Senbi, 28 Naurız 2020
Bizdiñ Parlament 4911 42 pikir 26 Naurız, 2020 sağat 15:16

65-ten asqan deputattar «demaladı»

18 naurızda ötken Mäjilistiñ alqa-qotan jiınında törağa Nwrlan Nığmatulin Parlamenttiñ tömengi palatası qaşıqtıqtan jwmıs isteu rejimine köşetini turalı aytqan bolatın.

«Elimizde qalıptasqan tötenşe jağdayğa jäne qalamızda karantin jariyalauğa baylanıstı Mäjilistiñ de jwmıs rejimi özgeretin boladı. Erteñnen bastap, Mäjilis jwmısınıñ basım böligi basqa formatqa köşedi. Bwl ärbir azamattıñ qauipsizdigin saqtau üşin jasalıp jatqan şaralar», - degen Nığmatulin.

Al Mäjilistiñ bügingi otırısın bastarda törağa Nwrlan Zayrollawlı 65 jastan asqan deputattardıñ jiınğa şaqırılmağanın aytıptı.

«Bügingi jalpı otırıstıñ formatı birşama özgerdi. Bizdiñ keybir äriptesimiz bügingi otırısqa qatısqan joq. Biraq, alañdamañızdar, bäri aman, deni sau. Biz jası 65-ten asqan keybir äriptesimizge düniejüzilik densaulıq saqtau wyımı wsınımdarına säykes jalpı otırıstarğa qatıspay, üyde otıruğa keñes berdik», - depti spiker.

Äri qaray: «DDSW-nıñ sanitarlıq normalarına säykes deputattardıñ otıratın ornı da özgerdi. Qwddı biznes klastağıday», - dep äzildepti de.

Törağanıñ sözinşe, tötenşe jağdayğa, qalada jariyalanğan karantinge baylanıstı Mäjilistegi 65-ten asqan deputattar «kezeksiz demalısqa» şıqqan eken.

Al Mäjiliste üş sayasi partiyadan häm Assambleya deytin äydik wyımnan tañdalıp, iriktelgen 107 deputat bar. Olardıñ qanşası zeynet jasında? 65-ten asqan deputattar kimder? Bile jüriñizder...

65-ten asqan deputattar (tizim)

Vladislav Kosarev

Biıl 83-te. Halıqaralıq ister, qorğanıs jäne qauipsizdik komitetiniñ müşesi. Qazaqstan Kommunistik halıq partiyası Ortalıq komitetiniñ qwrmetti hatşısı. 2012 jıldan beri deputat.

Quanış Swltanov

Biıl 75-te. Halıqaralıq ister, qorğanıs jäne qauipsizdik komitetiniñ müşesi. 2001 jıldan beri deputat. 2012 jıldan bastap Mäjiliste. «Nwr Otan» partiyasınıñ müşesi, partiyalıq tizim boyınşa saylanğan.

Twrğın Sızdıqov

Biıl 73-te. Ekonomikalıq reforma jäne öñirlik damu komitetiniñ müşesi. 2016 jıldan beri deputat. Mäjilistegi Qazaqstan Kommunistik halıq partiyası frakciyası Prezidiumınıñ müşesi. 2015 jılı prezidenttikke ümitker bolğan.

Baqtıqoja İzmwhambetov

Biıl 72-de. Halıqaralıq ister, qorğanıs jäne qauipsizdik komitetiniñ müşesi. 2012 jıldan beri deputat. Birneşe oblısta äkim bolğan.

Vladimir Bojko

Biıl 71-de. Mäjilis törağasınıñ orınbasarı. 2016 jıldan beri deputat. Oğan deyin birneşe ministrlikti basqarğan.

Qabibolla Jaqıpov

Biıl 71-de. Halıqaralıq ister, qorğanıs jäne qauipsizdik komitetiniñ müşesi. 2007 jıldan bastap Mäjiliste. 2012 jılı Mäjilis törağası boldı. «Nwr Otan» partiyasınıñ müşesi, partiyalıq tizim boyınşa saylanğan.

Jeksenbay Düysebaev

Biıl 70-te. Agrarlıq mäseleler komitetiniñ hatşısı. 2007 jıldan beri deputat. «Nwr Otan» partiyasınıñ müşesi, partiyalıq tizim boyınşa saylanğan.

Güljan Qaraqwsova

Biıl 70-te. Qarjı jäne byudjet komitetiniñ törayımı. 2007 jılden beri deputat. «Nwr Otan» partiyasınıñ müşesi, partiyalıq tizim boyınşa saylanğan.

Şaymardan Nurumov

Biıl 70-te. Ekonomikalıq reforma jäne öñirlik damu komitetiniñ müşesi. 2012 jıldıñ 26 mamırınan «Qazaqstan wyğırlarınıñ respublikalıq etnomädeniet ortalığı» Qoğamdıq birlestiginiñ törağası.

Serik Ümbetov

Biıl 70-te. Agrarlıq mäseleler komitetiniñ müşesi. 2012 jıldan beri deputat. Almatı oblısında äkim bolğan.

Sauıtbek Äbdirahmanov

Biıl 69-da. Äleumettik-mädeni damu komitetiniñ müşesi. 2016 jılıdan beri Mäjilis deputatı. Qazaqstan halqı Assambleyasınan saylanğan.

Abay Tasbolatov

Biıl 69-da. Halıqaralıq ister, qorğanıs jäne qauipsizdik komitetiniñ müşesi. 2012 jıldan beri deputat. «Nwr Otan» partiyasınıñ müşesi, partiyalıq tizim boyınşa saylanğan.

Janat Jarasov

Biıl 69-da. Halıqaralıq ister, qorğanıs jäne qauipsizdik komitetiniñ müşesi. 2012 jıldan bastap Mäjiliste. «Nwr Otan» partiyasınıñ müşesi, partiyalıq tizim boyınşa saylanğan.

Ahmet Muradov

Biıl 69-da. Ekologiya mäseleleri jäne tabiğat paydalanu komitetiniñ müşesi. 2012 jıldan beri deputat. Qazaqstan halqı Assambleyasınan saylanğan.

Erswltan Bektwrğanov

Biıl 68-de. 2012 jılden beri Mäjilis deputatı. «Nwr Otan» partiyasınıñ müşesi, partiyalıq tizim boyınşa saylanğan.

Baqıtjan Ertaev

Biıl 68-de. Halıqaralıq ister, qorğanıs jäne qauipsizdik komitetiniñ müşesi. 2012 jıldan beri deputat. «Nwr Otannıñ» partiyalıq tizimi boyınşa saylanğan.

Baydildä Jılqışiev

Biıl 68-de. Agrarlıq mäseleler komitetiniñ müşesi. 2016 jıldan beri deputat. «Nwr Otan» partiyasınıñ müşesi.

Asqar Bazarbaev

Biıl 66-da. 2012-2016 j.j. – besinşi saylanğan Parlament Mäjilisiniñ deputatı. 2016 jılğı naurızdan bastap - VI saylanğan Mäjilistiñ deputatı. Ekonomikalıq reforma jäne öñirlik damu komitetiniñ müşesi. «Nwr Otan» partiyasınıñ frakciyası jetekşisiniñ orınbasarı.

Galina Baymahanova

Biıl 66-da. 2012 jıldan beri Mäjilis deputatı. Zañnama jäne sot-qwqıqtıq reforma komitetiniñ müşesi. Qazaqstan halıqtıq kommunistik partiyası Ortalıq komitetiniñ müşesi. Almatı qalalıq halıqtıq kommunistik partiyası komitetiniñ birinşi hatşısı. «Halıq kommunisteri» frakciyasınıñ ökili. «Qazaqstan Halqı Assambleyası» deputattıq tobınıñ müşesi.

Omarhan Öksikbaev

Biıl 66-ğa toladı. Qarjı jäne byudjet komitetiniñ müşesi. 2012 jıldan beri deputat. «Nwr Otan» partiyasınıñ müşesi.

Mihail Çirkov

Biıl 66-da. Halıqaralıq ister, qorğanıs jäne qauipsizdik komitetiniñ müşesi. Reseyde tuğan. 2016 jıldan bastap deputat. «Nwr Otan» partiyasınıñ müşesi.

Roman Kim

Biıl 65-ke toladı. Agrarlıq mäseleler komitetiniñ müşesi. 2012 jıldan beri deputat. Qazaqstan halqı Assambleyasınan saylanğan.

Ekaterina Nikitinskaya

Biıl 65-te. Qarjı jäne byudjet komitetiniñ müşesi. 2012 jıldan beri deputat. «Aq jol» Qazaqstan demokratiyalıq partiyasınıñ müşesi.

Bwlardıñ sırtında 62-63 jasqa tolıp qoyğan äyel häm er deputattar qanşama?..Qarañız. Bwl azamattar zeynet jasına tolğan nemese biıl tolatın deputattar.

Zeynet jasındağı:

Mayra Aysina (64 jas),

Irina Aronova (63 jas),

Svetlana Bıçkova (63 jas),

Gülmira Isimbaeva (63 jas),

Zäureş Amanjolova (62 jas),

Zağipa Balieva (62 jas),

Qwralay Qareken (62 jas),

Tat'yana YAkovleva (62 jas).

Vasiliy Oleynik (64 jas),

Beybit Mamraev (63 jas),

Serik Seydumanov (63 jas).

Tüyin. Mine, bizdegi jağday osılay...Biz osığan deyin Parlamenttiñ joğarğı palatası - Senattağı zeynetkerler turalı birdi-ekili maqala jazdıq. Ärqaysınıñ atın atap, türin tüstep körsettik. Bwlardan bölek Süleymenov, Äuezov pen Şarmanov birigip «Aqsaqaldar alqasın» qwrdı. Qoyşı, nesin swraysız...

Qazaqstannıñ negizgi Zañ şığaruşı organı sanalatın Parlamenttiñ tömengi palatasındağılardı joğarıda tağı jazdıq. Iñğay «pensionerler». Iñğay alpıstan asqan atalar men apalar!

Sayasatker Dos Köşim: «Jası 60-tan asqan, nemese 60-qa jetkenderdiñ sayasattağı röli – keñesşi ğana», deydi. Äbden jön söz. Solay boluı tiis te! Bügingi karantinge baylanıstı kanikul alğan deputattardıñ ornına jas buınnıñ, jaña buınnıñ keletin kezi jetken-aq! Bilikke üşin, Parlament üşin zeynettegi qariyalardan göri jastardıñ üni mañızdı boluı kerek edi.

Äy, biraq... Aldı 10-15 jıldan deputattıq kresloda otırğan joğarıdağı kommunist-komsomol ata-apalar Täuelsiz Qazaqstan tärbielep şığarğan jastarğa orın bere qoysın...Äytpese, 80-nen asqan Kosarevtar men, 80-ge jete qalğan Swltanovtar beynetiniñ zeynetin körer uağında kreslo jağalap jürer me edi...

Abai.kz

42 pikir