Jeksenbi, 17 Qaraşa 2019
Jañalıqtar 1621 0 pikir 25 Qañtar, 2013 sağat 09:40

Berik ÄBDİĞALIEV: ASTANAĞA ŞAQIRIP JATQANI RAS, ÖZİME SALSA, OSI JWMISIMDI İSTEY BERGİM KELEDİ

Berik ÄBDİĞALIEV, Arqalıq qalasınıñ äkimi:

- Biz qazir orıs tiline degen täueldilikten qorğanuımız qajet. Keşe Elbası «Latın qarpine köşuimiz kerek» degendi beker aytqan joq. Qazaqstannıñ kästömin kiip alıp, Qazaqstanda şığarılğan telefonmen söylesip, Qazaqstannıñ köligine minip alıp, orısşa şüldirlep jürgenimizdiñ ne keregi bar?! Däl qazir bizge qajet eñ bastı ekonomika - wlttıq ruh boluı kerek! - deydi swhbat bergen belgili sayasattanuşı Berik Äbdiğaliev.
- Beke, wlıq bolıp ketkeniñizge 3 jılday, sonıñ işinde Arqalıqtay eleusiz qalğan qalağa äkim bolğanıñızğa 7 ay tolıptı. Sizge qay jwmısıñız wnaydı: sarapşılığıñız ba, äkimdigiñiz be?

Berik ÄBDİĞALIEV, Arqalıq qalasınıñ äkimi:

- Biz qazir orıs tiline degen täueldilikten qorğanuımız qajet. Keşe Elbası «Latın qarpine köşuimiz kerek» degendi beker aytqan joq. Qazaqstannıñ kästömin kiip alıp, Qazaqstanda şığarılğan telefonmen söylesip, Qazaqstannıñ köligine minip alıp, orısşa şüldirlep jürgenimizdiñ ne keregi bar?! Däl qazir bizge qajet eñ bastı ekonomika - wlttıq ruh boluı kerek! - deydi swhbat bergen belgili sayasattanuşı Berik Äbdiğaliev.
- Beke, wlıq bolıp ketkeniñizge 3 jılday, sonıñ işinde Arqalıqtay eleusiz qalğan qalağa äkim bolğanıñızğa 7 ay tolıptı. Sizge qay jwmısıñız wnaydı: sarapşılığıñız ba, äkimdigiñiz be?
- Äkimniñ jwmısı mağan jat emes. 12 jıl bwrın Temirtauda Serik Ahmetovtiñ orınbasarı bolıp istegenmin. Wlıtauğa barmay twrıp, negizgi oyım - u-şu qaladan, sayasattan şarşap, auılğa ketu-twğın. Öytkeni kezinde köp närselerdi aytqanmın. Bäri beker söz siyaqtı. Sözjarıs bolıp ketti. Kim ädemi söz aytadı, soğan jaqsı. Ökinişke oray, bir minez körsetip, is-qimılğa bara almaymız. Kezinde qanşama söz ayttım. Qazir sol sözderimdi bireulerdiñ qaytalap jürgenin estip qalamın. Meniñ osıdan 3-4, 5-6 jıl bwrın aytqandarımdı bireuler qazir aytıp jür... Sayasatqa qızığuşılığım joğaldı! Endigi qızığatınım - özim bwrın aynalısqan tarih, etnologiya. Tübinde sol tarihi-ğılımi jwmısıma qaytıp baratın şığarmın.
- Sonda sayasattan irgeñizdi müldem aulaq wstaysız ba?
-  Älginde ayttım, sayasat meni däl qazir eş qızıqtırmaydı. Ol keyin özgerip, kün tärtibine jaña mäseleler şığıp jatsa, baruım mümkin. Biraq qazir Ükimet bäribir meniñ qazaq tili, qazaqtı damıtu turalı aytqandarımdı qabıldamaydı. Men sayasatker emespin! Tek sayasi tehnologiya, aqparattıq tehnologiya boyınşa bir salanıñ mamanı ğanamın. Sayasatker bolıp qızmetke barsam, erteñine-aq quıp şığadı.
- Sizdi Astanağa şaqırıp jatır degen sıbıs bar. Barasız ba?
- Şaqırular bar. Arqalıqqa meni 1-1,5 jılğa jibergen. Biraq bäri özgerip ketti. Özime salsa, osı jwmısımdı istey bergim keledi. Bastadım ğoy. Biraq ana jaqtağı basşılar qajet dep şeşse, baramın. Bir quanatınım, 3 jıldıq täjiribem basqa äkimderdiñ 10 jılınan kem emes. Öytkeni är türli jerlerde istegendikten, salıstırıp otıramın.
- Prezident Joldauında «latın qarpine köşemiz» degen söz aytılıp qaldı. Bwl neniñ nışanı?
- Bizdiñ qoğam Reseydiñ ıqpalınan qorqadı. Halıqtıñ kökeyinde «Reseydiñ qoltığına qaytadan kirip baramız» degen alañdauşılıq bar. Keşe Elbasınıñ latın qarpi degeni de beker emes. Biz endi qazaq tilin, wlttıq ruhımızdı saqtap qaluğa bilegimizdi sıbanıp kirisuimiz kerek. Erteñgi küni Qazaqstannıñ kästömin kiip alıp, Qazaqstanda şığarılğan telefonmen söylesip, Qazaqstannıñ köligine minip alıp, orısşa şüldirlep jürgenimizdiñ ne keregi bar?! Onday «kazahskiy ekonomikanıñ» ne keregi bar?! Däl qazir bizge qajet eñ bastı ekonomika - wlttıq ruh! Wlttıq ruhımızdı şayqaltıp otırğan Reseydiñ aqparattıq ekspansiyası. Öytkeni ideologiyalıq jağınan bäsekeles bola almay, wtılıp jatırmız. Mısalı, bizdiñ teledidar (orıstildi arnalar) öz önimderimizdi şığaruı kerek. Olardıñ önimderi anau «NTV», «ORT»-lardan birde kem bolmauı kerek. Sonda halıqtıñ beti bwrıladı. Wlttıq ruhqa BAQ-tıñ ıqpalı öte zor. Jas wrpaqtıñ sanasın qalıptastıratın solar. Qazir Germaniya, Franciya siiyaqtı alpauıttardıñ özderi ağılşın tiline, AQŞ-qa täueldilikten qorğanıp jatır. Biz orıs tilinen, Reseyden qorğanuımız kerek! Qıtaydan demografiya jağınan qauip bolmasa, tilden qauip joq!

Swhbattasqan - Tölen TİLEUBAY

"Halıq sözi" gazeti

0 pikir