Särsenbi, 13 Qaraşa 2019
Jañalıqtar 1615 0 pikir 28 Qañtar, 2013 sağat 08:49

Quanış Twnğatar. «Veçerniy Taldıkorgan» - basılımdağı bassızdıq

«Qazanşınıñ öz erki, qaydan qwlaq şığarsa» deydi emes pe qazaqtıñ köneköz mäteli. Ätteñ, qazan otbası, oşaq qasında ğana qalatın bwyım. Düyim jwrttıñ arasına taratılmaydı. «Halıqtıñ közi, qwlağı häm tili» de emes. Osı aptada Taldıqorğan qalalıq ardagerler keñesiniñ törağası Mwrat QALIQ atışulı «Veçerniy Taldıkorgan» gazetiniñ bağıtı men betalısına qatıstı jergilikti jäne öñirlik BAQ-tıñ aldında öz pikirin bildirdi. Baspasöz otırısına Taldıqorğan qalası äkiminiñ orınbasarı Ğaliasqar SARIBAEV, belgili ardager jurnalist, Almatı oblısınıñ Qwrmetti azamatı Twrsın ÄBDUÄLIEV jäne Erkin auıldıq meşitiniñ imamı Qanat MARATWLI qatıstı. «Boyauşı, boyauşı degenge saqalın boyaytın» «veçerkalıqtar» bwl jolı tım şekten şığıp, gazet betine jalañaştanğan qızdardıñ suretin qaz-qatar basıp, taldıqorğandıq ardagerlerdiñ aşu-ızasın tudırdı.

«Qazanşınıñ öz erki, qaydan qwlaq şığarsa» deydi emes pe qazaqtıñ köneköz mäteli. Ätteñ, qazan otbası, oşaq qasında ğana qalatın bwyım. Düyim jwrttıñ arasına taratılmaydı. «Halıqtıñ közi, qwlağı häm tili» de emes. Osı aptada Taldıqorğan qalalıq ardagerler keñesiniñ törağası Mwrat QALIQ atışulı «Veçerniy Taldıkorgan» gazetiniñ bağıtı men betalısına qatıstı jergilikti jäne öñirlik BAQ-tıñ aldında öz pikirin bildirdi. Baspasöz otırısına Taldıqorğan qalası äkiminiñ orınbasarı Ğaliasqar SARIBAEV, belgili ardager jurnalist, Almatı oblısınıñ Qwrmetti azamatı Twrsın ÄBDUÄLIEV jäne Erkin auıldıq meşitiniñ imamı Qanat MARATWLI qatıstı. «Boyauşı, boyauşı degenge saqalın boyaytın» «veçerkalıqtar» bwl jolı tım şekten şığıp, gazet betine jalañaştanğan qızdardıñ suretin qaz-qatar basıp, taldıqorğandıq ardagerlerdiñ aşu-ızasın tudırdı.

«Veçerniy Taldıkorgan» gazeti halıqqa jan-jaqtı twrmıstıq qızmet körsetu jäne jarnama jasau jağınan aldıñğı qatarda körinip jürgeni ras. Oblıs ortalığında qoldan-qolğa tarağan basılımnıñ jarnaması da köşeniñ är qaptalında menmwndalap ilinip twradı. Alayda gazettiñ 2013 jıldıñ 18 qañtarında basılğan № 3 sanında şekten şıqqan birqatar anayı fotosuret pen tälim-tärbiege keri äser etetin swraq-jauaptar jariyalanğan. Mwnda gazet oblıs twrğındarınıñ ädeptilik, ar-wyat jäne qoğamdıq tärtip normaların saqtau sındı adamgerşilik ölşemderin taptap ötip, törtinşi jäne besinşi betterine jartılay jalañaş qızdardıñ suretterin basqan. «Miss Veçerniy Taldıkorgan - 2013» dep atalatın bayqau jariyalap, olardıñ arasınan «oza şapqan» jalañaş jeñimpazdardı gazettiñ ayqara betine qazdıñ balapanınday qatar tizgen. Ol azday, aptalıq basılımnıñ ekinşi betine qaytıs bolğan jandardı «eske alu» habarlamaların jariyalap, üşinşi betke Elbası N. Nazarbaevtıñ 2012 jıldıñ 29 jeltoqsanında Aqordada söylegen sözin suretimen birge qosaqtap basa salğan.

- «Veçerniy Taldıkorgan» gazetiniñ namısqa tiip, aşu-ızamızdı tudıratın äreketterge baruı bir bwl ğana emes. Olar qalamızda talay märte wlttıq tärbiege kereğar is-äreketter jasadı. Elbası men «eske aludı» gazet betine qatar qoyu arqılı olar jurnalistik etikanı saqtamay otır. Memleket basşısı N. Nazarbaevtıñ suretin gazettiñ kez kelgen bwrışına basa salatın qoldağı oyınşıq emes.  Ol ol ma, bwl gazet memleketimizdiñ bolaşağına balta şauıp, jastarımızdı jalañaştanuğa tärbielep jatır. Swlulardı sayıstırıp, bayqau ötkizedi. Oblısımızdıñ örimdey qızdarın gazettiñ twtas betine jalañaştap şığaradı. Demokratiya dep özeurep, ar-wyattı ısırıp qoyıp, wrpağımızdı wlağattan ayıradı. Mwnday şekten şıqqan basılımnıñ bizge qajeti joq! - dedi qalalıq ardagerler keñesiniñ törağası M. Şayahmetwlı. Sonday-aq, ol baspasöz otırısına «Veçerniy Taldıkorgan» gazetiniñ bas redaktorı Elena Burluckayanı arnayı şaqırtqanın, alayda onıñ kelmegendigin jetkizdi.

«Veçerniy Taldıkorgan» gazetiniñ qırıq ekinşi betinde redakciyanıñ tolıqtay mekenjayı körsetilip, QR Parlamentine (Astana qalası), QR Wlttıq kitap palatasına, QR Wlttıq kitaphanasına jäne oblıstıq işki sayasat basqarmasına joldanatını jazılğan. Bwdan bölek, ol jerde basılımnıñ atauı «qoğamdıq-sayasi gazet» dep naqtı ataladı. Al gazettiñ birinşi betindegi «Narodnaya gazeta» (Halıqtıq gazet) degen qosımşa anıqtamanı bayqau da qiın emes. Daudıñ bası da osı jerden tuındaydı. Qazaqstan Jazuşılar odağınıñ müşesi, belgili jurnalist T. Äbduäliev «Veçerniy Taldıkorgannıñ» «qoğamdıq-sayasi» jäne «halıqtıq» degen ataularğa qayşı keletin twstarı öte köp ekendigin tilge tiek etti.

- Öz basım baspasöz salasında 42 jıl qızmet atqardım. Däl mwnday basılımdağı bassızdıqtı közim şalğan emes. Gazette halıqqa qoyılğan saualdıñ köpşiligi tım döreki. «Qaladağı qar tazalau jwmısına köñiliñiz tola ma?» dep halıq arasına ündeu tastap, tikeley basşılıqtıñ, ministrlerdiñ, qala men oblıs äkimderiniñ fotosuretterin keltirip, jauap beruin nemese belgili bir şaralar qoldanuın talap etedi. Qoğamdıq-sayasi, halıqtıq basılımdar memlekettiñ twtastığın qamtamasız etip, kez kelgen auırtpalıqtı jwmıla köteretin edi. Mına gazettiñ betalısı «qoğamdıq-sayasi» deuge kelmeydi. Ministrlikten qayta tirkeuden ötkizu kerek, - dedi T. Äbduäliev.

Rasında, gazetti «qoğamdıq-sayasi» dep ataudan göri, «jarnamalıq-aqparattıq» deuge äbden layıq. Baspasöz ökilderimen ötkizgen kezdesude qalalıq ardagerler keñesiniñ müşeleri bwl mäseleniñ betin aşıq qaldırmadı. «Küyeuiñiz köziñizge şöp salsa, siz de solay isteuge mindettisiz be?», «Öz sezimiñizdi jaqsı körgen adamıñızğa gazet arqılı bildiriñiz» nemese «Naqsüyeri payda boldı» degen taqırıptarda tälim-tärbieni bwzatın şağın äñgimelerdi molınan kezdestiruge boladı. Sonday-aq, Erkin auıldıq meşitiniñ imamı Q. Maratwlı «Veçerniy Taldıkorgan» gazetiniñ bassızdığına qarsı 150-den astam qol jinağanın, bwl qalanıñ tek bir şetindegi auıl twrğındarınıñ jartısı ekendigin, bastamanıñ ayaqsız qalmaytındığın aşına ayttı. «Köp jortqan tülki terisinen ayırıladı» deydi qazaq. Wlttıq tärbiemizdi ayaqqa taptap jürgenine qanşama ret köz jwma qaradıq. Bir kezderi osı basılım Taldıqorğandağı atıñ öşkir jezökşelikti zañdastıru kerek dep şulatıp, wyattan jerge kirip kete jazdap edik. Bwl bastamamız ayaqsız qalmaydı. «Veçerniy Taldıkorgan» ministrler men äkimderge gazet beti arqılı şağım tüsirse, biz endi qala twrğındarınıñ qolın jinap, şınayı türde arızdanatın bolamız», - dedi Q. Maratwlı.

Qalalıq ardagerler keñesiniñ baspasöz jinalısınan keyin, Taldıqorğan qalası äkiminiñ orınbasarı Ğ. Sarıbaev qorıtındı söz söyledi. Ol öz sözinde twrğındardıñ qala tınıştığı men twraqtılığın saqtaudı bastı nazarda wstau qajettigin basa ayttı. Qalamızdıñ güldenip, qanat jayıp örkendep kele jatqanına ärbir twrğınnıñ ülesi bar ekendigin jetkizdi.

- Qala äkimdiginiñ bastı mindetteriniñ biri - BAQ ökilderimen qoyan-qoltıq jwmıs isteu. Olardı «törtinşi bilik» dep ataytınımız da tegin emes. Qanday bağıtta bolmasın, kez kelgen BAQ-pen tığız qarım-qatınasta boluğa dayınbız. Ärine, kemşilikter joq emes. Biraq sınaudıñ da öz tärtibi bar. Kez kelgen gazette basılğan sın materialğa biz 3 künnen arı asırmay, mindetti türde jauap beremiz. Olqı twstarımızdı der kezinde tüzeuge bar küşimizdi salamız. «Veçerniy Taldıkorgan» gazetiniñ redakciyası qalamızda ornalasqandıqtan, olardıñ bey-berekettigi üşin men de ardagerler aldında keşirim swraymın, - dep qorıtındıladı Ğ. Tölendiwlı.

Wlt bolaşağın oylağan ağa buın wrpağınıñ ar-namıstı boluı üşin osılayşa öz janayqayın bildirdi. Al «veçerkalıqtardıñ» wyattı äreketi üşin Ğ.Sarıbaevtıñ halıqtan keşirim swrağanı orındı. Biraq halıq qwzırlı orındardan teksiz gazetti tezge salıp, tez arada şara qoldanuın asığa kütetindey. Endeşe tärtip pen tärbiege jauaptı bilik ökilderi bwl keleñsizdikke nemqwraydı qaramaydı degen senimdemiz.

"Abai.kz"

0 pikir