Jeksenbi, 23 Aqpan 2020
Jañalıqtar 1503 0 pikir 22 Qañtar, 2013 sağat 08:25

Sırım Dat. Öñirler dami ma, älde...

Bilik aqırı nazarın qaladan dalağa bwrdı. Soğan mäjbür boldı. Sebebi, osı şeşimdi  qabıldardan bir jıl bir ay bwrın bolğan Jañaözen dürbeleñi soğan itermeledi. Sol oqiğanı saraptağanımızda  bılay degenbiz (http://arasha.abai.kz/content/syrym-dat-zhanaozen-eldin-kelesi-damu-satysyna-otudin-olara-kezeni ):

«Barğan sayın sayasi-intellektualdıq quat molayıp, onı jwmsar keñistik belgili bir toppen şektelude. Eldegi irili-uaqtı daular birjaqtı qaralıp, birjaqtı şeşiletin ğana jüye qalıptastı. Jergilikti mäseleni şeşetin sayasi-qoğamdıq instituttar joq. Qazaqtıñ tarihi aqsaqaldıq institutı kelmeske ketkendey sıñayı bar. Qariyalardıñ jas wrpaq aldındağı qauqarın bılay qoyğanda, qoğamda da ornı qalmadı, auıl äkimine de sözi ötpeydi. Jergilikti özin özi meñgeru qwrılımı tağı joq.

Bügingi qazaq qoğamı jwrtşılıqtıñ belgili bir deñgeydegi qajetin öteytindey sañılau qajetsinude. Eldegi türli deñgeyde liderlik qabilettiñ ornı bolatınday qwrılımdar kerek. Äytpese, jas wrpaqqa da, jalpı jwrtqa da «auıldağınıñ auızı sasıp», ögeydiñ, özgeniñ aqılı men keñesi,tipti ideologiyası qabıldanatın küyge taqap otırmız. Sol ahual antimemlekettik ahual tuğızıp otır. Nomenklaturalıq jasandı elita qoğamnıñ äjetine jaray almay otır».

Bilik aqırı nazarın qaladan dalağa bwrdı. Soğan mäjbür boldı. Sebebi, osı şeşimdi  qabıldardan bir jıl bir ay bwrın bolğan Jañaözen dürbeleñi soğan itermeledi. Sol oqiğanı saraptağanımızda  bılay degenbiz (http://arasha.abai.kz/content/syrym-dat-zhanaozen-eldin-kelesi-damu-satysyna-otudin-olara-kezeni ):

«Barğan sayın sayasi-intellektualdıq quat molayıp, onı jwmsar keñistik belgili bir toppen şektelude. Eldegi irili-uaqtı daular birjaqtı qaralıp, birjaqtı şeşiletin ğana jüye qalıptastı. Jergilikti mäseleni şeşetin sayasi-qoğamdıq instituttar joq. Qazaqtıñ tarihi aqsaqaldıq institutı kelmeske ketkendey sıñayı bar. Qariyalardıñ jas wrpaq aldındağı qauqarın bılay qoyğanda, qoğamda da ornı qalmadı, auıl äkimine de sözi ötpeydi. Jergilikti özin özi meñgeru qwrılımı tağı joq.

Bügingi qazaq qoğamı jwrtşılıqtıñ belgili bir deñgeydegi qajetin öteytindey sañılau qajetsinude. Eldegi türli deñgeyde liderlik qabilettiñ ornı bolatınday qwrılımdar kerek. Äytpese, jas wrpaqqa da, jalpı jwrtqa da «auıldağınıñ auızı sasıp», ögeydiñ, özgeniñ aqılı men keñesi,tipti ideologiyası qabıldanatın küyge taqap otırmız. Sol ahual antimemlekettik ahual tuğızıp otır. Nomenklaturalıq jasandı elita qoğamnıñ äjetine jaray almay otır».

Aqırı Öñirlik damu ministrligi qwrıldı. Memleket basşısı atap ötkendey, bwl vedomstvonıñ qwramına jer resurstarı, qwrılıs agenttikteri jäne QR ekonomika jäne byudjettik josparlau ministrligi bolıp qayta qwrılğan QR ekonomikalıq damu jäne sauda ministrliginiñ öñirlik damu komiteti kiredi.  «Qısqartılıp otırğan osı üş agenttikten jergilikti özin özi basqarudı damıtu jäne jergilikti jerlerge ökilettikter beru üşin arnayı ministrlik qwrılıp otır», - dep atap körsetti N.Nazarbaev.

Kemi soñğı on jıl boyı joldaudan joldauğa köşip kele jatqan Jergilikti jwrttıñ özin basqaru institutı neğıp qolğa alına qaldı jäne oğan pildey ministrlik qalayşa qwrıldı? Sebep, äkimderdiñ basqa şığıp bara jatqan qwzırında bolsa kerek. Bir jağınan joğarğı bilik tek qana bwyrıq şığarumen aynalısadı da, qarjını öñirlik äkimderge bwrıp, halıqpen jwmıstıñ bärin soğan artıp qoyğan. Biraq äkimder jergilikti jwrtşılıqtıñ ayağın bir etikke tığuğa qwzırı jetedi, al halıqpen dialog, kelisu, olardı adamğa sanau atımen joğaldı. Byudjetten aylıq alatın adamdardıñ qwnı kök tıyın bola bastadı. Aqırında joğarğı bilik pen äkimderdiñ arasında birin biri aldau ğana  bastı sayasi ideologiyağa aynaldı. Halıqtıñ aldında biliktiñ süykimi ketip boldı. Bwl jağday tek qana Jañaözen dürbeleñin ğana emes, memlekettik qauıpsızdıqqa qol salatın alapat aydaqardı düniege äkeldi. Bwl aqualdı da aytıp ötkenimiz bar (http://old.abai.kz/content/syrym-dat-bilik-tygyrykta): «Eñ bastısı - eldiñ memlekettik joğarğı qwzırı oblıstıq jergilikti deñgeyge kelgende jekelegen äkimderdiñ sayasatına wlasıp, jımdasıp, sub'ektiv äkimdik diktaturağa aynaldı. Alayda, bwl asa qwyqalı memlekettik şikizat salası äkimderdiñ qolında degen söz emes, ol resurs klandıq toptardıñ qarauında qaldı da, Jañaözen sekildi sayasi şıyqandardı pisirdi.»

Qısqası, jergilikti öñirdi bileu tığırıqqa tireldi de, joğarğı biliktiñ bar tiregi sanalğan äkimdik institut özine qater töndire bastadı.Endi jalı küdireygen äkimdikti älsiretip, älsiregen jergilikti öñirdi küşeytu üşin bir ministrlik qwrılıp otır. Biraq bir ğana ministrliktiñ qolınan san salalı joğarğı biliktiñ qwzırın jergilikti ökimetpen jalğau keler me eken?

Onıñ üstine, Öñirlik damu ministrliginiñ qızmeti öñirler men el ekonomikası salalarınıñ äleumettik-ekonomikalıq äleuetin tiimdi paydalanu negizinde qazaqstandıqtardıñ äl-auqatın arttırudı qamtamasız etetin jağdaylardı tuğızuğa bağıttalmaq, prem'erdiñ sözimen aytqanda  «Öñirlerdi damıtu», «Qoljetimdi baspana-2020», «Biznestiñ jol kartası-2020», «Jwmıspen qamtu-2020», «Aq bwlaq», TKŞ jañğırtu jäne monoqalalardı damıtu bağdarlamaların jüzege asırudıñ birıñğay üylestiruşisi boladı». Bwl qaptağan bağdarlamalardı bwrın är salanıñ «baqtaşısı» - säykes ministrlik baqılap kelse, endi sonıñ bäri bir ğana ÖDM-niñ ıyığına tüspek.

«Sonday-aq Öñirlik damu ministrligine İşki ister ministrliginen halıqtıñ köşi-qonı salasındağı memlekettik sayasat mäselesi de beriledi. YAğni, Öñirlik damu ministrligi strategiyalıq jäne ekonomikalıq josparlaudı esepke alğanda, köşi-qon sayasatın jüzege asırumen keşendi türde aynalısatın boladı», - deydi  Prem'er-Ministr.

Prezident N. Nazarbaev jaña öñirlik damu ministrliginiñ qwrıluın «jergilikti basqarudı damıtu» qajettiligimen tüsindirdi. Al, auıldıq äkimderdiñ bir ğana «Nwr Otanğa» tiesili mäslihatta saylanuı jergilikti özindik bileu institutın qalay damıta qoymaq? Bwl da kümändi.

«Qısqartılıp otırğan osı üş agenttikten jergilikti özin özi basqarudı damıtu jäne jergilikti jerlerge ökilettikter beru üşin arnayı ministrlik qwrılıp otır», - delindi, biraq äli künge sol jergilikti jerlerge qanday ökilettik beriledi, ol alañsız özin özi bileu üşin municipaldıq menşik bola ma?..t.t. saual köp, jauap joq. Onı şaması, halıq tügil bwl jobanı äzirleuşilerdiñ özi de tolıq bilmeydi.

Sonımen, bwrınğı Qazaqstan Respublikası Ekonomikalıq damu jäne sauda ministrligine qarastı Öñirlik damu komitetiniñ ne istegenin bilmesek te, onıñ ministrlikke aynalğanın bildik. Aytpaqşı, odan basqa Öñirlik sayasat mäseleleri jöninde vedomstvoaralıq komissiya da bolğan edi. Onıñ da ne tındırğanı beymälim... Endi ne bolar eken, äyteuir, niet tüzu - sayasat öñirge bet bwrdı...

Abai.kz

0 pikir