Särsenbi, 23 Qazan 2019
Jañalıqtar 2533 0 pikir 30 Mausım, 2009 sağat 21:45

Beybit BÖJEN. Qalqamandağı qwrılıstıñ qwnı qalmadı

Aqsu qalasındağı Qalqaman kentinde şeneunikter dene şınıqtıru jäne sauıqtıru keşenin paydalanuğa berip, jergilikti halıqtıñ «taqiyasın aspanğa tik atqızamız» dep söz bergeli qay uaqıt?! Biraq bwl uädeniñ qwmğa siñgen suday, izi de qalmay otır.

Aqsu qalasındağı Qalqaman kentinde şeneunikter dene şınıqtıru jäne sauıqtıru keşenin paydalanuğa berip, jergilikti halıqtıñ «taqiyasın aspanğa tik atqızamız» dep söz bergeli qay uaqıt?! Biraq bwl uädeniñ qwmğa siñgen suday, izi de qalmay otır.
Negizi, bwl twrmısqa auaday qajet keşen ağımdağı jıldıñ 20 qañtarında paydalanuğa berilip, qızığın jergilikti halıq körui qajet edi. Alayda büginde paydalanuğa bermek tügili, ol ğimarattıñ işine adam kiruge qorqadı. Ђytkeni merdigerler jürgizgen qwrılıstıñ sapası tım tömen, tipti qabırğalarında jarıqşaqtar payda bolğan. Jaña qwrılıs materialdarınan saldıq dep esep beretin merdigerlerdiñ sözi auağa wştı. Qazirgi uaqıtta jarıqşaqtardıñ ara-jigi 3-4 santimetrdi qwraydı. YAğni ğimarattı paydalanuğa beru mäselesinen bwrın, ğimarat qwlap qalıp, bireu-mireudi jazım ete me degen qauip alğa şıqqan. Sol sekildi kommunaldıq jüyeleri de köptiñ köñilinen şıqpaq tügili paydalanuğa jaramsız. Mäselen, tirşilik közimen jabdıqtauğa arnalğan qwbırlarınan su saulap twr. Al keşendi jılıtuğa arnalğan qazandıqtardı qoyatın jerdiñ swlbası bar demeseñ, köñiliñe qoş bolatın tük joq. Şeneunikter jıl basında jwrttı jarılqaydı degen sauıqtıru ortalığında äli qajetti jabdıqtardıñ barlığı ornatılmağan. Ayta bersek, şikilikter jeterlik. Biraq soğan qaramastan, ğimarattı şeneunikter halıqtıñ paydalanuına beremiz dep şeşip otırğanı tañğaldırdı. Bwl iske Aqsu qalalıq prokuraturası aralaspasa, işine adam tügili mal jiberuge qorqınıştı ğimarat jamağattıñ igiligine berilip keter me edi, kim bilsin?
Merdigerler qıstıñ bastapqı ayında qoldanuğa beremiz degen uädemen asırap, aqırında belgilengen merzimde «qızu» jwmıstarın ayaqtay almadı. Merdigerler jibergen kemşilikteri üşin eki ese jauap berer delik. Onımen qazir qwzırlı organ mamandarı aynalısuda. Bwl merdigerdiñ öz oyına kelgenin jüzege asırğanınıñ körinisi emey, nemene? Onımen qoymay, orındalmağan jwmıstar üşin aqşa tölenip qoyılğan. Tek qana terezeler üşin 600 mıñ teñge qarastırılıptı. Alayda qomaqtı soma bölingen äynekterdiñ sapası köñilden şıqpaydı.
Ğimarat – elimizdegi salauattı ömir saltın qalıptastıru bağıtı boyınşa salınıp jatqan nısan. YAğni ol – memlekettik tapsırma, Elbasınıñ qolğa alğan strategiyalıq josparlarınıñ biri. Joğarıdağılar jaqsı bolsın dep jürgende, jergilikti «juandar» aqşa tabudıñ amalına köşkendey. Qazirgi uaqıtta Aqsu qalalıq prokuraturası mamandarı qarjı policiyasına tekseru turalı arnayı tapsırma bergen. Qwrılıs saraptaması da bekitildi. Osı saraptama negizinde jasalğan jwmıstarğa şınımen 46 mln teñge jwmsaldı ma, joq pa, sol jağı anıqtalmaq. Eger olay bolıp şıqpasa, onda jauaptılar layıqtı jazasın aluı kerek. Biraq tağı da memlekettiñ aqşasınan şaşau şığarıp, közge wrarlıq kemşiliktermen jwmıs jürgizetin merdigerdiñ mañdayınan sipauğa ğana därmeni jetetinder «aqtalıp» şıqpasa jarar edi.



Beybit BÖJEN Pavlodar qalası
«Ayqın» gazeti 30 mausım 2009 jıl

0 pikir