Düysenbi, 18 Qaraşa 2019
Jañalıqtar 1575 0 pikir 28 Qañtar, 2013 sağat 09:57

Belgili ğalım Äbdiuaqap Qaranıñ Mwstafa Şoqay turalı zertteu eñbegi francuz tilinde jarıq kördi

Şoqaytanuşı belgili ğalım Äbdiuaqap Qaranıñ Mwstafa Şoqay turalı 2002 jılı türik, 2004 jılı qazaq tilderinde basılıp şıqqan eñbegi 2013 jılı 21 qantar küni francuz tilinde jarıq kördi.

Parijdegi "Larmattan" baspasınan jarıq körgen eñbekti türik tilinen audarğan Aylin Tapia, audarmanı ğılımi twrğıdan qarap, baspağa dayındağan professor Stefan de Tapia.

Kitaptıñ artqı mwqaba betinde mına sözderge orın berilgen:

«Qazaqstannıñ täuelsizdik tarihında Franciyanıñ erekşe ornı bar. Mwnıñ sebebi Qazaqstannıñ Keñes Odağınan täuelsiz boluına ömirin arnağan Mwstafa Şoqaydıñ osı oraydağı küresin 1921-1941 jıldarı Parij qalasında jürgizgen boluı.

1917 jılı Aqpan Töñkerisinen keyin totalitarlıq patşalıq jüye qwlap Reseyde demokratiyalıq jaña sayasi jüye ornatu mümkinşiligi payda bolğan uaqıtta ondağı başqırt, qazaq, qırğız, özbek, tatar jäne türkimen sındı halıqtar özderiniñ wlttıq memleketterin qwruğa wmtıldı. Bwlardan qazaqtar Orınborda Alaş Orda wlttıq ükimetin sonday-aq özbektermen tize qosa otırıp Qoqan qalasında Türkistan ükimetin jariyaladı. Mwstafa Şoqay Türkistan ükimetiniñ basministri qızmetin atqardı. Osı ükimetti Bol'şevikterdiñ qwlatuınan keyin, Şoqay A.Kerenskiy, P.Milyukov sıyaqtı orıs demokrattarımen birge Europağa şığıp Franciyada sayasi küresin jalğastırdı.

Şoqaytanuşı belgili ğalım Äbdiuaqap Qaranıñ Mwstafa Şoqay turalı 2002 jılı türik, 2004 jılı qazaq tilderinde basılıp şıqqan eñbegi 2013 jılı 21 qantar küni francuz tilinde jarıq kördi.

Parijdegi "Larmattan" baspasınan jarıq körgen eñbekti türik tilinen audarğan Aylin Tapia, audarmanı ğılımi twrğıdan qarap, baspağa dayındağan professor Stefan de Tapia.

Kitaptıñ artqı mwqaba betinde mına sözderge orın berilgen:

«Qazaqstannıñ täuelsizdik tarihında Franciyanıñ erekşe ornı bar. Mwnıñ sebebi Qazaqstannıñ Keñes Odağınan täuelsiz boluına ömirin arnağan Mwstafa Şoqaydıñ osı oraydağı küresin 1921-1941 jıldarı Parij qalasında jürgizgen boluı.

1917 jılı Aqpan Töñkerisinen keyin totalitarlıq patşalıq jüye qwlap Reseyde demokratiyalıq jaña sayasi jüye ornatu mümkinşiligi payda bolğan uaqıtta ondağı başqırt, qazaq, qırğız, özbek, tatar jäne türkimen sındı halıqtar özderiniñ wlttıq memleketterin qwruğa wmtıldı. Bwlardan qazaqtar Orınborda Alaş Orda wlttıq ükimetin sonday-aq özbektermen tize qosa otırıp Qoqan qalasında Türkistan ükimetin jariyaladı. Mwstafa Şoqay Türkistan ükimetiniñ basministri qızmetin atqardı. Osı ükimetti Bol'şevikterdiñ qwlatuınan keyin, Şoqay A.Kerenskiy, P.Milyukov sıyaqtı orıs demokrattarımen birge Europağa şığıp Franciyada sayasi küresin jalğastırdı.

1939 jılı Düniejüzilik ekinşi soğıs bastalğanda Şoqay üşin kezinde özin qwşaq jayıp qarsı alıp otanınıñ täuelsizdigi jöninde küresine mümkinlik bergen Franciya ekinşi otan sipatında edi. Sondıqtan Franciya üşin Nacistik Germaniyanıñ basıp alu qaupi töngende, Şoqay Reseyden kelgen özge sayasi emigranttar sekildi AQŞ-qa jan sauğalap qaşudı qalamadı. Francuzlar sıyaqtı soğıstıñ auırtpalıqtarına tözuge täuekel etti. Alayda Franciyanı jaulap alğan nemister 1941 jılı mausım ayında Şoqaydı üyinen twtqındap äketti. Sodan Şoqay 1941 jılı, 27 jeltoqsanda Berlin qalasında dünie saldı. Şoqaydıñ esimi 1923-1941 jıldarı arasında ömir sürgen Parijdiñ Nojan sür marn qalaşığındağı bir sayabaqqa berilgen»

0 pikir