Jwma, 13 Jeltoqsan 2019
Jañalıqtar 1344 0 pikir 6 Qırküyek, 2012 sağat 05:57

Hattar: Biz jäne üy tapsırması nemese Ana qwrsağınan Allağa deyin...

Ömirjan Äbdihalıq:
Öte oñay äri azaptı jol. Bwl joldıñ men biletin birneşe atauı bar. Ömir, jalğan, ğwmır. Mwnıñ bäri adamdardıñ qoyğan atı. Şın mäninde qalay atalatını bir Allağa ayan. Osı Ömir men sanalı jan iesi turalı oylay bastasam, meniñ köz aldıma bir äyeldiñ beynesi keledi. Ol meniñ qızmettesim. Sol äyel künde tañerteñ jwmısqa kelgen boyda aynağa qarap, äyelge tän qasietpen taranadı, boyanadı. Öziniñ swlu ekenine(ärine öz wğımında) köz jetkizedi. Sonda ol äyel üyinde özine qarauğa uaqıt tappaydı. Adam däl osı äyelge wqsaydı. Bastı düniege qol timeydi. Aqtalu. 

Ömirjan Äbdihalıq:
Öte oñay äri azaptı jol. Bwl joldıñ men biletin birneşe atauı bar. Ömir, jalğan, ğwmır. Mwnıñ bäri adamdardıñ qoyğan atı. Şın mäninde qalay atalatını bir Allağa ayan. Osı Ömir men sanalı jan iesi turalı oylay bastasam, meniñ köz aldıma bir äyeldiñ beynesi keledi. Ol meniñ qızmettesim. Sol äyel künde tañerteñ jwmısqa kelgen boyda aynağa qarap, äyelge tän qasietpen taranadı, boyanadı. Öziniñ swlu ekenine(ärine öz wğımında) köz jetkizedi. Sonda ol äyel üyinde özine qarauğa uaqıt tappaydı. Adam däl osı äyelge wqsaydı. Bastı düniege qol timeydi. Aqtalu. 
Men qarapayım pendeler siyaqtı oylaymın. Qarapayım pende ne oylaydı eken deysiz ğoy. Barlıq jaratılıs turalı. Bwl erikkendik emese. Jay ğana qızığuşımız. Men oylaymın adam o bastan jerlik emes. Jerdi öz üyindey sezine almaydı. Adam wğımındağı jaqsılıqtıñ barlığına kenelip twrsa da adam janı bir närseni qajet etip twradı. Ol qajettilik jannıñ öz tuğan jerine, yağni mäñgilikke degen sağınışı. Al sol jandı jaylı mekeninen ayırğan ne deysiz ğoy? Bar bolğanı bir äyeldiñ qateligi. Adam wrpağınıñ jer azabın tartuına alıp keldi. Sonda adamnıñ öz qabırğası özine qastandıq jasadı. Bwl qastandıqqa Wlı jaratuşı zor qamqorlıq jasadı. Öziniñ süyikti tuındısı Adam üşin jerdi jäne adamğa qajettiniñ barlığın jasadı. Adamğa ne qajet ekendigin onıñ Wlı Iesinen artıq eşkim bilmeydi. Atımnıñ sırı özime mälim degendey. 
Barlığına keñdik körsetken Wlı Jaratuşı adamğa öte jeñil jäne özine jaqındatatın tapsırmalar jiıntığın berdi. Adam jerdegi ğwmırın tapsırma orındaudan emes, Saytanğa qızmet körsetuden bastadı. Biz örkeniet dep özimsingen dünie otpen bastau aldı. Odan keyingisi ölgenderge, bügingisi bizge mälim. 
Sonda Ömir - üy tapsırmalar jiıntığı da, adam oquşı. Qalğanı oquşınıñ sana mümkindigi men jaratuşınıñ ıqpaldı küşi. 
Adam özin qinağan jäne jauabın taba almaytın dünieniñ barlığın Allah pen Ömirge itermeleydi. Jäne özi oylap tapqan düniege ölerdey senedi. 
Adam kürdeli bolmıs iesi dep jatamız. Şındığında adamğa degen közqaras kürdeli. Biz onıñ kürdeli ekenine senemiz. Sosın solay körinedi. Äytpese barlığı anıq. Tüsinikti. Qarapayım. Bälkim mwnıñ bäri ezuiñizge külki üyiretin şığar.

27.11. 06.

Maqsat Mälikov:
Siz ezuge üyriletin külki jayında aytasıñ, al men şınımdı jetkizsem, jılağım kelip otır. Ökiniştisi, ne üşin ekendigin özim de bilmeymin. Bälkim, Jaratuşıdan Jaraluşığa deyingi aralıqtıñ swrıqsız kelbetin sanamızğa sonşalıqtı siñirgennen şığar... oyımnıñ bir wşı osığan kelip tireledi. Degenmen, kim bilipti, öziñ aytqanday: «adamğa degen közqaras kürdeli» bolıp twrğan da; qabırğañ satqındıq jasağanda; Ana qwrsağınan Allağa deyingi tirligiñ saytanğa qızmet körsetuden äri aspağanda, qalay oylaysıñ, bir närseni kesip- pişu qiın ğoy. Jäne biz tüptep kelgende öziñ üşin emes, tek közqaras üşin ömir süremiz. Jaqsı kiim kiip, ädemi söyleuimiz, jılı şıraymen jasağan qarım- qatınasımız, qızmetimiz, jiıp- tergen ataq- dañqımız, bäri- bäri «toğışar közqaras» üşin ğana. Sondıqtan biz közqarastan ölerdey qorqamız. Biraq közqarastıñ eşqaşan da naqtılıqtı, aqiqattı bildirmeytindigin wğınğımız kelmeydi. Közqaras bizdi körden qwtqarıp qala almaydı, alayda, közqaras salğan tañbamen ana jaqqa attanamız. Biz ana qwrsağınan mına jalğanğa tänimiz ben sanamız tır jalañaş qalpımen kelgenmen, tänimizge kebin kiip ketemiz. Nege? Ne üşin qajet? Bälkim boyımızdağı bar bılıqtı jasırğımız keletin şığar, tüsiniksiz. Mine, közqarastıñ qwdirettiligi osı. Al osığan jauap berip körelik, közqaras nesimen qwdiretti. Öziñ tilge tiek etkendey, biz qarapayım pendemiz. Biraq, seniñ qateligiñ qarapayım pende barlıq jaratılıs turalı eşteñe de oylamaydı. Bas qatarıp jatudıñ özin artıq sanaydı. Pendeler oyınnıñ barar jeri qarın ğana, äri ketse kelesi ömir jayında azdap oylağan boladı. Onda da öz janınıñ qajettiligi men sanasınıñ erkindigi twrğısınan emes, ölimnen qorıqqanı üşin. Basqasınıñ barlığı közqarastıñ şırmauına tüsken. Al äyteuir soğan senuge tiissiñ degen sanamızda sañılau bar wl Jaratuşı, bizge qamqorlıq jasağan emes. Eñ bolmağanda onıñ boyında özi oynaytın quırşağına degen säbi köñildiñ aq nieti tabılsa ğoy şirkin. Joq, tabılmaydı. Jaratuşı iem pendelerin atam zamanda jek körip ketken, yağni, qabırğañ qastandıq jasağan sätten bastap. Jazamız sol kezde kesilgen, jerge quılu arqılı. Sondıqtan da, belgili bir jazuşınıñ belgili şığarmasındağı keypikerdiñ «Bir tozaqtan alıp, bir tozaqqa salğanda ne tüsedi» degenniñ keri keledi. Ädiletsizdiktiñ özi Jaratuşı men Jaraluşı degen sözden şığadı. Bireui ekinşisine bağınıştı. Oylap körşi, basımız Allanıñ dobı, tänimiz ben janımız közqarastıñ jeteginde, sonda biz kimbiz. Qorqınıştısı bizdiñ boyımızdağı biologiyalıq instinktiñ özi joyılıp baradı. Biz naşar oquşınıñ däpterimiz. Degenmen sodan janımızdı araşalap aluğa degen közsiz jankeştigilimiz, pendelik qırımızdıñ tağı bir parağın aşıp beredi ğoy. Senisiñ be, sen alğa tartqan üy tapsırması meni bayağıda aq jalıqtırğan. Ätteñ, osınıñ bärin Ana qwrsağında jatıp aq tüysingende ğoy...

12.12.06. sağat 14:26. 

Ömirjan Äbdihalıq:
Asa qwrmetti saparlasım! Özim sayranjayğa balaytın sizge wnamağan sekildi. Äueli keşirim, Zaudağalam öz oymızğa özimiz qarsı şığıp jatsaq keşirsin. 
Eger Wlı jaratuşı sizdi wmıt qaldırğan bolsa siz qolına pışaq wstağan säbidik küyin keşer ediñiz. Moyındañızşı, bir äyeldiñ jasağan qateligi tipti de jaman emes qoy. Bir qarağanda. Ärine, Ana qwrsağınan Allağa deyingi aralıqtı kesip- pişude oñay emes. Bwl joldı jürip ötude jeñil timeydi. 
Siz aytıp otırğan közqaras adamnıñ äri dosı äri qası. Közqaras seniñ «meniñdi» däleldese, sol közqaras öziñ turalı öziñdi joğaltadı. 
Közqaras - adamğa ğana tän. Qwdayda közqaras joq. Qwday bwyıruşı häm jaratuşı. Siz jılağıñız kelse Qwday siz üşin qattı qapalı. Qwday sizdi emes, sizdiñ asqazanmen ğana ölşenetin, mumiya jağıp saqtauğa tırısatın sasıq deneñizdi küyretip jürgen özi jartqan jandı ruhtı ayaydı. 
Jalpı ömir süru degenimiz belgi qoyılğan jerden joldı kesip ötu emes. Qwran ömirde bağdarşamdıq rol atqaruşı. Al siz bar bolğanı mäşinasız. Barar jeriñiz belgili, biraq qay köşemen baratınıñız belgisiz. Bağdarşamdar aldında tañerteñ keşke bastalatın kölikterdiñ ... adamdardıñ jastıq ölşemi. Sol mäşinanıñ işindegi köñil- küyiñiz ömir süruiñiz. Adamnıñ bar probleması onıñ sanası. Bwl sana jüyelenbegen. Adam is- äreketiniñ är türli sipatta boluı jalpı adamğa tän barlıq dünie, närse sol jüyesizdikten. Sana tolıq jüyelenui mümkin emes. Adam bolu degeniñizdiñ özi osı sananıñ belgili bir bölşegin jüyeleu. 
Ömir sınağına jiberiletin siz emes, jan. Siz bar bolğanı jandı jasırıp twrğan twtas denesiz. Adamnıñ jasağan barlıq töñkerisi şın mäninde öte ayanıştı, külkili närse. 

Maqsat Mälikov:
Sizden tağı da üş bu sälemin arqalağan jauap hat kelipti. Kördim, oqıdım, sanamnıñ jetken jerine deyin saralap körgen boldım. Biraq men bir närsege qattı tañ qalamın, nege osı bizdiñ aytqandarımızdıñ aqırı Allağa kelip tirele beredi. Bälkim Jaratuşı öziniñ sätsiz tuındısın(adamdarğa qatıstısın aytamındağı) janına öte jaqın sanağanmen, özinen sonşalıqtı alıs ta wstaytındığın tüsinbeytindigimizden nemese tüsingimiz kelmeytindiginen şığar. Sen tağı da bir äyeldiñ qateligin alğa tartasıñ jäne Wlı jaratuşınıñ qaperinen tıs qaludı sonımen salıstırıp, öziñniñ tüsinigiñdegi oy qortındısın sırtqa şığarğıñ keledi. Dwrıs ta şığar pikiriñ, degenmen bir äyeldiñ qateligin keşirmegen Jaratuşı, sol äyeldiñ aytqanına köngen pendesi men Ana qwrsağınan özine deyingi aralıqta közqarastıñ bodanı bolğan häm künäğa belşesinen batqan jwmır bastınıñ äreketin keşire qoyadı dep oylaysıñ ba? Joq, logikalıq twrğıdan da mümkin emes. YAğni, eşqaşan keşirmeydi. Qazirgi adamzat sol keşirimsiz künäniñ ayqın ayğağı ğana. Sonda deymin au, bağdarşamnıñ aldında tañerteñnen keşke deyin twratın sättiñ sipatın keltiretin ömiriñ, tırbanğan tirligiñ, tipten Jaratqanğa jazıqsız keyipke enip jalbarınuıñ, bäri- bäri beker emes pe. Birde gazet betinen Amangeldi(Keñşilikwlı) ağamnıñ «Qazaqtı Qwday da süymeydi» degen sözderin oqığanım bar. Sonda men jerine jetkizip aytu kerek dep oylağan edim. YAğni, Qwday adam balasın süymeydi. Bilesiñ be, adam balası äli künge deyin öz sanasınıñ qalauımen äreket jasap körgen joq. Seniñ tüysigiñdegi «közqaras» «meniñdi» däldemeydi, kerisinşe qwrtuğa dayar twradı. 
Sirä bizdiñ bwl aytqandarımız «qarañğı jerde joq qara mısıqtı izdegenniñ» kerin keltirmesin desek, aqırındap jerge tüssek deymin. Bäri- bäri pendelik tüysigimizdiñ qalıbınan şığıp jatqannan keyin, sol dwrıs dep oylaymın. Äñgime barısı Ana qwrsağınan Allağa deyingi arlıqta bastalğan edi ğoy, yağni «A» qalasınan «B» qalasına deyingi aralıq. Biz osı, eşqanday traektoriya men jolsız aq, «A» qalasınan «B» qalasınan top etip tüse qalğandaymız. Osını säl oylanayıq... Qoğamıñda ne jañalıq? 
(Jalğası bar)

«Abay-aqparat»

0 pikir