaldıq kilt jönindegi müddelerin qayta qarauına jäne Euraziyalıq odaq tarapına, sonımen qatar Reseyge, Iranğa qaray jaqındap, AQŞ-tan alıstauına, NATO qwramınan Türkiyanıñ şığuı turalı alğaşqı ideyanıñ payda boluına şeyin alıp keldi.

Bwl ürdister Resey men Türkiyanıñ jaqındasuı qızu, äsirese, ekonomikalıq baylanıs ösken 2000 jıldarı bastaldı. Sauda aynalımı birneşe esege arttı. Orıs turisteri türik ekonomikasınıñ bölinbes böligine aynaldı, mwnıñ bäri sayasi euraziyalanudan habar bergendey edi.

Amerikandıqtar istiñ nasırğa şauıp bara jatqanın, Türkiyanı joğalta bastağanın sezdi, kürd faktorın qayta jandandırıp, Europa jäne AQŞ Kongresinde armyan genocidin moyındau turalı mäsele qoydı. Al, mwnı Ankara öte auır qabıldadı. Olar Türkiya biligin memlekettik qayta qwrudı jüzege asıruğa bağıttalğan, euraziyalıq astırtın äreketke qatısıp jür dep ayıptap, "Ergenekon" isin oylap taptı.

Al, kemaldıq ösiet-ğaqliyağa säykes, sayasat şeñberden şığıp bara jatqanda türik äskerileri tarihta birneşe märte memlekettik qayta qwrudı jüzege asırıp, öziniñ äskeri qadağalauın ornatatın. Sondıqtan, bwl tarihi şındıqqa wqsas edi. Al, bwl rette ol antieuraziyalıq sipat alıp, amerikandıq ispen qabıstı. Sonıñ nätijesinde, Türkiyanıñ äskeri joğarı şendileri öz qızmetterinde jañılısıp, oylastırılğan sıltau negizinde türmege otırğızıldı. Bwl - "Ergenekon" isi bolatın.

Osılayşa, amerikandıqtar Türkiyağa, Erdoğanğa ıqpal etudi tağı da qolğa aldı. Mwnımen tağı bir jaña betbwrıs baylanıstı. Bwl azdap pantwranşıldıq sayasattı eske salğanımen, "panosmandıq sayasat" nemese "neoosmandıq sayasat" atına ie boldı.

Jäne bwl neoosmandıq sayasat qazirgi kezde Türkiyanıñ amerikandıqtar ıqpalındağı arab rejimimen, sonıñ işinde Saud Arabiyası jäne Katarmen jaqındasuınan körinedi. Türkiyanıñ bağıtı Asadqa qarsı qatañ bağıt alıp, Iran jäne Reseymen baylanıstar kilt suına bastadı.

Negizi, osmanşıl geosayasat - pantwranşıldıq ispetti jalğan edi. Türkiyanıñ qazirgi zamanaui ahualı Osman imperiyasına wqsas jağdaydı eşqaşan qalpına keltire almaytının körsetip otır.

Tayau Şığıstağı ıqpalın küşeytuge şınayı ärekettenu, äsirese, Saud Arabiyası, Katar jäne sol siyaqtı ul'trasalafittik radikaldıq islam memleketterimen odaqtasu tek bir ğana jäytke, Türik Respublikasın küyretuge, halıqtıñ jartısı enetin aşıq wltşıldar, kemalşıldar, respublikaşıldar jäne azşılıqtı qwraytın dini fanattar arasındağı azamattıq soğısqa alıp keledi, sonday-aq, Türkiyanıñ etnikalıq belgileri boyınşa qwlauına itermeleydi.

Türkiyanı kemaldıq şekara şeñberinde saqtaudıñ jalğız jolı - euraziyalıq bağıt. Degenmen, bwl rette "Ergenekon" isi boyınşa Türkiyanıñ ağımdağı biligine şekteu qoyılıp otır. Sondıqtan, qazir äskeri-euraziyaşıldardı türmeden bosatqannıñ özinde olar öz jendetterin jeñil keşire saluı mümkin.

Türik biligi tığırıqqa tireldi. Ol kezekti ret atlantikalıq scenariymen jürip baradı. Olar Amerikamen jaqındasa otırıp, Resey men Tegerannan, euraziyalıq bloktan da alıstadı. Jäne olar saudtıqtarmen birge radikaldıq ekstremisterdi qolday otırıp, antisiriyalıq iske belsene qatısuda.

Ärine, arab islamı büginde Türkiyanıñ köşbasşılıq jağdayın qabıldap alarlıqtay jağdayda emes. Bwl - şındıq. Türkiyağa bwl sayasat eş tiimdi bolmaydı. Sondıqtan, Türkiya büldirgiş jobalarğa odan sayın üyir boladı. Osığan oray, Türkiyanıñ qazirgi geosayasatı sın kötermeytin jağdayda twr dep ayta alamın. Neoosmanizm - bwl, şındıqqa janaspaydı, illyuziya. Jäne eşqanday jağımdı nätije bermeydi, al, jağımsız jäytke jaqın arada kez boluı ğajap emes.

Sol sebepti mağan büginde resey-türik qarım-qatınası üşin asa qolaylı künder bolmay twrğanday körinedi. Türkiya dwrıs jolğa tüspedi. Ol qazir türik memleketi men türikti älsiretetin, kemaldıq mwralardı joyatın soqpaqqa tüsti. Onı joyğanımen, şınayı qarağan janğa aşıq, zayırlı talaptarğa boy üyretken türik memleketinde radikaldı islam qoğamın qwru mümkin emes.

Säykesinşe, ıdırau, qirau, qaqtığıs, qan, tärtipsizdik pen haos - Türkiyağa qauip töndiredi. Eger ol öziniñ neoosmandıq jalğan, aldamşı, tığırıqqa bastar jolınan bas tartpasa...

Audarğan - Duman ANAŞ

(Aqparat közi - "Vzglyad")

Abai.kz

0 pikir