Jwma, 18 Qazan 2019
Jañalıqtar 2234 0 pikir 31 Tamız, 2012 sağat 11:16

Qazaq qalamgerleriniñ azamattıq belsendiligi nege qwldırap ketti?

 

JAZUŞILARDIÑ KEZEKTI QWRILTAYINA ORAY

Meniñ öz basımdı däl qazir qazaq aqın-jazuşılarınıñ äriden emes beriden oylap, kürdeli mäselelerge tereñ boylamay, betinen qalqıp, üstirtin qaraytını qattı qınjıltadı...

Jazuşılar odağınıñ ötken plenumında N.Orazalinniñ jasağan bayandamasın, jazuşılardıñ söylegen sözderin mwqiyat oqıp şıqtım. Törağanıñ bayandaması "Keñistik, qoğam, qalamger" degen atına say emes. Jalpılama jaylardı aytuğa qwrılğan. Eş naqtılıq joq. Öz mä­se­lemizdi şeşe almay jatıp, älem­dik mäselelerdi söz etip, qwrğaq ritorikalıq swraqtar tastap, jelpin­te jeldirtu kimge kerek?

Aqın-jazuşılardıñ köpşiligi şığarmaların demeuşiler tauıp nemese öz qarjısımen şığarıp jatır. Olar kitaptarın şığarıp, sodan keyin onı ötkizudiñ jolın tappay pwşayman bolıp jüredi. Kitap dükenderi üsteme bağanı köp qosıp qımbattatıp jiberedi, söytip kitaptıñ ötuin qiındatadı. Biraz qalalarda, auıldarda kitap düken­deri müldem joq. Kitap saudası wyımdastırılmay qalamaqı mäse­le­si şeşilmeydi. Onı şeşudiñ joldarı joq emes, bar. Biraq kitap sau­dasın, yağni sol mäseleni köterip otırğan bizde Jazuşılar odağı bar ma? Joq qoy, joq.

Endi plenumda söylegen sözderge kelsek, bwrınğı äñgimeler. Atap aytqanda, kün tärtibinen san jıldar boyı tüspey kele jatqan törağa mäselesi men qalamaqı jayı.

 

JAZUŞILARDIÑ KEZEKTI QWRILTAYINA ORAY

Meniñ öz basımdı däl qazir qazaq aqın-jazuşılarınıñ äriden emes beriden oylap, kürdeli mäselelerge tereñ boylamay, betinen qalqıp, üstirtin qaraytını qattı qınjıltadı...

Jazuşılar odağınıñ ötken plenumında N.Orazalinniñ jasağan bayandamasın, jazuşılardıñ söylegen sözderin mwqiyat oqıp şıqtım. Törağanıñ bayandaması "Keñistik, qoğam, qalamger" degen atına say emes. Jalpılama jaylardı aytuğa qwrılğan. Eş naqtılıq joq. Öz mä­se­lemizdi şeşe almay jatıp, älem­dik mäselelerdi söz etip, qwrğaq ritorikalıq swraqtar tastap, jelpin­te jeldirtu kimge kerek?

Aqın-jazuşılardıñ köpşiligi şığarmaların demeuşiler tauıp nemese öz qarjısımen şığarıp jatır. Olar kitaptarın şığarıp, sodan keyin onı ötkizudiñ jolın tappay pwşayman bolıp jüredi. Kitap dükenderi üsteme bağanı köp qosıp qımbattatıp jiberedi, söytip kitaptıñ ötuin qiındatadı. Biraz qalalarda, auıldarda kitap düken­deri müldem joq. Kitap saudası wyımdastırılmay qalamaqı mäse­le­si şeşilmeydi. Onı şeşudiñ joldarı joq emes, bar. Biraq kitap sau­dasın, yağni sol mäseleni köterip otırğan bizde Jazuşılar odağı bar ma? Joq qoy, joq.

Endi plenumda söylegen sözderge kelsek, bwrınğı äñgimeler. Atap aytqanda, kün tärtibinen san jıldar boyı tüspey kele jatqan törağa mäselesi men qalamaqı jayı.

Aqwştap Baqtıgereeva: "Bizdiñ Jazuşılar odağın kim basqaruı bastı mäsele emes," - depti. Ou, atıñnan aynalayın, Aqwştap, nege oğan baylanıstı emes? Äbden baylanıstı. Meyli wyım, meyli mekeme, meyli memleket bolsın, jwmıstıñ jaqsı boluı eñ aldımen birinşi basşığa baylanıstı. Bwl - aksioma. Swltanäli Balğabaev ta "Kim törağa boladı dep bas qatırğanşa..." - dep qalamdastarın bwl mäseleden aulaqtatuğa tırısadı. Jarıssözde eñ dwrıs söz, aşı şındıqtı aytqan - Qalihan Isqaq. Ol "Qazir sanımız ösip kele jatqanımen, sanamız artta qalıp qoy­dı... Ädebiet sauatsızdanıp ketti. Ädebiet emes-au, ädebiet­şiligimiz sauatsızdanıp ketti", - dep töbe­miz­den jaqsılap bir tüydi. Qarsı dau ayta almaysız. Tap solay!

Ädebiettiñ sauatsızdığınıñ sebebin Qalihan osı sözinde özi aytıp twr. Onıñ sebebi - ädebietşi­lerimizdiñ sanası tömendep artta qalıp qoyuında. Nege olay? Aqındar men jazuşılar - wlttıñ betke şığar qaymağı, aq betiniñ arı men wyatı, köş bastar kösemderi, halıqtıñ sözin söylep, mwñın mwñdap, joğın joqtaytın küresker qayrat­ker­leri emes pe?! Bwğan kimniñ dauı bar? Dauı boluğa tiisti emes. Al solardıñ sanası tömendep artta qalsa, ädebiet qaydan oñadı, qoğam qaydan oñadı, adamdar qaydan oñadı? Oñbay jatır bäri. Oñbay jatqanına mıñdağan mısaldar keltiruge boladı. Jaqında molalardıñ tünde kirpişterin bwzıp alıp, satıp jürgenderdiñ wstalğanı jaylı, Qızılorda qalasında bwza­qı jastardıñ sayabaqtı talqandap, elektr bağandarı men şamdardı sındırğanı, orındıqtar men gül­sal­ğıştardı qiratqanı,söytip qala ekonomikasına milliondağan teñge ziyan şektirgeni turalı maqalanı da oqıdıq. Olar üşin qasietti eşteñe qalmağanday. KTK telearnasın körip otırsañız, körsetilim­derden jan türşigedi. Jastar qılmısı, mektep jasındağı jasöspi­rim­der qılmısı ösip-örşip boy bermey baradı. Nege? Sebebi - tär­bie joq. Äl Farabidiñ: "Tärbiesiz berilgen bilim adamzattı apatqa wşıratadı" degen kemeñgerlik sözi tilde bar da, qoldanısta joq. Sol tärbieni kim beredi? Bärin mektepke, mwğalim­derge jaba beruimiz jön be? Tärbie päni joq, tärbie oqu­lığı joq, tärbie sabağı joq.

Jaqında "Wlt Times" gazetinde "Oqulıq oñbay bilim oñbaydı" dep mäsele köterdik. Oqulıqtar jazuğa jazuşılar men Jazuşılar odağı nege at salıspaydı? Qazaq ädebie­tiniñ tarihına qarasañız, jazuşılar qay kezde de oqulıq jazuğa belsene aralasıptı: Ahmet Baytwrsınovtıñ kezinde de, Änuar Älim­janovtıñ twsında da. Jazuşılar Odağı jalpı qazir eşteñege aralaspaydı. Otanında ne bolıp jatqanımen müldem jwmıstarı joq. Otanında otırıp osı otan azamattığın ala almay äri- säri bop jürgen adamdar tärizdi. Sanaları, Qalihan aşıp aytqanday, artta qalıp qoysa, qalay aralassın. Sol artta qalıp otırğan sananı alğa şığarudı kim oylauı kerek? Jazuşılar odağınıñ törağası men ol basqarıp otırğan odaq basqarması oylauı kerek. Al olar sol mindetin atqarıp otır ma? Ärine, joq. Endi osı mäselege keleyik.

Birinşiden, «ädebietti ösiretin ne, öşiretin ne?» degen swraqqa jauap beru kerek. Ädebietti ösiretin - ädebiet sını, al öşiretin de - sol sınnıñ joqtığı. Bwl da qarsı dau aytqızbaytın aksioma. Olay bolsa, ädebiet sının öriste­tu üşin Qazaqstan Jazuşılar odağınıñ törağası men basqarması ne istep otır? Qanday maqsattı şaralar qoldanıp, jüzege asırıp otır? Bwl swraqtarğa da jauap joq. Ötken ğasırdıñ 60-70 jıldarı sın ötkir boldı. Aqın-jazuşılardıñ atağına da, mansabına da qaramaytınbız. Partiya da ädebiet sının öris­tetu turalı qaulılar şığarıp, sındı qoldap otıratın. Sınşılar sonı süyeu twtıp,batıl jazatınbız.

Men patriottığım wstap Almatıdan elge, tuğan Torğayıma köşip ketuime baylanıstı sınnan biraz jıldar şettep qaldım. Qazir astanalıq bolıp, ädebi ortamdı qayta tauıp, ädebiet sınına batıl aralasa bastadım. Obalı neşik, "Qazaq ädebieti" gazeti aldıñğı jılı işinde aşı sını joq sın maqalalarımdı jariyalap twrdı. Artınan aqındar men jazuşılardıñ naqtı şığarmalarındağı kemşilikterdi ötkir sın sadağına ala bastap edim, olardıñ birde-birin jariyalamay tas­tadı. Mınaday qızıq boldı. "Äñgime turalı äñgime" attı ötkir sıni maqala jazıp "Qazaq ädebie­tine" wsındım. Onda birneşe belgili jazuşılardıñ äñgimelerindegi nanımsızdıq, köpsözdilik, jadağaylıq, qisınsızdıq sekildi kemşilik­te­rin batıra-batıra sınap körsetken bolatınmın.

Gazet redaktorı maqalanı ja­riya­lay almaytının, özinen de joğarıdağılar bar ekenin, biligi jet­pey­ti­nin aytıp aqtaldı. Söytip sol maqala 2010 jılı 30 säuir küni Qoğabay Särsekeev basqarıp otırğan "Qa­zaq" gazetiniñ twtas bir betine jarıq kördi.

"Öleñge jañalıq engizemiz, jaña tür tabamız" dep, onı oyınşıqqa aynaldırıp, tüsiniksiz, mağınası bwldır jırlar jazıp jürgen aqındardı sınağan "Körkem söz ben köbik söz üylespeydi" attı maqalamdı da "Qazaq ädebieti" baspay "Qazaq" gazeti sol jıldıñ 30 şilde­degi sanında bir betke kösiltip jariyaladı. Sol üşin Qoğabaydı eşkim qudalap, jer audarıp jibergen joq. Jazuşılar odağınıñ da bir tal şaş-qılşığı qisaymaytın edi. Al endi solardıñ sol sın maqalalardı jariyalamay qoyğandarı sınalğan avtorlarğa dostıq pa, älde qastıq pa? Ärine, dostıq emes, qastıq. Kemşilikterin ädil sınap, tüzetuge arnalğan sın - avtorlarğa da, ädebietke de dostıq, janaşırlıq. Al onı jariyalamau - «meyli, kemşilik­ter kete bersin» dep, ädebietke de, aqın-jazuşılarğa da ziyan keltiru degen söz. Olay bolsa, logikağa salsaq, qazirgi Jazuşılar odağınıñ basqarması sındı öristetpey, ötkir sınnıñ ayağına twsau salu arqılı ädebiet­tiñ örkendeuine kedergi keltirip otır degen qorıtındı şığadı.

Men birneşe basılımnan birne­şe ret "Qazaq ädebieti" gazetinde ädebietten basqanıñ bäri bar, "Sın" jurnalında sınnan özgeniñ bäri bar» degen mısqıl sözderdi oqığanım bar. Mısqıldıñ arğı jağında şındıq jatır. Ädebiet pen ädebietşiligimizdiñ sauatsızdanıp ketuiniñ bastı sebebi, mine, osı. Bas­qa sebebi bolsa, basqalar aytsın. "Sın tüzelmey min tüzelmeydi". Biraq, sol qağidamen odaq basşıları sanalı türde sanaspay otırsa, sanasatın jaña basşılıq kerek emes pe?!

Endi Qalihan Isqaqtıñ «sanımız össe de, sanamız artta qalıp qoydı» degen sözin tiriltip körelik. Sanamızdıñ tömendep ketuiniñ de sebebin tabuımız kerek qoy. Sana özinen özi sebepsiz artta qalmaydı. Joğarıdağı pikirdi Qalihannan bwrın bwrnağı bir jılı "Habar" telearnasınıñ "Betpe-bet" bağdarlamasında Rollan Seysenbaev ayt­qan. Ol intellektualdı jazuşılar sanı sausaqpen sanarlıqtay ğana dep bes-altı jazuşınıñ ğana atın atağan bolatın. Rollan men Qalihan aytqan sol sana tömendiginen jäne intellektualdı, qazaqşa aytqanda, biik te joğarı sanalı basşılıqtıñ bolmay otırğanınan barşa jazuşılardıñ azamattıq belsendiligi qwldırap ketti. Qazaqstan Jazuşılar odağın kimderdiñ basqaruı kerek ekenin osı mısaldan-aq añğa­ruğa boladı.

Aqındar men jazuşılardıñ azamattıq belsendiligi Odaq basşılarına da, bilikke de keregi bolmay otır. Sol sebepti de aldıñğı jılı Qazaqstan Jazuşılar odağı törağasınıñ orınbasarı Berik Şahanov: "Biz sayasatpen aynalıspaymız, jazuşılıqpen ğana aynalısamız" dep mälimdedi. Bwl - törağa orınbasarınıñ jeke pikiri ğana emes, Odaq basşılarınıñ or­taq pikiri, wstanıp otırğan ortaq poziciyası. Jazuşılarımızdıñ qoğamdıq, äleumettik, wlttıq kökeykesti mäselelerde salğırttıq, nemqwraydılıq tanıtıp, bwğıp jüretinderi, ün kötermeytinderi - sonıñ tikeley saldarı. Osı jöninde publicist, jazuşı Talğat Aytbaywlı "Jas Alaş" gazetiniñ 5 şilde küngi sanında jariyalanğan "Halıq aldında däl qazir qazaq qalamgerleriniñ jüzi tömenşik bolıp twr" degen bir bettik kölemdi maqalasında jete­siz­diñ de jetesine jetetindey etip, jan-jaqtı kelisti­rip jazdı. Är jazuşı özin aynadan körgendey körgisi kelse, öziniñ azamattıq bet-beynesiniñ qanday därejede ekenin bilgisi kelse, sol maqalanı qalay da tauıp alıp oqıp şığuları kerek.

Talğat Aytbaywlınıñ sol ga­zettiñ 7-tamızdağı sanında "Bodandıqqa tüstiñ be, qayran elim?!" Osılay zar tökken qoğam qayrat­keri Sabır Qasımovtıñ jan ayqayına kim qwlaq türedi?" - degen tağı da bir kölemdi maqalası jarıq kördi. El qoldan-qolğa tigizbey oqıp, qattı alañ boluda. Meniñ küdigimşe, jazuşılarımız basılımdarda jariyalanıp jatatın osınday-osınday asa mändi, wlttıq müddelerdi jan-jaqtı köterip, ün qosuğa şaqıratın kökeykesti problemalıq maqalalardı oqımaydı. Eger oqığan bolsa, qalay selt etip serpilmeydi?

Däl qazir Jazuşılar odağı basqarması jazuşılarmen qosa elden bölek avtonomiya alıp, qoğamnan tıs ömir sürip jatır desek , asıra aytqandıq emes. Elimizde ne bolıp jatır? Tilimiz ne küyde? Dinimiz ben dilimiz şe? Saudağa tüsip jatqan jerimiz, şıjığın biz körip, qızığın şet memleketter körip jat­qan ken-qazına baylıqtarımız, jetimderimiz ben jesirlerimiz, añırağan auıl, üysiz-küysiz, jwmıssız qayırşılıq küy keşip jürgen kedeyler, toqtap qalğan qazaq köşi... Mine mwnıñ bärine olardıñ bastarı auırmaydı, tün wyqıları törtke bölinbeydi, jürekteri tebirenbeydi.

Ou, qalamdastar, Sizderge ne bolğan? Özderiñiz oylañızdarşı, endi osınday Jazuşılar odağı basqarması men törağasınıñ nemenege keregi bar? Qañırayğan Odaq ğimaratın küzetip otıru üşin be? Küzet emes, joğarıda sanamalap, jipke tizip aytqanımızday, jandı jwmıs kerek qoy. Al plenumda söz söylegen jazuşılardıñ köpşiligi ğimarattı jaqsı saqtap, küzetip otırğanı üşin «meyli, istey bersin, mäñgi törağa bola bersin» depti. Qwday saqtasın,endi osınşa toğışarlanuğa bola ma? (Qalihanşa qattı ketip, osınşa sanasızdanuğa bola ma deuge auzım barmay otır). Qanşa degenmen qalamdastar ğoy, tübi bir sergip-serpiler. Qalihannıñ sol plenumda Nwrlan Orazalinge "Ornıña layıqtı izbasar izde!" dep nığarlap aytqanı da - azamattıq. Sol sözdi bir adam aytqanına da şükirlik.

Ötken jılı Odaq üş ülken dübirli müşäyra ötkizdi. Aldımen "Mwqağali-80" jır müşäyrası ötti. "Qazaq ädebieti" gazetine jüldeli orındardı kimder alğanı habarlandı. Endi olardıñ bäyge alğan öleñderiniñ jariyalanuın asığa küttik. Biraq, jariyalanbadı. Redakciyağa telefon soqtıq, gazette orın bolmay jatır degen sıltau ayttı. Mwqağali Maqataevtıñ 80 jıldıq mereytoyı aqınnıñ tuğan jerinde wlı toy bolıp dübirlep ötkeni belgili. Müşäyrağa jüzdegen aqın qatıstı. Sol jüzden jüyrik şıqqan, bäyge alğan öleñderge "Qazaq ädebieti" gazetinen qalayşa orın berilmeydi?

Däl osı jağday "Şığıs şınarı" men "Qasım Amanjolov-100" jır müşäyralarında da qaytalandı. Jazuşılar Odağı basqarması öz gazeti "Qazaq ädebietinde" jüldeli orın alğan birde-bir aqınnıñ öleñin jariyalamadı, jwrttan jasırdı. Qay konkurstıñ da, qay müşäyranıñ da qalıptasqan zañı, şartı - bäyge alğan şığarmanıñ şırayın şığarıp baspasözde jariyalau. Kim wyımdastırsa, sol jariyalau kerek. Müşäyralarda bäyge alğan öleñder qanday küyde bolğanda da "Qazaq ädebietine" müldem jariyalamay qoyu qay qisınğa siyadı? Bwl - jır müşäyralardıñ arğı-bergi tarihında bolmağan jağday. «Jaqsını körmek üşin", bas bäygeni alğan üzdik öleñniñ qanday ekenin el-jwrt ta körui kerek. Al jiligi tatımaytın öleñge bäyge berilse, jwrt mwnı da bilui kerek.

Jazuşılar odağı basqarmasınıñ bastı jwmısı: qazaq ädebietin örkendetu, sol ädebiettiñ sanın emes, sapasın jaqsartatın ädebiet sınına qasım körsetpey öris­tetu, aqındar men jazuşılardıñ äleumettik, azamattıq belsendiligin köteru, jastar tärbisinde äde­biet­tiñ qolbasılıq rölin arttıru, mektepter men joğarı oqu orındarında ädebiet päniniñ oqıtıluına, sağattarın köbeytuge küş salu, sapasız ädebiet oqulıqtarınıñ ornına jaqsı oqulıqtar jazuğa, qwrastıruğa at salısu, sol jöninde Bilim men ğılım ministrliginiñ aldına mäseleler qoyıp, aqındar men jazuşılardıñ studenttermen kezde­su­­lerin, ädebiet-poeziya keşterin wyımdastıru, sonday şaralar arqılı jastardı kitap oquğa ıntalandıru... Mine sanap otırsaq, qabıldanğanı bar, alda qabıldanatını bar mıñğa juıq aqın-jazuşılardıñ küşimen qanşama qıruar igilikti ister tındıruğa bolar edi.

Osı mindetterdi aldağı qwrıltayda kim orındaymın, orınday alamın dese, soğan intellektualdıq qarımım jetedi dese, sol jazuşını Odaqqa törağa etip saylau kerek deymiz. Ötken plenumda Mırzan Kenjebaydı jazuşılar şulap söyletpey qoyğanı sekildi qwrıltayda mağan da söz timeydi. Sonda söyleytin sözim, aytar wsınıstarım - mine osı. Basşılıq jañarıp, wsınıstarım qoldau tauıp jatsa, joğarıdağı mindetterdi jüzege asıruğa keñesşilik kömek körsetuge äzirmiz. Onıñ köpşiligi - meniñ baspasöz betterinde jii köterip jürgen mäselelerim.

Söz soñında Nwrlan Orazalin inime aytarım: «aldıñdağı Qalihan, Qabdeş, Dulat siyaqtı jetpisten asqan ağalarıñnıñ aqılın tıñdap, oqiğanı bwdan äri uşıqtırmay, qalamdastarıñdı aşındırmay abıroymen jaña basşılıqqa orın ber, izbasardı aqsaqaldar alqasımen aqıldasıp birge izdes". Bwl wsınıstı bwdan bes jarım jıl bwrın bası Tölegen Qajıbaev bolıp, kökşetaulıq altı jazuşı, işinde men de barmın, "Qazaq äde­bieti" gazetiniñ 2007 jılı 2 aqpan küngi sanında jariyalanğan maqalamızda aytqan bolatınbız. "Odaqtı 11 jıl boyı basqardı, endi qanağat dep jañaşıl topqa jol bersin" degenbiz. Biraq, qwlaq aspadı.

Eger Nwrlan Orazalin bilikten qoldau tauıp ornında tağı qalatın bolsa, Jazuşılar odağında eş abıroy men bedel qalmaydı. Özi de auır sın, auır sözder astında qala beretin boladı.

Eñ jamanı, onday jağdayda jazuşılar iştey birneşe bölikke bölinip ketu qaupi bar. Özderiniñ "Şolpan" jurnalı bar PEN-klubtan basqa "Qazaq" gazeti men "Ayqap" jurnalınıñ aynalasına biraz jazuşılar toptasuı mümkin...

Mine, "Jas Alaş" gazetiniñ 16-tamız küngi sanında "Referendum arqılı biliktiñ halıqpen sanasuın talap etemiz" degen bir top bastamaşılardıñ aqın-jazuşılarğa,ğalımdarğa, jalpı wlt ziyalılarına arnağan ÜNDEUI jariyalandı. Ün­deu­ge qol qoyğandardıñ qatarında osınday şaralarda bwrın da birinşi kezekte köp oylanbay qol qoyıp jürgen jiırma şaqtı ğana aqın-jazuşılar bar. Bwl jolğı Ündeu tikiley bizge, aqın-jazuşılarğa, ğalımdarğa yağni halıq özderin ziyalı sanaytındarğa arnalıp otır. Kimniñ kim ekeni sınğa tüsip, anıqtalğalı twr osı jolı. Jeti jüz jazuşıdan tım bolmasa jüz jazuşı belsenip şığıp qol qoysa, sonıñ özi ülken abıroy bolar edi. Jazuşılar odağınıñ basşıları tağı da "Biz sayasatpen aynalıspaymız" dep mälimdep, jazuşılardı keri tartpaqtap jürmese ne qılsın.

Jwma-Nazar Somjürek,

ädebiet sınşısı

 

«Jas Alaştan»: Däl qazir qoğamımız ben wltımız ülken ruhani dağdarısqa wşırap otır. Sayasi dağdarıs, ekonomikalıq dağdarıs öz aldına, dağdarıs ataulınıñ eñ zardaptısı äri qorqınıştısı - ruhani dağdarıs. Qazirgi qoğamımızda ruhani dağdarıstıñ san aluan belgileri körinis berip jatır. Sonıñ biri - qazaq tiline, qazaq mädenietine, qazaq ruhaniyatına özgeniñ emes, qazaqtıñ öziniñ qarsı şığuı. Büginde "qazaq tiliniñ qajeti joq...", "qazaqtildi qazaqtar memleket qwruşı wlt bola almaydı, nağız memleket qwruşı wlt - orıstildi qazaqtar" dep aşıq aytatın qandas ğalımdarımız köbeydi. Qılmıstıq toptar küşeydi, dini ala­uızdıq örşip twr. Qazir wlt ziyalılarınıñ qolında eşteñe qalğan joq. Bilik te, qarjı da, tizgin de, şılbır da - wltsızdardıñ qolında. Wltımızdıñ ädebi-mädeni ziyalıları qayırşınıñ künin keşip, jetimdik pen jetimsizdiktiñ taz kepeşin kiip jür.

Qazaqtıñ wlttıq ziyalılarınıñ aldında däl bügin äygili Şekspirdiñ: "Bolamız ba, joq älde borday tozamız ba?" degen saualı köldeneñdep twr. Osınday qısılşañ kezeñde qazaq qalamgerleri, qazaqtıñ aqın-jazuşıları ne isteui kerek? Bwrınğıday bwyığılanıp otıra berui kerek pe, joq älde betbwrıs jasauı qajet pe? Aldımızdağı 24 qırküyek küni ötetin jazuşılar qwrıltayınan ne kütesiz? Osı jöninde öz pikiriñizdi aşıq bildiruiñizge äbden boladı.

«Jas Alaş» gazeti

 

 

0 pikir