Düysenbi, 21 Qazan 2019
Jañalıqtar 2228 0 pikir 30 Qaraşa, 2012 sağat 09:01

«ŞÄKÄRİM» – RESEY AUDITORIYASINDA

 

 

Tayauda Wlttıq akademiyalıq kitaphanada Prezidentimiz Nwrswltan Nazarbaevtıñ bastamasımen wlı ğalımnıñ atı berilgen Euraziya wlttıq universitetiniñ wyımdastıruımen şıqqan seriyalı kitaptardıñ twsaukeser räsimi ötti. Olardıñ deni belgili ğalım, tarihşı-etnolog, tarih jäne geografiya ğılımdarınıñ doktorı, aqın, audarmaşı Lev Gumilevtiñ tuğanına 100 jıl toluına oraylastırılğan «Gumilev älemi» aydarımen jarıq körgen kitaptar. Äytse de, olardan bölek Ol - Reseydiñ dünie jüzine belgili «Molodaya gvardiya» baspasınıñ «JZL» (körnekti adamdar ömiri) seriyasımen jarıq körgen ğalım, tarih ğılımdarınıñ doktorı, QR WĞA korrespondent-müşesi Erlan Sıdıqovtıñ «Şäkärim» attı tanımdıq-ğwmırbayandıq kitabı.
Şınında da, 5000 dana taralımmen jarıq körgen bwl kitap - Qazaqstan mädenieti men şäkärimtanudağı asa iri oqiğa. 1890 jılı negizi qalanğan bwl seriyamen är jıldarı ädebieti men mädenietine, qazaq ğılımına qatıstı S.Seyfullin, Q.Sätbaev, M.Äuezov t.b. sanaulı ğana twlğalar turalı kitaptar şıqqan edi. L.N.Tolstoy sındı älemdik twlğamen tığız baylanısta bolıp, Abay men qazaq halqınıñ atın asqaqtatqan Şäkärim Qwdayberdiwlı jaylı kitaptıñ auditoriyası men sansız wltı bar Resey Federaciyasınıñ milliondağan oqırmandarına jetui - täuelsiz Qazaqstannıñ ädebieti men mädenietiniñ damuındağı iri oqiğa ekeni dausız. 
Twsaukeser räsimdi Euraziya wlttıq universitetiniñ rektorı Erlan Bättaşwlı aşıp, atalmış şaranı alaştanuşı ğalım Dihan Qamzabekwlı jürgizip otırdı. Ruhani şarağa Käkimbek Salıqov, Mırzatay Joldasbekov, Äkim Tarazi, Änes Saray, Qoyşığara Salğara, Älibek Asqarov, İliya Jaqanov, Äbdijälel Bäkir, Bolat Kömekov, Bürkitbay Ayağan sındı qalamgerler men memleket jäne qoğam qayratkerleri qatısıp, oy-pikirlerin bildirdi.
- Qazirgi kezde joğarı oqu orındarı seriyalı kitaptar şığara bastadı, bwğan quanu kerek, sapasına qarasañ ministrlik şığarıp jatqan kitaptardan eşqanday kemdigi joq, - deydi twsaukeser räsiminde söz alğan jazuşı Aldan Smayıl. - Äytse de joğarı oqu orındarınan şığıp jatqan kitaptarğa memleket tarapınan qoldau qajet jäne «ol kitaptar qanşa danamen şıqtı jäne kimderdiñ qolına tiip jatır?» degen mäseleni de oylau kerek. 
- Men Lev Gumilevtiñ közin körgen adammın, - dedi Mırzatay Joldasbekov. - Ol kezde Qazaqstan Ortalıq partiya komitetinde ideologiya bölimin basqaramın. İs saparmen Sankt-Peterburg qalasına barıp qaldıq, sonda jergilikti bilik ökilderine Lev Nikolaeviçpen kezdeskimiz keletinin jekizgen edik, nege ekenin qaydam, ondağılar bizdi kezdestiruge onşa qwlqı bolmadı. Sosın Leningrad qalalıq atqaru komitetine şığıp jürip, äyteuir retin taptıq. Törtpaq, entigip jüretin kisi eken. Bizdi körip: «Meni izdeytin de adamdar bar eken-au» dep jılap jiberdi.Äkesi turalı da, anası turalı da aqtarıla ayttı. Anası ataqtı aqın Anna Ahmatova qaytıs bolğannan keyin kitaphanasın tonap ketipti, sonı estigende jüregim auırdı. Osınday birtuar ğalım turalı seriyalı kitaptıñ işinde şıqqan, däl bügin twsauı kesilip otırğan eñbektiñ bolaşaq wrpaqqa bereri köp jäne mwnday qwndı düniege arnalğan şaranıñ Wlttıq kitaphanada ötui de oqırman oljası dep bilemin.
Şara barısında Euraziya wlttıq universitetiniñ rektorı Erlan Sıdıqov jinalğan köpşilik pen Wlttıq kitaphana direktorı Älibek Asqarovqa öz atınan jäne oqu ornı atınan alğıs aytıp, «Şäkärim» kitabınıñ birazın sıyğa tarttı.

Bazarbek TÜKİBAY

«Türkistan» gazeti

 

0 pikir